അഞ്ച് വർഷത്തിനിടെ 32 ശതമാനം നേട്ടം, മികച്ച പ്രകടനവുമായി മൾട്ടി അസറ്റ് അലോക്കേഷൻ ഫണ്ടുകൾ, കൂടെക്കൂട്ടുന്നോ

മ്യൂച്വൽ ഫണ്ട് നിക്ഷേപത്തിലേക്ക് ആദ്യമായി കടന്നു വരുന്ന നിക്ഷേപകനെ സംബന്ധിച്ച് ആദ്യ വെല്ലുവിളി ഏത് മ്യൂച്വൽ ഫണ്ട് തിരിഞ്ഞെടുക്കണമെന്നതാണ്. കാരണം മ്യൂച്വൽ ഫണ്ടുകളുടെ ലോകം അത്രയും വലുതാണ്. ലളിതമായി പറഞ്ഞാൽ ഒരു കൂട്ടം നിക്ഷേപകർ ചേർന്ന് സമാഹരിക്കുന്ന പണം ഒന്നിച്ച് ചേർത്ത് രൂപീകരിക്കുന്നതാണ് മ്യൂച്വൽ ഫണ്ട്. ഒരു പ്രൊഫഷണൽ ഫണ്ട് മാനേജരാകും മ്യൂച്വൽ ഫണ്ട് കൈകാര്യം ചെയ്യുക.

പൊതുവായ നിക്ഷേപ ലക്ഷ്യങ്ങളുള്ള ഒരു കൂട്ടം നിക്ഷേപകരിൽ നിന്ന് പണം സമാഹരിച്ചുകൊണ്ടാണ് മ്യൂച്വൽ ഫണ്ട് രൂപീകരിക്കുക. തുടർന്ന് ഇക്വിറ്റികളായും ബോണ്ടുകളായും മണി മാർക്കറ്റ് ഉപകരണങ്ങളായും മറ്റു ധനകാര്യ സെക്യൂരിറ്റികളായും ഈ പണം നിക്ഷേപിക്കപ്പെടുന്നു.

ഏത് ഫണ്ടിലാണ് നിക്ഷേപിക്കേണ്ടത്?

ദീർഘകാല വരുമാനത്തെയും സാമ്പത്തിക ലക്ഷ്യങ്ങളെയും കുറിച്ചുള്ള നിങ്ങളുടെ ധാരണയെ അടിസ്ഥാനമാക്കിയാണ് ഫണ്ടുകളുടെ തിരഞ്ഞെടുപ്പ്. നിങ്ങളുടെ പോർട്ട്‌ഫോളിയോയ്ക്കുള്ളിലെ റിസ്ക്-റിട്ടേൺ ഡൈനാമിക്സിനെക്കുറിച്ചുള്ള വിലയിരുത്തലും നിർണായകമാണ്.

ചില നിക്ഷേപകർ അവരുടെ ഫണ്ട് തിരഞ്ഞെടുക്കുന്നത് അഞ്ചോ പത്തോ വർഷത്തെ റിട്ടേണുകളിൽ പ്രതിഫലിക്കുന്ന സ്ഥിരതയെ അടിസ്ഥാനമാക്കിയാണ്. വിറ്റുവരവ് അനുപാതം, ഫണ്ട് മാനേജർ പ്രകടനം, അസറ്റ് മാനേജ്മെന്‍റിന്‍റെ ട്രാക്ക് റെക്കോർഡ് തുടങ്ങിയ ഘടകങ്ങളും പരിശോധിക്കും.

നിക്ഷേപിക്കാൻ തെരഞ്ഞെടുക്കുന്ന ഫണ്ടിനെക്കുറിച്ച് കൃത്യമായ ധാരണ ഉണ്ടായിരിക്കേണ്ടത് ഏറ്റവും പ്രധാനപ്പെട്ട കാര്യമാണ്.

വിവിധ വിഭാഗങ്ങളിൽ മ്യൂച്വൽ ഫണ്ടുകളുണ്ട്. അതിലൊന്നാണ് മൾട്ടി-അസറ്റ് അലോക്കേഷൻ മ്യൂച്വൽ ഫണ്ടുകൾ. ഈ വിഭാഗത്തിൽ മികച്ച നേട്ടമുണ്ടാക്കിയ ഫണ്ടുകളെക്കുറിച്ചറിയാം.

മൾട്ടി അസറ്റ് അലോക്കേഷൻ ഫണ്ടുകൾ

കുറഞ്ഞത് മൂന്ന് അസറ്റ് ക്ലാസുകളിൽ എങ്കിലും നിക്ഷേപം നടത്തുന്ന തരം ഫണ്ടുകളാണ് മൾട്ടി അസറ്റ് അലോക്കേഷൻ ഫണ്ടുകൾ. ഈ മൂന്ന് അസറ്റ് ക്ലാസുകളിലും കുറഞ്ഞ നിക്ഷേപം 10% വീതമായിരിക്കും. പൊതുവെ ഇത്തരം ഫണ്ടുകൾ ഇക്വിറ്റി, ഡെറ്റ് എന്നീ വിഭാഗങ്ങൾ കൂടാതെ ഗോൾഡ്, റിയൽ എസ്റ്റേറ്റ് പോലെയുള്ള മറ്റൊരു അസറ്റ് ക്ലാസിൽ കൂടി നിക്ഷേപം നടത്തുന്നു.

