Just In
-
-
-
-
Don't Miss
-
സൗദി അറേബ്യയുടെ 'രഹസ്യ മോഹം'; സാധ്യമായാല് ഇന്ത്യ വെട്ടിലാകും... ഇറാന് സഹായിക്കുമോ -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
തിരുവനന്തപുരം; കേരളത്തെ സംരംഭക സൗഹൃദമാക്കാന്‍ ദീര്‍ഘ വീക്ഷണത്തോടെയുള്ള ഇടപെടലായിരുന്നു എംഎസ്എംഇ സംരംഭങ്ങള്‍ക്കായുള്ള ജിയോപോര്‍ട്ടലായ വ്യവസായ ജാലകമെന്ന് വ്യവസായ മന്ത്രി ഇപി ജയരാജൻ. 1,40,393 സംരംഭങ്ങളുടെ വിവരം ഇതുവരെ ശേഖരിച്ചിട്ടുണ്ട്. ഈ വിവരങ്ങള്‍ അടിസ്ഥാനമാക്കി, ഒരു വ്യവസായ ഭൂപടവും തയ്യാറാക്കി. വരും വര്‍ഷങ്ങളിലെ പദ്ധതികള്‍ തയ്യാറാക്കാനും തൊഴിലാളികളുടെ വിവരശേഖരണം, സംരംഭങ്ങളുടെ പ്രശ്‌നങ്ങള്‍ തിരിച്ചറിയല്‍ തുടങ്ങിയ കാര്യങ്ങള്‍ക്കും ജിയോ പോര്‍ട്ടല്‍ സഹായിക്കുമെന്ന് മന്ത്രി പറഞ്ഞു.ഇത് സംബന്ധിച്ച് മന്ത്രി ഫേസ്ബുക്കിൽ പങ്കുവെച്ച കുറിപ്പ് വായിക്കാം
കേരളത്തെ സംരംഭക സൗഹൃദമാക്കാന്‍ ദീര്‍ഘ വീക്ഷണത്തോടെയുള്ള ഇടപെടലായിരുന്നു എംഎസ്എംഇ സംരംഭങ്ങള്‍ക്കായുള്ള ജിയോപോര്‍ട്ടലായ വ്യവസായ ജാലകം. സംസ്ഥാനത്തെ വ്യവസായ സംരംഭങ്ങളെക്കുറിച്ചുള്ള വിവരശേഖരണവും അവയുടെ ക്രോഡീകരണവും നിലവിലെ സ്ഥിതി തിരിച്ചറിയുന്നതിനുമാത്രമല്ല വരും വര്‍ഷങ്ങളില്‍ പദ്ധതി തയ്യാറാക്കുന്നതിനും ഏറെ പ്രധാനപ്പെട്ടതാണ്. ഈ ലക്ഷ്യത്തോടെ വ്യവസായ, വാണിജ്യ ഡയറക്ടറേറ്റിന്റെ പുനഃരൂപകല്‍പ്പന ചെയ്ത വെബ്സൈറ്റാണ് വ്യവസായ ജാലകം.
സംസ്ഥാനത്തെ വ്യാവസായിക സംരംഭങ്ങളെക്കുറിച്ചുള്ള വിവരങ്ങള്‍ ശേഖരിക്കാനും അവ അഭിമുഖീകരിക്കു പ്രശ്നങ്ങളെക്കുറിച്ച് അറിയാനുമായിട്ടാണ് വ്യാവസായിക ജാലകം രൂപകല്‍പ്പന ചെയ്തിരിക്കുന്നത്. ഇതുപ്രകാരം, ഉദ്യോഗസ്ഥര്‍ സംരംഭങ്ങള്‍ സന്ദര്‍ശിച്ച് നേരിട്ട് വിവരങ്ങള്‍ ശേഖരിക്കും. ജി പി എസ് സംവിധാനം ഉപയോഗിച്ച് സംരംഭത്തിന്റെ സ്ഥാനം രേഖപ്പെടുത്തും. 1,40,393 സംരംഭങ്ങളുടെ വിവരം ഇതുവരെ ശേഖരിച്ചിട്ടുണ്ട്. ഈ വിവരങ്ങള്‍ അടിസ്ഥാനമാക്കി, ഒരു വ്യവസായ ഭൂപടവും തയ്യാറാക്കി. വരും വര്‍ഷങ്ങളിലെ പദ്ധതികള്‍ തയ്യാറാക്കാനും തൊഴിലാളികളുടെ വിവരശേഖരണം, സംരംഭങ്ങളുടെ പ്രശ്‌നങ്ങള്‍ തിരിച്ചറിയല്‍ തുടങ്ങിയ കാര്യങ്ങള്‍ക്കും ജിയോ പോര്‍ട്ടല്‍ സഹായിക്കും.
