ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന സിഇഒ ആര്? ബാങ്ക് സിഇഒമാരുടെ ശമ്പളം അറിയാം

എച്ച്ഡിഎഫ്സി ബാങ്ക് മാനേജിംഗ് ഡയറക്ടർ ആദിത്യ പുരിയാണ് ഈ സാമ്പത്തിക വർഷം ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന ബാങ്ക് ചീഫ് എക്സിക്യൂട്ടീവ്. പുരിയുടെ 2019-20 സാമ്പത്തിക വർഷത്തെ ശമ്പളവും മുൻവ്യവസ്ഥകളും കഴിഞ്ഞ സാമ്പത്തിക വർഷത്തെ അപേക്ഷിച്ച് 38 ശതമാനം ഉയർന്ന് 18.92 കോടി രൂപയായി. 25 വർഷം മുമ്പ് എച്ച്ഡിഎഫ്സി ബാങ്കിന്റെ തുടക്കം മുതൽ ബാങ്കിൽ പ്രവർത്തിക്കുന്നയാളാണ് പുരി.

ശമ്പള വർദ്ധനവ്

ബാങ്കിന്റെ റിപ്പോർട്ട് അനുസരിച്ച്, പുരി ഈ വർഷം ഓഹരി ഓപ്ഷനുകൾ ഉപയോഗിച്ചുകൊണ്ട് 161.56 കോടി രൂപ അധികമായി നേടി. 26 വർഷത്തെ സേവനത്തിന് ശേഷം പുരി ബാങ്കിൽ നിന്ന് ഈ വർഷം പടിയിറങ്ങും. ഉന്നത ബാങ്ക് എക്സിക്യൂട്ടീവുകളുടെ പ്രായം നിയന്ത്രിക്കുന്ന ആർ‌ബി‌ഐ നിയമപ്രകാരം ഒക്ടോബറിൽ 70 വയസ്സ് തികയുമ്പോൾ ആദിത്യ പുരി വിരമിക്കും.

മറ്റ് ബാങ്ക് സിഇഒമാരുടെ ശമ്പളം

സ്വകാര്യമേഖലയിലെ രണ്ടാമത്തെ വലിയ ബാങ്കായ ഐസിഐസിഐ ബാങ്കിന്റെ മാനേജിംഗ് ഡയറക്ടറും സിഇഒയുമായ സന്ദീപ് ബക്ഷിയുടെ മൊത്ത വരുമാനം 6.31 കോടി രൂപയാണ്. 2018 ഒക്ടോബറിൽ ചുമതലയേറ്റ ബക്ഷി, പാർട്ട് ഇയർ പേയ്‌മെന്റായി 2019ൽ 4.90 കോടി രൂപ നേടിയിരുന്നുവെന്ന് ബാങ്കിന്റെ വാർഷിക റിപ്പോർട്ടിൽ പറയുന്നു. ആക്‌സിസ് ബാങ്കിന്റെ മാനേജിംഗ് ഡയറക്ടറും ചീഫ് എക്‌സിക്യൂട്ടീവുമായ അമിതാഭ് ചൗധരിക്ക് 2020ൽ 6.01 കോടി രൂപയാണ് ശമ്പളമായി നൽകിയിരിക്കുന്നത്.

കൊട്ടക് മഹീന്ദ്ര ബാങ്ക്

ബാങ്കിന്റെ 26 ശതമാനം ഓഹരികളുടെ ഉടമസ്ഥതയുള്ള കൊട്ടക് മഹീന്ദ്ര ബാങ്കിന്റെ മാനേജിംഗ് ഡയറക്ടർ ഉദയ് കൊട്ടക് ഈ സാമ്പത്തിക വർഷത്തിൽ ശമ്പളത്തിൽ കുറവു വരുത്തിയിട്ടുണ്ട്. 2.97 കോടി രൂപയാണ് അദ്ദേഹം ശമ്പളമായി നേടിയിരിക്കുന്നത്. ഇത് മുൻ വർഷത്തെ 3.52 കോടി രൂപയിൽ നിന്ന് 18 ശതമാനം കുറവാണ്.

എച്ച്ഡിഎഫ്സി ബാങ്ക് ഒന്നാം പാദഫലം

എച്ച്ഡിഎഫ്സി ബാങ്ക് ശനിയാഴ്ച ഒന്നാം പാദ ഫലങ്ങൾ റിപ്പോർട്ട് ചെയ്തു. ബാങ്കിന്റെ അറ്റാദായം 19.58 ശതമാനമായി ഉയർന്ന് 6,658.62 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 5,568.16 കോടി രൂപയായിരുന്നു. 2021ലെ അറ്റ ​​പലിശ വരുമാനം 17.8 ശതമാനം ഉയർന്ന് 15,665.42 കോടി രൂപയായി ഉയർന്നു. ഈ കാലയളവിൽ 21 ശതമാനം ആരോഗ്യകരമായ വായ്പാ വളർച്ചയും നിക്ഷേപ വളർച്ച 24.6 ശതമാനവുമാണ്.