നിക്ഷേപത്തിന്‍റെ പ്രധാന നേട്ടങ്ങൾ

1. മൾട്ടി-അസറ്റ് അലോക്കേഷൻ നിക്ഷേപകരെ അവരുടെ പോർട്ട്ഫോളിയോയെ വിവിധ റിസ്ക്-റിവാർഡ് ഘടകങ്ങളുമായി വ്യത്യസ്ത അസറ്റ് ക്ലാസുകളിൽ നിക്ഷേപിക്കാൻ പ്രാപ്തരാക്കുന്നു. നിക്ഷേപകർക്ക് അവരുടെ അപകടസാധ്യത കുറയ്ക്കാനും വ്യത്യസ്ത വിപണി ചക്രങ്ങളിലൂടെ സ്ഥിരമായ വരുമാനം നേടാനും ഇത് സഹായിക്കുന്നു.

2. മൾട്ടി-അസറ്റ് അലോക്കേഷൻ മ്യൂച്വൽ ഫണ്ടുകൾ ഓട്ടോമാറ്റിക് പോർട്ട്‌ഫോളിയോ റീബാലൻസിംഗ് ഓപ്ഷനുമായാണ് വരുന്നത്. അത് നിക്ഷേപകരെ സഹായിക്കുന്നു.

3. ഫണ്ട് മാനേജർ ഈ അസറ്റ് ക്ലാസുകളിലുടനീളമുള്ള വിതരണത്തിന് ചലനാത്മകമായി മേൽനോട്ടം വഹിക്കുന്നു, അവരുടെ വിപണി വീക്ഷണത്തിന് അനുസൃതമായി മാറ്റങ്ങൾ വരുത്തുന്നു.

4. ഫണ്ട് മാനേജർ നടപ്പിലാക്കുന്ന അസറ്റ് അലോക്കേഷൻ തന്ത്രത്തെ ആശ്രയിച്ച്, ഈ ഫണ്ടുകൾക്ക് നിക്ഷേപകരുടെ റിസ്‌ക് ആപ്പുകളുടെ വിശാലമായ സ്പെക്ട്രം ഉൾക്കൊള്ളാൻ കഴിയും.

മൾട്ടി അസറ്റ് ഫണ്ടുകളുടെ കഴിഞ്ഞ 5 വർഷത്തെ വരുമാനം പരിശോധിക്കാം.

1. ക്വാണ്ട് മൾട്ടി അസറ്റ് ഫണ്ട് - 32.34 ശതമാനം
2. ഐസിഐസിഐ പ്രുഡൻഷ്യൽ മൾട്ടി അസറ്റ് ഫണ്ട് - 24.03 ശതമാനം
3. യുടിഐ മൾട്ടി അസറ്റ് അലോക്കേഷൻ ഫണ്ട് - 18.59 ശതമാനം
4. എച്ച്ഡിഎഫ്സി മൾട്ടി അസറ്റ് ഫണ്ട് - 17.08 ശതമാനം
5. എസ്ബിഐ മൾട്ടി അസറ്റ് അലോക്കേഷൻ ഫണ്ട് - 16.05 ശതമാനം
6. ആക്സിസ് മൾട്ടി അസറ്റ് അലോക്കേഷൻ ഫണ്ട് - 12.74 ശതമാനം

അനുയോജ്യം ആർക്ക്..?

താരതമ്യേന സ്ഥിരതയുള്ള റിട്ടേണുകൾ ലക്ഷ്യമിടുന്ന റിസ്ക് ടോളറൻസ് കുറവുള്ള നിക്ഷേപകർക്ക് അനുയോജ്യമാണ് മൾട്ടി-അസറ്റ് അലോക്കേഷൻ മ്യൂച്വൽ ഫണ്ടുകൾ. അതേ സമയം സ്ഥിരത ഊന്നിപ്പറയുന്നുണ്ടെങ്കിലും, സ്ഥിരമായ വരുമാനം ഉറപ്പുനൽകുന്നില്ല. മൾട്ടി-അസറ്റ് ഫണ്ടുകൾക്ക് ഇപ്പോഴും വ്യതിയാനങ്ങൾ അനുഭവപ്പെടാം. അതുകൊണ്ടു തന്നെ ഒരു സാമ്പത്തിക ഉപദേഷ്ടാവിൽ നിന്ന് മാർഗനിർദേശം തേടുന്നത് സാഹചര്യങ്ങൾക്കനുസൃതമായി തീരുമാനം എടുക്കുന്നതിന് ഗുണം ചെയ്യും.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.