ലോകത്തെ ഏറ്റവും മികച്ച വിമാനത്താവളം ഏത്? പട്ടികയിൽ ഇന്ത്യയിലെ നാല് വിമാനത്താവളങ്ങളും

ലോകത്തിലെ ഏറ്റവും മികച്ച വിമാനത്താവളങ്ങളുടെ പട്ടികയിൽ ഏഷ്യൻ രാജ്യങ്ങൾക്ക് ആധിപത്യം. ലോക എയർപോർട്ട് അവാർഡ് സംഘാടകരായ സ്കൈട്രാക്സിന്റെ ഏറ്റവും പുതിയ പട്ടിക പ്രകാരം തുടർച്ചയായ എട്ടാം വർഷവും സിംഗപ്പൂരിലെ ചാംഗി വിമാനത്താവളം ലോകത്തിലെ ഏറ്റവും മികച്ച വിമാനത്താവളമായി തിരഞ്ഞെടുത്തു. പട്ടികയിൽ ഉൾപ്പെട്ട ആദ്യ 10 വിമാനത്താവളങ്ങൾ ഏതൊക്കെയാണെന്ന് നോക്കാം.

വിമാനത്താവളങ്ങൾ

• സിംഗപ്പൂർ ചാംഗി വിമാനത്താവളം
• ടോക്കിയോ ഹനേഡ വിമാനത്താവളം
• ഹമദ് അന്താരാഷ്ട്ര വിമാനത്താവളം ദോഹ
• ഇഞ്ചിയോൺ അന്താരാഷ്ട്ര വിമാനത്താവളം
• മ്യൂണിച്ച് വിമാനത്താവളം
• ഹോങ്കോംഗ് അന്താരാഷ്ട്ര വിമാനത്താവളം
• നരിറ്റ അന്താരാഷ്ട്ര വിമാനത്താവളം
• സെൻട്രൽ ജപ്പാൻ അന്താരാഷ്ട്ര വിമാനത്താവളം
• ആംസ്റ്റർഡാം ഷിഫോൾ വിമാനത്താവളം
• കൻസായി അന്താരാഷ്ട്ര വിമാനത്താവളം

ഇന്ത്യൻ വിമാനത്താവളങ്ങൾ

ലോകത്തിലെ ഏറ്റവും മികച്ച 100 വിമാനത്താവളങ്ങളുടെ പട്ടികയിൽ നാല് ഇന്ത്യൻ വിമാനത്താവളങ്ങൾ ഉൾപ്പെട്ടിട്ടുണ്ട്. താഴെ പറയുന്നവയാണ് അവ.

• ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളം
• മുംബൈ ഛത്രപതി ശിവജി മഹാരാജ് അന്താരാഷ്ട്ര വിമാനത്താവളം
• ബെംഗളൂരു കെമ്പെഗൗഡ അന്താരാഷ്ട്ര വിമാനത്താവളം
• ഹൈദരാബാദ് രാജീവ് ഗാന്ധി അന്താരാഷ്ട്ര വിമാനത്താവളം

ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളം

ലോകമെമ്പാടുമുള്ള മികച്ച വിമാനത്താവളങ്ങഷി 50-ാം സ്ഥാനമാണ് ഡൽഹി വിമാനത്താവളത്തിന് ലഭിച്ചത്. പട്ടികയിൽ ഉൾപ്പെട്ട ഇന്ത്യയിലെ ഏറ്റവും മികച്ച വിമാനത്താവളം ഡൽഹി തന്നെയാണ്. കഴിഞ്ഞ വർഷം ഡൽഹി വിമാനത്താവളത്തിന് 59-ാം സ്ഥാനത്തായിരുന്നു.

 

മുംബൈ ഛത്രപതി ശിവജി മഹാരാജ് അന്താരാഷ്ട്ര വിമാനത്താവളം

ഡൽഹിയ്ക്ക് തൊട്ട് പിന്നിൽ മുംബൈ വിമാനത്താവളമാണ്. 52-ാം സ്ഥാനമാണ് ഛത്രപതി ശിവജി മഹാരാജ് അന്താരാഷ്ട്ര വിമാനത്താവളത്തിന് ലഭിച്ചിരിക്കുന്നത്.. കഴിഞ്ഞ വർഷം മുതൽ റാങ്കിംഗ് മെച്ചപ്പെട്ട വിമാനത്താവളം ഇന്ത്യയിലെ ഏറ്റവും മികച്ച ജീവനക്കാരുള്ള വിമാനത്താവളം കൂടിയാണ്. 40 മുതൽ 50 മില്യൺ യാത്രക്കാരെ കൈകാര്യം ചെയ്യുന്ന മികച്ച വിമാനത്താവളങ്ങളുടെ പട്ടികയിൽ മുംബൈ ലോകമെമ്പാടുമുള്ള വിമാനത്താവളങ്ങളിൽ എട്ടാം സ്ഥാനത്താണ്.

ബെംഗളൂരു കെംപെഗൗഡ അന്താരാഷ്ട്ര വിമാനത്താവളം

11 വർഷം മാത്രം പഴക്കമുള്ള ഈ വിമാനത്താവളം ഇന്ത്യയിലെ മൂന്നാമത്തെ മികച്ചതും ആഗോളതലത്തിൽ 68-ാം സ്ഥാനത്തുമാണുള്ളത്. ഇന്ത്യയിലെ മികച്ച പ്രാദേശിക വിമാനത്താവളമായി ബെംഗളൂരു വിമാനത്താവളം തിരഞ്ഞെടുക്കപ്പെട്ടിട്ടുണ്ട്.

ഹൈദരാബാദ് രാജീവ് ഗാന്ധി അന്താരാഷ്ട്ര വിമാനത്താവളം

ഇന്ത്യയിലെ നാലാമത്തെ മികച്ച വിമാനത്താവളമായ ഹൈദരാബാദ് വിമാനത്താവളം ലോകത്തെ മികച്ച 100 വിമാനങ്ങളുടെ പട്ടികയിൽ 72-ാം സ്ഥാനത്തേക്ക് പിന്തള്ളപ്പെട്ടു. കഴിഞ്ഞ വർഷം ഹൈദരാബാദ് വിമാനത്താവളം 66-ാം സ്ഥാനത്തായിരുന്നു.

റാങ്കിംഗ് മാനദണ്ഡം

ആറ് മാസത്തെ സർവേ കാലയളവിൽ 100 ​​ഓളം രാജ്യങ്ങളിലുള്ള എയർപോർട്ട് ഉപഭോക്താക്കളുടെ സർവേ അടിസ്ഥാനമാക്കിയാണ് വേൾഡ് എയർപോർട്ട് അവാർഡ് 2020 തിരഞ്ഞെടുത്തിരിക്കുന്നത്. എയർപോർട്ട് സേവനത്തിലുടനീളമുള്ള ഉപഭോക്തൃ അനുഭവവും ചെക്ക്-ഇൻ, വരവ്, കൈമാറ്റം, ഷോപ്പിംഗ്, സുരക്ഷ, ഇമിഗ്രേഷൻ എന്നിങ്ങനെ നിരവധി മാനദണ്ഡങ്ങൾ അടിസ്ഥാനമാക്കിയാണ് റാങ്കിംഗ് നടത്തിയിരിക്കുന്നത്.