2020ൽ കടത്തിൽ മുങ്ങുന്ന രാജ്യങ്ങൾ ഏതൊക്കെയെന്ന് അറിയണ്ടേ?

ജപ്പാൻ

ജപ്പാനിലെ കടം-ജിഡിപി അനുപാതം 237.7 ശതമാനമാണ്. 1997 മുതൽ ജപ്പാനിൽ കടം വർദ്ധിച്ചുകൊണ്ടിരിക്കുകയാണ്. 2019 ൽ ഇത് 12.2 ട്രില്യൺ ഡോളറിലെത്തി. അതേസമയം ജിഡിപി വളർച്ച നിശ്ചലമായി. കടം കൈകാര്യം ചെയ്യുന്നതിനായി, ജാപ്പനീസ് സെൻട്രൽ ബാങ്ക് പലിശനിരക്ക് കുറയ്ക്കുകയും സർക്കാർ ബോണ്ടുകൾ വാങ്ങുകയും ചെയ്തു.

സുഡാൻ

207% ആണ് സുഡാന്റെ കടം-ജിഡിപി അനുപാതം. 2011 ൽ തെക്കൻ സംസ്ഥാനങ്ങൾ വേർപെടുത്തിയതും ദക്ഷിണ സുഡാൻ രൂപീകരിച്ചതും സുഡാനെ ബാധിച്ചു. അതിനർത്ഥം സർക്കാരിന്റെ വരുമാനത്തിന്റെ പകുതിയെ പ്രതിനിധീകരിക്കുന്ന എണ്ണ ശേഖരം നഷ്ടപ്പെട്ടുവെന്നതാണ്. സുഡാന്റെ കടത്തിന്റെ ഒരു കാരണം യുഎസ് സാമ്പത്തിക, വാണിജ്യ, ഉപരോധങ്ങളാണ്. ഇത് രാജ്യത്തിന്റെ സാമ്പത്തിക വികസനത്തെ തടസ്സപ്പെടുത്തി. സാമ്പത്തിക വളർച്ചയെ തടസ്സപ്പെടുത്തുകയും രാഷ്ട്രീയവും സാമൂഹികവുമായ അസ്ഥിരതയ്ക്ക് കാരണമാവുകയും ചെയ്ത ഐ.എം.എഫ് ഏർപ്പെടുത്തിയ ചെലവുചുരുക്കൽ നടപടികളാണ് മറ്റൊരു കാരണം. 92.2 ബില്യൺ ഡോളറാണ് സുഡാനിലെ പൊതു കടം.

ഗ്രീസ്

176.6% ആണ് ഗ്രീസിന്റെ കടം-ജിഡിപി അനുപാതം. യൂറോസോൺ ശരാശരിയേക്കാൾ വളരെ കൂടുതലാണിത്. യൂറോസ്റ്റാറ്റിന്റെ കണക്കനുസരിച്ച് 2019 ജൂലൈയിൽ 85.9% ആയിരുന്നു. 2013ൽ ഗ്രീസിലെ തൊഴിലില്ലായ്മ നിരക്ക് 27.5% വരെ ഉയർന്നതിനാൽ തൊഴിൽ സാധ്യതകളെ ബാധിച്ചു.
എന്നാൽ 2017 മുതൽ സമ്പദ്‌വ്യവസ്ഥ വളർച്ചയിലേക്ക് മടങ്ങുന്നുണ്ട്. പ്രതിവർഷം ഏകദേശം 2% വളർച്ചയാണ് കൈവരിക്കുന്നത്. ഗ്രീസിന്റെ പൊതു കടം നിലവിൽ 371.9 ബില്യൺ ഡോളറാണ്.

ലെബനൻ

155.1% ആണ് കടം-ജിഡിപി അനുപാതം. സാമ്പത്തിക പ്രതിസന്ധി മൂലം രാജ്യത്തെ യുവാക്കളുടെ തൊഴിലില്ലായ്മ 37 ശതമാനമായി ഉയർന്നു. അതേസമയം പൊതുമേഖലാ വേതനവും ഉയർന്ന പലിശനിരക്കും വർദ്ധിക്കുന്നത് കടം പ്രതിസന്ധിയെ കൂടുതൽ വഷളാക്കി. വൈദ്യുതി കുറവായതിനാൽ ഏപ്രിലിൽ ലെബനൻ സർക്കാർ വൈദ്യുതി പരിഷ്കരണ പദ്ധതിക്ക് അംഗീകാരം നൽകി, ഇത് ഊർജ്ജ വിതരണം കൂട്ടും. സാമ്പത്തിക വളർച്ചയുടെ സാധ്യതകളും മെച്ചപ്പെടുത്താൻ സഹായിക്കും. മറ്റ് രാജ്യങ്ങളുമായി താരതമ്യപ്പെടുത്തുമ്പോൾ ലെബനന്റെ പൊതു കടം 99.4 മില്യൺ ഡോളറാണ്.

ഇറ്റലി

133.2% ആണ് ഇറ്റലിയുടെ കടം-ജിഡിപി അനുപാതം. കഴിഞ്ഞ രണ്ട് പതിറ്റാണ്ടായി ഇറ്റലിയുടെ സാമ്പത്തിക വളർച്ച വളരെ ദുർബലമാണ്. രാജ്യത്ത് നിലവിൽ 2.6 ട്രില്യൺ ഡോളർ പൊതു കടമാണുള്ളത്.