വിസ്താര- എയർ ഇന്ത്യ ലയനത്തോടെ ഈ ക്രെഡിറ്റ് കാർഡുകൾക്ക് ഇനി ആനുകൂല്യങ്ങൾ ലഭിക്കുമോ?

നിങ്ങൾ വിമാന യാത്രകൾ സ്ഥിരമായി ചെയ്യുന്ന വ്യക്തിയാണോ? എങ്കിൽ ഈ പുതിയ അപ്ഡേറ്റുകൾ തീർച്ചയായും അറിഞ്ഞിരിക്കണം. വിസ്താര എയർലൈൻസ് ഉടൻ ടാറ്റ ഗ്രൂപ്പിൻ്റെ എയർലൈനായ എയർ ഇന്ത്യയുടെ ഭാ​ഗമാവും. ഇത് നേരത്തെ പ്രഖ്യാപിച്ചിരുന്നെങ്കിലും ഈ നവംബറിലാണ് ഔദ്യോ​ഗികമായി വിസ്താര എയർ ഇന്ത്യയിൽ ലയിക്കുന്നത്. വിസ്താര വഴി ഫ്ലൈറ്റ് യാത്ര ബുക്ക് ചെയ്തവർ പേടിക്കേണ്ട.

2024 നവംബർ 12-നോ അതിനു ശേഷമോ ഷെഡ്യൂൾ ചെയ്‌തിരിക്കുന്ന എല്ലാ വിസ്താര-ഓപ്പറേറ്റഡ് ഫ്ലൈറ്റുകളുടെയും റിസർവേഷനുകൾ എയർ ഇന്ത്യയുടെ വെബ്‌സൈറ്റ് വഴി നടത്തും. ഈ തിയ്യതിയിലാണ് വിസ്താര ഔദ്യോ​ഗികമായി വിസ്താരയിൽ ലയിക്കുന്നത്. എന്നാൽ ഇതൽ മറ്റൊരു പ്രതിസന്ധി ഒളിഞ്ഞിരിപ്പുണ്ട്. വിസ്താരയിൽ സ്ഥിരമായി യാത്ര ചെയ്തിരുന്നവർ വിസ്താര കോ-ബ്രാൻഡഡ് ക്രെഡിറ്റ് കാർഡുകൾ ഉപയോ​ഗിച്ചിരുന്നു. ഇതുവഴി നിരവധി ആനുകൂല്യങ്ങളും ലഭിച്ചിരുന്നു. എന്നാൽ ഇനി എയർ ഇന്ത്യയിൽ വിസ്താര ലയിക്കുമ്പോൾ ഈ കാർഡുകൾ എന്തു ചെയ്യും?

കോ- ബ്രാൻഡഡ് ക്രെഡിറ്റ് കാർഡുകൾക്കുള്ള അപ്ഡേറ്റ്

നിരവധി വ്യക്തികൾക്ക് ഇത്തരം ക്രെഡിറ്റ് കാർഡുണ്ട്. അധിക ആനുകൂല്യങ്ങൾ ഉറപ്പാക്കാൻ വേണ്ടിയായിരുന്നു ഇത്തരം കാർഡുകൾ ഉപയോ​ഗിച്ചിരുന്നത്. എന്നാൽ വിസ്താര ഇപ്പോൾ എയർ ഇന്ത്യയിലേക്ക് ലയിക്കുമ്പോൾ കാർഡുകളുടെ കാര്യത്തിൽ ടെൻഷൻ വേണ്ട. 2026 മാർച്ച് 31 വരെ നിലവിലെ കാർഡുകൾ ഉപയോ​ഗിക്കാം. ലയന പ്രക്രിയകൾ പൂർത്തിയാവാൻ ഇനിയും സമയം എടുക്കും.

നിങ്ങളുടെ കാർഡിന്റെ വർഷിക അം​ഗത്വം പുതുക്കാൻ ഉണ്ടെങ്കിലും അത് 2025 മാർച്ച് 31-നപ്പുറം പ്രോസസ്സ് ചെയ്യില്ല. ചില കാർഡുകളുടെ പുതുക്കൽ സമയം വ്യത്യസ്തമാണ്. എങ്കിലും 2025 മാർച്ച് 31നു ശേഷം ഇത് സാധ്യമല്ല. 2026 മാർച്ച് 31 വരെയാണ് നിലവിലെ ഈ കാർഡുകളുടെ ആനൂകൂല്യം പ്രയോജനപ്പെടുകയുള്ളൂ.

