ടെലികോം രംഗത്തെ പ്രമുഖരായ വോഡഫോൺ അടുത്തിടെ വരിക്കാർക്കായി പുതിയ പ്രീപെയ്ഡ് റീചാർജ് സ്കീം പ്രഖ്യാപിച്ചു. 499 രൂപയുടെ പ്രീപെയ്ഡ് പ്ലാൻ നിലവിലുള്ള 555 രൂപയുടെ പ്ലാനിൽ ചെറിയ മാറ്റങ്ങളും കൂട്ടിച്ചേർക്കലുകളും നടത്തിയതാണ്. മിക്ക ടെലികോം സർക്കിളുകളിലും പുതിയ പ്ലാൻ ലഭ്യമാണ്.
പുതിയ പ്ലാൻ
പുതിയ 499 രൂപയുടെ പ്രീപെയ്ഡ് റീചാർജ് പ്ലാനിൽ, ഉപയോക്താക്കൾക്ക് 70 ദിവസത്തെ വാലിഡിറ്റിയിൽ പരിധിയില്ലാത്ത കോളുകളും 1.5 ജിബി ഡാറ്റയും പ്രതിദിനം 100 എസ്എംഎസും സ്വന്തമാക്കാം. അതോടൊപ്പം വോഡഫോൺ പ്ലേ, സീ 5 എന്നിവയുടെ സൌജന്യ സബ്സ്ക്രിപ്ഷനുകളും വോഡഫോൺ വാഗ്ദാനം ചെയ്യുന്നുണ്ട്. നിലവിലുള്ള 555 രൂപയുടെ പ്രീപെയ്ഡ് പ്ലാനിന്റെ അല്പം വിലകുറഞ്ഞ പതിപ്പാണിത്. 555 രൂപയുടെ റീചാർജ് പ്ലാനും ഉപയോക്താക്കൾക്ക് 499 രൂപയുടെ പ്ലാനിന് സമാനമായ ആനുകൂല്യങ്ങളാണ് വാഗ്ദാനം ചെയ്യുന്നത്.
വൊഡാഫോൺ ഐഡിയ റീച്ചാർജ് നിരക്കുകൾ നാളെ മുതൽ കുത്തനെ ഉയരും, പുതിയ പ്ലാനുകൾ ഇതാ..
എതിരാളി ജിയോ
എതിരാളിയായ റിലയൻസ് ജിയോയോട് മത്സരിച്ചാണ് വൊഡാഫോൺ 555 രൂപയുടെ റീചാർജ് പ്ലാൻ നേരത്തെ പുറത്തിറക്കിയത്. ജിയോയ്ക്കും ഇതേ തുകയുടെ പ്ലാനുണ്ട്. റിലയൻസ് ജിയോയുടെ 555 രൂപയുടെ പ്ലാനിൽ 1.5 ജിബി ഡാറ്റയും മൊത്തം 126 ജിബി ഹൈ സ്പീഡ് ഡാറ്റയും 100 എസ്എംഎസും 84 ദിവസത്തേക്ക് ലഭിക്കും. അതോടൊപ്പം, ജിയോ ടു ജിയോ കോളുകൾ പരിധിയില്ലാത്തതും ജിയോ ടു നോൺ ജിയോ 3,000 മിനിറ്റ് കോളും ലഭ്യമാണ്. കൂടാതെ, പ്ലാനിനൊപ്പം ജിയോ ആപ്സ് കോംപ്ലിമെന്ററി സബ്സ്ക്രിപ്ഷനും ജിയോ വാഗ്ദാനം ചെയ്യുന്നുണ്ട്.
വൊഡാഫോണിന്റെ ലക്ഷ്യം
പുതിയ 499 രൂപയുടെ പ്ലാൻ ഉപയോഗിച്ച്, രാജ്യമെമ്പാടുമുള്ള കൂടുതൽ ഉപഭോക്താക്കളിലേക്ക് എത്തിച്ചേരാനും പ്രീപെയ്ഡ് പ്ലാനുകളുടെ ഡാറ്റാബേസ് കാര്യക്ഷമമാക്കാനുമാണ് വോഡഫോൺ ശ്രമിക്കുന്നത്. എല്ലാ പോസ്റ്റ്പെയ്ഡ് സേവനങ്ങളും വോഡഫോൺ ബ്രാൻഡിന് കീഴിൽ മാത്രമേ നൽകൂവെന്ന് കമ്പനി അടുത്തിടെ പ്രഖ്യാപിച്ചിരുന്നു.
എയർടെൽ, വൊഡാഫോൺ ഐഡിയ വരിക്കാർക്ക് ഉടൻ പണി കിട്ടും, ഡിസംബർ ഒന്ന് മുതൽ നിരക്ക് ഉയരും
വോഡഫോൺ റെഡ് പ്ലാൻ
എല്ലാ പുതിയ പോസ്റ്റ്പെയ്ഡ് ഉപഭോക്താക്കളും വോഡഫോൺ റെഡ് പ്ലാനുകളിലേക്ക് പ്രവേശിക്കും. അതേസമയം ഐഡിയ ബ്രാൻഡിന് കീഴിലുള്ള പോസ്റ്റ്പെയ്ഡ് ഓഫറായ ഐഡിയ നിർവാണയിലെ നിലവിലുള്ള എല്ലാ ഉപഭോക്താക്കളും സമാനമായ വോഡഫോൺ റെഡ് പ്ലാനുകളിലേക്ക് മൈഗ്രേറ്റ് ചെയ്യപ്പെടും.
വോഡഫോൺ ഐഡിയ വരിക്കാർക്ക് കിടിലൻ ഓഫറുകളുമായി റെഡ് എക്സ് പ്ലാൻ