വേനൽക്കാലം നേരത്തെ എത്തി, വോൾട്ടാസ് ഓഹരി വാങ്ങിയാൽ കീശയും തണുക്കും, ബ്രോക്കറേജ് പറയുന്നത് ഇതാ...

രാജ്യം വേനൽ കാലത്തിലേക്ക് കടക്കുകയാണ്. അതുകൊണ്ടുതന്നെ എസി വിൽപ്പനയിൽ കുതിച്ചു ചാട്ടം ഉണ്ടാകും. താപനില ഉയരുന്നതുപോലെ എസി കമ്പനികളുടെ ഓഹരികളിലും കുതിപ്പ് ഉണ്ടാകുമോ എന്നതാണ് നിക്ഷേപകർ ഉറ്റുനോക്കുന്ന കാര്യം. വോൾട്ടാസ് ഓഹരിയിൽ ഒരു കുതിപ്പ് ഉണ്ടാകുമെന്നാണ് ബ്രോക്കറേജ് സ്ഥാപനമായ ആക്സിസ് സെക്യൂരിറ്റീസിന് പറയുന്നത്. ഓഹരിയിൽ ബ്രോക്കറേജ് ബൈ റേറ്റിംഗും നൽകിയിട്ടുണ്ട്. കുതിപ്പിന് കാരണമായി ആക്സിസ് സെക്യൂരിറ്റീസ് ചൂണ്ടിക്കാട്ടുന്ന കാര്യങ്ങൾ എന്തെല്ലാമാണെന്ന് നമുക്ക് പരിശോധിക്കാം.

നേരത്തെ ആരംഭിച്ച വേനൽ കാലം

മാർച്ച് രണ്ടാം വാരമായതോടെ രാജ്യത്തിന്‍റെ പലഭാഗങ്ങളും വേനൽക്കാലം ആരംഭിത്തു. മുന്നോട്ട് പോകുമ്പോൾ, ഉഷ്ണതരംഗത്തിന്‍റെ സൂചനകളുള്ള എൽ നിനോയുടെ സാധ്യത വേനൽക്കാല ഉൽപ്പന്നങ്ങളുടെ ആവശ്യകത ഉയർത്തും. ഈ വേനൽക്കാലത്ത് വോൾട്ടാസ് പരമാവധി ശേഷി വിനിയോഗം 85-90% വരെയാക്കുമെന്ന് ബ്രോക്കറേജ് ഹൗസ് വിശ്വസിക്കുന്നു. വോൾട്ടാസിന്റെ റൂം എയർ കണ്ടീഷണേഴ്‌സ് (ആർഎസി) ഈ വർഷം ഇതുവരെ 17.9% വിപണി വിഹിതവുമായി ഒന്നാം സ്ഥാനത്ത് തുടരുകയാണ്. ശക്തമായ പ്രവർത്തനം, ജിഎസ്ടി കുറവ്, പുതിയ ബിഇഇ സ്റ്റാർ-ലേബൽ പരിവർത്തനത്തിനുള്ള തയ്യാറെടുപ്പ് എന്നിവയാണ് വളർച്ചയ്ക്ക് കാരണമായത്. നെറ്റ്‌വർക്ക് വിപുലീകരണം, ശക്തമായ റീട്ടെയിൽ, ഡിജിറ്റൽ ആക്റ്റിവേഷൻ എന്നിവയും വളർച്ചയുടെ വേഗത കൂട്ടി. ഇവ അടുത്ത പാദത്തിൽ അപ്‌ഗ്രേഡുകളും ഡിമാൻഡും വർദ്ധിപ്പിക്കുമെന്ന് പ്രതീക്ഷിക്കുന്നു.

രൂപയുടെ മൂല്യത്തകർച്ച, പുതിയ ബിഇഇ അനുബന്ധ മാനദണ്ഡങ്ങളിലേക്കുള്ള മാറ്റം എന്നിവ കാരണം റൂം എയർ കണ്ടീഷണേഴ്‌സിൽ വില വർദ്ധനവ് ഉണ്ടാകുമെന്ന് കമ്പനി പ്രതീക്ഷിക്കുന്നു. ഇത് 3-സ്റ്റാർ, 5-സ്റ്റാർ മോഡലുകളിൽ കൂടുതൽ സ്വാധീനം ചെലുത്തും. എന്നിരുന്നാലും, ഈ വില വർദ്ധനവ് ഇടത്തരം കാലയളവിൽ മാർജിനുകളെ പിന്തുണയ്ക്കുമെന്ന് ആക്സിസ് സെക്യൂരിറ്റീസ് വിശ്വസിക്കുന്നു.

വർദ്ധിച്ചുവരുന്ന വിപണി വിഹിതം

ഈ വർഷം ഇതുവരെ റഫ്രിജറേറ്ററുകളുടെ കാര്യത്തിൽ 6.2% ഉം വാഷിംഗ് മെഷീനുകളുടെ കാര്യത്തിൽ 8.2% ഉം വിപണി വിഹിതമാണ് വോൾട്ടാസിനുള്ളത്. സെമി ഓട്ടോമാറ്റിക് വാഷിംഗ് മെഷീനുകൾക്കുള്ള ശക്തമായ ഡിമാൻഡും പ്രാദേശികമായി നിർമ്മിക്കുന്ന റഫ്രിജറേറ്റർ പോർട്ട്‌ഫോളിയോയിലെ വളർച്ചയും ഇതിന് കാരണമായി. കമ്പനി വിപണി വിഹിതം വികസിപ്പിക്കുന്നതിൽ ശ്രദ്ധ കേന്ദ്രീകരിക്കുന്നു. സ്കെയിൽ വർദ്ധിക്കുന്നതിനനുസരിച്ച് ബ്രേക്ക്-ഇവൻ പ്രതീക്ഷിക്കാം.

വോൾട്ടാസ് - ഓഹരി വില പ്രകടനം

കഴിഞ്ഞ അഞ്ച് വ്യാപാര സെഷനുകളിൽ വോൾട്ടാസിന്റെ ഓഹരി വിലയിൽ കാര്യമായ മാറ്റമൊന്നും ഉണ്ടായിട്ടില്ല. കഴിഞ്ഞ ഒരു മാസത്തിനുള്ളിൽ ഓഹരി വില 2.7% കുറഞ്ഞു. കഴിഞ്ഞ ആറ് മാസത്തിനുള്ളിൽ 2.9% നേട്ടമുണ്ടാക്കി. കഴിഞ്ഞ ഒരു വർഷത്തിനിടെ വോൾട്ടാസിന് 2.7% നേട്ടമുണ്ടായി. വോൾട്ടാസ് 2026 സാമ്പത്തിക വർഷത്തെ മൂന്നാം പാദത്തിൽ ശക്തമായ ഒരു ത്രൈമാസ പ്രകടനം കാഴ്ചവച്ചു. നിലവിൽ 1,449.20 രൂപ എന്നതാണ് ഓഹരി വില. 1,628 രൂപ രൂപ ടാർഗെറ്റ് വിലയോടെ ഓഹരി വാങ്ങാമെന്നാണ് ബ്രോക്കറേജ് ശുപാർശ. ഇത് നിലവിലെ ഓഹരി വിലയിൽ നിന്നും ഏകദേശം 10 ശതമാനം നേട്ടത്തെ സൂചിപ്പിക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.