2024 നവംബർ 12-നാണ് വിവിധ മാറ്റങ്ങൾ വരുന്നത്. അതിന്റെ ഭാ​ഗമായി കോംപ്ലിമെൻ്ററി ടിക്കറ്റ് വൗച്ചറുകൾ, വൺ ക്ലാസ് അപ്‌ഗ്രേഡ് വൗച്ചറുകൾ, കൂടാതെ എല്ലാ സിവി പോയിൻ്റുകളും ബന്ധപ്പെട്ട ഫ്ലയിംഗ് റിട്ടേൺസ് അക്കൗണ്ടുകളിലേക്ക് മാറ്റും. കോ-ബ്രാൻഡ് കാർഡ് ഉടമകൾക്ക് ഈ തീയതിക്ക് ശേഷം കോംപ്ലിമെൻ്ററി ടിക്കറ്റ് വൗച്ചറുകളും ഫ്ലയിംഗ് റിട്ടേൺസ് പോയിൻ്റുകളും നിലവിലെ കാർഡ് പെർക്കുകൾക്ക് മുകളിൽ ലഭിക്കും.

ഈ വർഷം മുതൽ വിസ്താര കോ-ബ്രാൻഡഡ് കാർഡുകൾ വിതരണം ചെയ്യുന്നത് അവസാനിപ്പിച്ചു. ഇനി നിലവിൽ 6 കാർഡുകളാണ് ഉള്ളത്. നിങ്ങളുടെ വിസ്താര കോ-ബ്രാൻഡഡ് കാർഡ് ഏതാണ്? പരിശോധിക്കാം...

6 കോ-ബ്രാൻഡഡ് ക്രെഡിറ്റ് കാർഡുകൾ

1) ക്ലബ് വിസ്താര എസ്.ബി.ഐ കാർഡ്

കാർഡ് ആക്ടിവേറ്റ് ചെയ്താൽ 1 ഇക്കോണമി ക്ലാസ് ടിക്കറ്റ് വൗച്ചർ ലഭിക്കും

ഓരോ വർഷവും 1.25 ലക്ഷം, 2.5 ലക്ഷം, 5 ലക്ഷം എന്നിങ്ങനെ ചിലവഴിച്ചാൽ 1 ഇക്കണോമി ക്ലാസ് ടിക്കറ്റ് നേടൂ.

ഇന്ധനം ഉൾപ്പെടെ ഓരോ 200 രൂപയുടെ എല്ലാ ചെലവുകൾക്കും 3 CV പോയിൻ്റുകൾ.

എല്ലാ വർഷവും 4 ഡൊമസ്റ്റിക് എയർപോർട്ട് ലോഞ്ച് ആക്സസ്

കോംപ്ലിമെൻ്ററി പ്രയോറിറ്റി പാസ് നേടാം

വാർഷിക ഫീസ് 1,499 രൂപയാണ്.

2) ആക്സിസ് ബാങ്ക് വിസ്താര പ്ലാറ്റിനം ക്രെഡിറ്റ് കാർഡ്

കാർഡ് ആക്ടിവേറ്റ് ചെയ്താൽ 1 ഇക്കോണമി ക്ലാസ് ടിക്കറ്റ് വൗച്ചർ

ഓരോ വർഷവും 1.25 ലക്ഷം, 2.5 ലക്ഷം, 6 ലക്ഷം എന്നിങ്ങനെ ചിലവഴിച്ചാൽ 3 ഇക്കണോമി ക്ലാസ് ടിക്കറ്റ് വൗച്ചറുകൾ നേടൂ.

ഓരോ പാദത്തിലും 2 കോംപ്ലിമെൻ്ററി ലോഞ്ച് ആക്സസ് (ഇന്ത്യക്കുള്ളിൽ)

വാർഷിക ഫീസ് 1,500 രൂപ.

3) ക്ലബ് വിസ്താര എസ്.ബി.ഐ പ്രൈം

കാർഡ് ആക്ടിവേറ്റ് ചെയ്താൽ 1 പ്രീമിയം ഇക്കോണമി ക്ലാസ് ടിക്കറ്റ് വൗച്ചർ

90 ദിവസത്തിനുള്ളിൽ 75,000 രൂപ ചിലവഴിച്ചാൽ 3,000 ബോണസ് റിവാർഡ് പോയിൻ്റുകൾ.

ഇന്ധനം ഉൾപ്പെടെ ഓരോ 200 രൂപയുടെ ചിലവുകൾക്ക് 4 CV പോയിൻ്റുകൾ.

ഓരോ വർഷവും 1.5 ലക്ഷം, 3 ലക്ഷം, 4.5 ലക്ഷം, 8 ലക്ഷം എന്നിങ്ങനെ ചിലവഴിച്ചാൽ 4 പ്രീമിയം ഇക്കണോമി ക്ലാസ് ടിക്കറ്റ് വൗച്ചറുകൾ നേടൂ.

