യുകെയിലേയ്ക്ക് ഡിസംബർ 22 മുതൽ 31 വരെ എയർ ഇന്ത്യ വിമാന ടിക്കറ്റ് ബുക്ക് ചെയ്തവർ ഇനി എന്ത് ചെയ്യണം?

ഡിസംബർ 22 മുതൽ ഡിസംബർ 31 വരെ യുകെയിലേയ്ക്കും ഒമാനിലേക്കും സൗദി അറേബ്യയിലേക്കും (ഡിസംബർ 22 മുതൽ ഡിസംബർ 29 വരെ) വിമാന സർവീസുകൾ നിർത്തിവയ്ക്കണമെന്ന കേന്ദ്രസർക്കാരിന്റെ നിർദേശം കണക്കിലെടുത്ത് ദേശീയ വിമാനക്കമ്പനിയായ എയർ ഇന്ത്യ ഈ കാലയളവിൽ യാത്ര ചെയ്യാൻ ടിക്കറ്റ് ബുക്ക് ചെയ്ത യാത്രക്കാർക്ക് സൌജന്യമായി ടിക്കറ്റുകൾ റീഷെഡ്യൂൾ ചെയ്യാൻ അവസരം നൽകും.

എന്നിരുന്നാലും, ഷെഡ്യൂൾ ചെയ്ത യാത്ര ഈ മാസം ഡിസംബർ 31 നകം പൂർത്തിയാക്കണമെന്ന് എയർ ഇന്ത്യ അറിയിച്ചു. ഒറ്റത്തവണ പുന: ക്രമീകരണം, റദ്ദാക്കൽ എന്നിവയ്ക്കുള്ള എല്ലാ പിഴകളും ഈ വർഷം ഡിസംബർ 22 നും 31 നും ഇടയിൽ ബുക്കിംഗിനായി എഴുതിത്തള്ളുമെന്നും എയർലൈൻ അറിയിച്ചു.

യുകെയിലേയ്ക്ക് ഡിസംബർ 22 മുതൽ 31 വരെ എയർ ഇന്ത്യ വിമാന ടിക്കറ്റ് ബുക്ക് ചെയ്തവർ ഇനി എന്ത് ചെയ്യണം?

രാജ്യത്ത് കണ്ടെത്തിയ പുതിയ കൊറോണ വൈറസ് വ്യാപനം പരിശോധിക്കുന്നതിനുള്ള മുൻകരുതൽ നടപടിയായി യുകെ, ഒമാൻ, സൗദി അറേബ്യ എന്നിവിടങ്ങളിലേക്കുള്ള വിമാനങ്ങൾ താൽക്കാലികമായി നിർത്തിവച്ചിരിക്കുകയാണ്.

അന്തർദ്ദേശീയ, ആഭ്യന്തര വിമാനങ്ങളിലെ ക്രൂ അംഗങ്ങളോട് അനുവദിച്ച മുറികളിൽ ഐസൊലേഷനിൽ കഴിയണമെന്നും എയർലൈൻ നിർദേശം നൽകിയിട്ടുണ്ട്. ഡിസംബർ 23 നും ഡിസംബർ 31 നും ഇടയിൽ യുകെയിലേയ്ക്കും യുകെയിൽ നിന്ന് പുറത്തേയ്ക്കുമുള്ള സർവ്വീസുകൾ 40ൽ അധികം രാജ്യങ്ങൾ നിർത്തി വച്ചിരിക്കുകയാണ്.