ഇന്ത്യയിലെ ഏറ്റവും വില കൂടിയ കാർ ആരുടേത്? ഉത്തരം നിങ്ങൾ മനസിൽ കണ്ടതല്ല

വാഹനങ്ങൾ ചിലർക്ക് അവരുടെ ഏറ്റവും അടുത്ത സുഹൃത്തുക്കളാണ്. മറ്റു ചിലർക്കോ അവരുടെ ജീവിതവുമായി ഇഴുകിച്ചേർന്ന ഏറ്റവും അടുപ്പമുള്ള ഒന്നും. അതുകൊണ്ട് തന്നെ എപ്പോഴും വാഹനങ്ങളെക്കുറിച്ചുള്ള വാർത്തകൾക്ക് പ്രധാന്യം ലഭിക്കാറുണ്ട്.

ഇപ്പോഴിതാ ഇന്ത്യയിലെ ഏറ്റവും വിലപിടിപ്പുള്ള കാർ ആരുടേതാണ് എന്ന ചർച്ചയാണ് സമൂഹ മാധ്യമങ്ങളിൽ പൊടിപൊടിക്കുന്നത്. ഇന്ത്യയിലെ വില കാർ ഇന്ത്യയിലെ ഏറ്റവും ധനികനായ മനുഷ്യന്റെ കയ്യിലായിരിക്കും എന്ന് കരുതിയവരാണ് നമ്മളിൽ മിക്കവരും, അതായത് മുകേഷ് അംബാനിയുടെ കയ്യിൽ എന്നാൽ ആ ധാരണകളെ എല്ലാം തിരുത്തിക്കൊണ്ടാണ് പുതിയ കണക്കുകൾ പുറത്തുവന്നിരിക്കുന്നത്.

ഇന്ത്യയിലെ ഏറ്റവും വില കൂടിയ 5 കാറുകളുടെ വിവരങ്ങളാണ് ഇപ്പോൾ പുറത്തുവന്നിരിക്കുന്നത്. ഇവയിൽ റോൾസ് റോയ്സ്, മെഴ്സിഡസ് എന്നിങ്ങനെ രണ്ടെണ്ണവും മുകേഷ് അംബാനിയുടെ സ്വന്തമാണ്. എന്നാൽ ലിസ്റ്റിൽ ഒന്നാമത് വി.എസ് റെഡ്ഡിയുടെ കാറാണ് എന്നതാണ് നിങ്ങളുടെയെല്ലാം കണക്കുകൂട്ടലുകളെ തെറ്റിക്കാൻ പോകുന്നത്.

ഏറ്റവുമധികം ആഡംബര കാറുകൾ ശേഖരിക്കുന്ന വ്യക്തികൾ ഉള്ള രാജ്യമാണ് ഇന്ത്യ. വ്യവസായികൾ, ബോളിവുഡ് താരങ്ങൾ, ബിസിനസ് മാഗ്നറ്റുകൾ തുടങ്ങി നിരവധി മേഖലകളിലുള്ളവരിൽ പലർക്കും പല ആഡംബര വാഹനങ്ങളും സ്വന്തമായിട്ടുണ്ട്. അവയുടെ കൃത്യമായ വിവരങ്ങൾ നിങ്ങളുടെ പക്കൽ ഉണ്ടല്ലോ. ആദ്യം നമുക്ക് ഇന്ത്യയിലെ ഏറ്റവും ചിലവേറിയ 5 ആഡംബര കാറുകളുടെ വിവരങ്ങൾ നോക്കാം.

1. ബി.എസ് റെഡ്ഡിയുടെ Bentley Mulsanne

ബ്രിട്ടീഷ് ബയോളജിക്കൽസിന്റെ സ്ഥാപകനും, മാനേജിങ് ഡയറക്ടറുമായ ബി.എസ് റെ‍ഡ്ഡിയാണ് ഇന്ത്യയിലെ ഏറ്റവും വിലയേറിയ കാറിന്റെ ഉടമ. Bentley Mulsanne എന്ന കാറാണ് അദ്ദേഹത്തിന്റേത്. വിശാലമായ വീൽ ബേസുള്ള ഈ വാഹനം ഇന്റീരയർ ഡിസൈൻ കൊണ്ട് ഏറെ വ്യത്യസ്തമാണ്. രാജ്യാന്തര തലത്തിൽ ഇന്ന് വില്പനയ്ക്കില്ലാത്ത ഈ മോഡലിന് 14 കോടിയാണ് വില.

2. മുകേഷ് അംബാനിയുടെ റോൾസ് റോയ്സ്

13.14 കോടി വിലയുള്ള റോൾസ് റോയ്സ് സ്വന്തമാക്കിയ മുകേഷ് അംബാനിയാണ് ലിസ്റ്റിൽ രണ്ടാമതുള്ളത്.
റോൾസ് റോയ്സ് കള്ളിനൻ എന്ന മോഡൽ ആണ് ഇദ്ദേഹത്തിന്റെ കയ്യിലുള്ളത്. ഈ കാറിന്റെ എക്സ്-ഷോറൂം വില 6.80 കോടി രൂപയാണ്.

3. ഇമ്രാൻ ഹാഷ്മിയുടെ റോൾസ് റോയ്സ്

ലിസ്റ്റിൽ മൂന്നാമതുള്ളത് നമ്മുടെ പ്രിയനടൻ ഇമ്രാൻ ഹാഷ്മി തന്നെയാണ്. അടുത്തിടെയാണ് അദ്ദേഹം ഈ വാഹനം സ്വന്തമാക്കിയത്. ഈ കാറിന്റെ വില 12 കോടി രൂപയാണ്. ഇത് കൂടാതെ നിരവധി ഹൈ-എൻഡ് കാറുകളുടെ കളക്ഷൻ ഇമ്രാൻ ഹാഷ്മിക്ക് സ്വന്തമായിട്ടുണ്ട്.

4. നസീർ ഖാന്റെ മക്ലാരൻ

ഹൈദരാബാദിലെ ബിസിനസുകാരനായ നസീർ ഖാന്റെ മക്ലാരൻ 765LT ആണ് ലിസ്റ്റിൽ നാലാം സ്ഥാനത്തുള്ളത്. 12 കോടി രൂപയാണ് ഇതിന്റെ വില.

5. മുകേഷ് അംബാനിയുടെ മെഴ്സിഡസ്

മുകേഷ് അംബാനിയുടെ കാർ ശേഖരത്തിലെ മറ്റൊരു വാഹനമാണ് ലിസ്റ്റിൽ അഞ്ചാം സ്ഥാനത്തുള്ളത്. മെഴ്സിഡസ് ബെൻസ് -S680 ഗാർഡ് എന്ന കാറാണിത്. 10 കോടി രൂപയാണ് ഈ മോഡലിന്റെ വില.