വർഷത്തിൽ 8 കോംപ്ലിമെൻ്ററി ലോഞ്ച് ആക്സസ്

വർ‌ഷത്തിൽ അന്താരാഷ്ട്ര എയർപോർട്ടുകളിൽ 4 കോംപ്ലിമെൻ്ററി ലോഞ്ച് ആക്സസ്

വാർഷിക ഫീസ് 2,999 രൂപ

4) ആക്സിസ് ബാങ്ക് വിസ്താര സിഗ്നേച്ചർ

കാർഡ് ആക്ടിവേറ്റ് ചെയ്താൽ 1 പ്രീമിയം ഇക്കോണമി ക്ലാസ് ടിക്കറ്റ് വൗച്ചർ

കോംപ്ലിമെൻ്ററി ക്ലബ് വിസ്താര സിൽവർ മെമ്പർഷിപ്പ്

ഇന്ധനം, യൂട്ടിലിറ്റി ചിലവുകൾ ഒഴികെയുള്ള ഓരോ 200 രൂപയുടെ ചിലവുകൾക്ക് 4 CV പോയിന്റുകൾ നേടാം.

ഇന്ത്യയ്ക്കുള്ളിൽ ഓരോ പാദത്തിലും 2 കോംപ്ലിമെൻ്ററി ലോഞ്ച് പ്രവേശനം

ഓരോ വർഷവും 1.5 ലക്ഷം, 3 ലക്ഷം, 4.5 ലക്ഷം, 9 ലക്ഷം എന്നിങ്ങനെ ചിലവഴിച്ചാൽ 4 പ്രീമിയം ഇക്കണോമി ക്ലാസ് ടിക്കറ്റ് വൗച്ചറുകൾ നേടൂ.

എല്ലാ വർഷവും 3 കോംപ്ലിമെൻ്ററി ഗോൾഫ് റൗണ്ടുകൾ

വാർഷിക ഫീസ് 3,000 രൂപ.

5) ക്ലബ് വിസ്താര ഐ.ഡി.എഫ്.സി ഫസ്റ്റ്

കാർഡ് ആക്ടിവേറ്റ് ചെയ്താൽ 1 പ്രീമിയം ഇക്കോണമി ക്ലാസ് ടിക്കറ്റ് വൗച്ചറും 1 ക്ലാസ് അപ്‌ഗ്രേഡ് ഇ-വൗച്ചറും നേടും

ക്ലബ് വിസ്താര സിൽവർ മെമ്പർഷിപ്പും 3 മാസത്തേക്ക് EazyDiner പ്രൈം മെമ്പർഷിപ്പും

ഓരോ വർഷവും 1.5 ലക്ഷം, 3 ലക്ഷം, 4.5 ലക്ഷം, 9 ലക്ഷം, 12 ലക്ഷം എന്നിങ്ങനെ ചിലവഴിച്ചാൽ 5 പ്രീമിയം ഇക്കണോമി ക്ലാസ് ടിക്കറ്റ് വൗച്ചറുകൾ നേടൂ.

ഓരോ പാദത്തിലും അന്താരാഷ്ട്ര എയർപോർട്ടിലേക്ക് 1 കോപ്ലിമെന്ററി ലോഞ്ച് ആക്സസ് ലഭിക്കും.

വാർഷിക ഫീസ് 4,999 രൂപയാണ്.

6) ആക്സിസ് ബാങ്ക് വിസ്താര ഇൻഫിനിറ്റ്

കാർഡ് ആക്ടിവേറ്റ് ചെയ്താൽ 1 ബിസിനസ് ക്ലാസ് ടിക്കറ്റ് വൗച്ചർ

കോംപ്ലിമെൻ്ററി ക്ലബ് വിസ്താര ഗോൾഡ് മെമ്പർഷിപ്പ്

ഇന്ത്യയ്ക്കുള്ളിൽ ഓരോ പാദത്തിലും 2 കോംപ്ലിമെൻ്ററി ലോഞ്ച് ആക്സസ്

ഓരോ വർഷവും 2.5 ലക്ഷം, 5 ലക്ഷം, 7.5 ലക്ഷം, 12 ലക്ഷം എന്നിങ്ങനെ ചിലവഴിച്ചാൽ 4 ബിസിനസ് ക്ലാസ് ടിക്കറ്റ് വൗച്ചറുകൾ നേടൂ.

വാർഷിക ഫീസ് 10,000 രൂപ