ഓൺലൈൻ ഫുഡ് ഓർഡറിംഗ് ആപ്ലിക്കേഷനായ സ്വിഗ്ഗിയിൽ ഈ വർഷം ഇന്ത്യക്കാർ ഓർഡർ ചെയ്തത് പൈനാപ്പിൾ ടോപ്പ് പിസ്സ മുതൽ ഫലൂഡ ഐസ്ക്രീം വരെയാണ്. ഡിസംബർ 23ന് പുറത്തിറക്കിയ സ്വിഗ്ഗിയുടെ 2019ലെ ഇന്ത്യക്കാരുടെ ഫുഡ് ഓർഡറിംഗ് ട്രെൻഡുകൾ എന്തൊക്കെയാണെന്ന് പരിശോധിക്കാം. 530 ലധികം നഗരങ്ങളിൽ 1,60,000 റെസ്റ്റോറന്റുകളുമായി സഹകരിച്ചാണ് സ്വിഗ്ഗിയുടെ സേവനം.
ഏറ്റവും കൂടുതൽ ഓർഡർ
ഓൺലൈൻ ഓർഡറിംഗ് പ്ലാറ്റ്ഫോമിൽ തുടർച്ചയായി മൂന്നാം വർഷവും ഏറ്റവും കൂടുതൽ ഓർഡർ ചെയ്ത വിഭവം ബിരിയാണി തന്നെ.രാജ്യത്തുടനീളമുള്ള ഇന്ത്യക്കാർ ഏറ്റവും കൂടുതൽ ഓർഡർ ചെയ്തത് ബിരിയാണി, ഗുലാബ് ജാമുൻ തുടങ്ങിയവയാണെന്ന് റിപ്പോർട്ട് വ്യക്തമാക്കുന്നു.
ഐപിഎല്ലില് ഗോളടിച്ചത് സ്വിഗ്ഗി; ഭക്ഷണ ഓര്ഡറുകള് ഇരട്ടിയായി വര്ധിച്ചു
ബിരിയാണി നമ്പർ വൺ
ചിക്കൻ ബിരിയാണിയ്ക്ക് പകരം വയ്ക്കാൻ മറ്റൊന്നിനും കഴിയില്ലെന്ന് സ്വിഗ്ഗിയുടെ ഓർഡർ ട്രെൻഡുകൾ വ്യക്തമാക്കുന്നു. തുടർച്ചയായ മൂന്നാം വർഷവും ആപ്ലിക്കേഷൻ ഉപയോഗിച്ചവരിൽ ഏറ്റവും പ്രിയങ്കരമായ വിഭവമായി ബിരിയാണി തുടർന്നു. ശരാശരി മിനിറ്റിൽ 95 ബിരിയാണി ഓർഡറുകളാണ് സ്വിഗ്ഗിയിൽ ലഭിച്ചത്. ബോൺലെസ് ചിക്കൻ ബിരിയാണി കഴിഞ്ഞാൽ ചിക്കൻ ഡം ബിരിയാണി, മട്ടൻ ബിരിയാണി, മുട്ട ബിരിയാണി, വെജ് ബിരിയാണി, പനീർ ബിരിയാണി എന്നിവയാണ് സ്വിഗ്ഗിയിലെ ഏറ്റവും കൂടുതൽ ആവശ്യക്കാരുള്ള ബിരിയാണി വിഭവങ്ങൾ.
മധുരപ്രിയർ
മധുരപ്രിയരായ ഇന്ത്യക്കാർ ഏറ്റവും കൂടുതൽ ഓർഡർ ചെയ്ത വിഭവം ഗുലാബ് ജാമുനാണ്. ഗുലാബ് ജാമുന് 17,69,399 ഓർഡറുകളാണ് ഇത്തവണ ലഭിച്ചത്. തുടർന്ന് ഹൽവയ്ക്ക് 2,00,301 ഓർഡറുകൾ ലഭിച്ചു. ഈ വർഷം 3 ലക്ഷത്തിലധികം കേക്കുകളുടെയും ഓർഡർ ലഭിച്ചിട്ടുണ്ടെന്നും റിപ്പോർട്ടിൽ പറയുന്നു. ബ്ലാക്ക് ഫോറസ്റ്റാണ് ഏറ്റവും കൂടുതൽ ഓർഡർ ലഭിത്ത കേക്ക്. ഈ വർഷം സ്വിഗ്ഗിയിൽ ഏറ്റവും കൂടുതൽ ഓർഡർ ചെയ്ത ഡെസേർട്ടുകളുടെ പട്ടികയിൽ മുൻ നിരയിൽ ഫലൂഡയാണ്.
പരിസ്ഥിതിയെ നോവിക്കാതെ ബിസിനസ്; സ്വിഗ്ഗി 15 ലക്ഷം ഭക്ഷണ പാര്സലുകള് വിതരണം ചെയ്തത് സൈക്കിളുകളില്
മറ്റ് വിഭവങ്ങൾ
ചിക്കൻ ബിരിയാണി, മസാല ദോസ, പനീർ ബട്ടർ മസാല, ചിക്കൻ ഫ്രൈഡ് റൈസ്, മട്ടൻ ബിരിയാണി, ചിക്കൻ ഡം ബിരിയാണി, വെജ് ഫ്രൈഡ് റൈസ്, വെജ് ബിരിയാണി, തന്തൂരി ചിക്കൻ, ദാൽ മഖാനി എന്നിവയാണ് സ്വിഗ്ഗിയിൽ സാധാരണ ദിവസങ്ങളിൽ ഏറ്റവും കൂടുതൽ ഓർഡർ ലഭിക്കുന്ന വിഭവങ്ങൾ.
ഹരിദ്വാറില് നോണ് വെജ് ഭക്ഷണം വിതരണം ചെയ്തു; സൊമാറ്റോയ്ക്കും സ്വിഗ്ഗിക്കും നോട്ടീസ്