ജിയോ പ്ലാറ്റ്ഫോം ലിമിറ്റഡിന്റെ ഓഹരികൾ വാങ്ങാൻ നിക്ഷേപകരുടെ നീണ്ട നിര തന്നെയുണ്ടെന്ന് അടുത്തിടെ പുറത്തു വന്ന വാർത്തകൾ സൂചിപ്പിക്കുന്നു. എന്നാൽ ഇതിനെല്ലാം തുടക്കമിട്ടത് ഫേസ്ബുക്ക് ഇൻകോർപ്പറേറ്റിൽ നിന്ന് ലഭിച്ച വമ്പൻ നിക്ഷേപമാണ്. ജിയോയുടെ 9.99 ശതമാനം ഓഹരിക്ക് 43,574 കോടി രൂപയ്ക്കാണ് ഫേസ്ബുക്ക് സ്വന്തമാക്കിയത്. ജിയോ പ്ലാറ്റ്ഫോമുകളിലൂടെ ലക്ഷ്യം വച്ച മൂലധന സമാഹരണത്തിന്റെ പകുതി നേടിയതായി മാതൃ കമ്പനിയായ റിലയൻസ് ഇൻഡസ്ട്രീസ് ലിമിറ്റഡ് (ആർഐഎൽ) വ്യക്തമാക്കി.
ഓഹരി വിൽപ്പന
ജിയോ പ്ലാറ്റ്ഫോംസ് ഏകദേശം 5.7 ബില്യൺ ഡോളർ കൂടി ഇനി സമാഹരിക്കുമെന്നോ അല്ലെങ്കിൽ മറ്റൊരു 10% ഓഹരി കൂടി വിൽക്കുമെന്നോ ആണ് ഇതിനർത്ഥം. ആഗോള നിക്ഷേപകർക്ക് ഇതിനകം 12.4 ശതമാനം ഓഹരികൾ കമ്പനി വിറ്റു കഴിഞ്ഞു. കഴിഞ്ഞ ആറ് ആഴ്ചയിൽ ജിയോ പ്ലാറ്റ്ഫോംസ് ആഴ്ചയിൽ 1.3 ബില്യൺ ഡോളർ നിക്ഷേപം നടത്തുന്നുണ്ട്. ഇത് ഉടൻ തന്നെ 15 ബില്യൺ ഡോളറിലെത്തും. ഫേസ്ബുക്ക് നിക്ഷേപം പ്രഖ്യാപിച്ചതിനുശേഷം ആർഐഎൽ ഓഹരികൾ മൂന്നിലൊന്നായി ഉയർന്നു.
ജിയോ മൂലധന സമാഹരണം തുടരുന്നു; 5,683.50 കോടി രൂപ നിക്ഷേപച്ച് അബുദാബി ഇന്വെസ്റ്റ്മെന്റ് അതോറിറ്റി
നിക്ഷേപകരെ പ്രേരിപ്പിക്കുന്നത് എന്ത്?
ജിയോ പ്ലാറ്റ്ഫോംസിൽ നിക്ഷേപം നടത്താൻ നിക്ഷേപകരെ പ്രേരിപ്പിക്കുന്നത് എന്താണെന്ന് പരിശോധിക്കാം. തുടക്കം മുതലുള്ള വിജയം, കടഹിത മൂലധന ഘടന, ശരിയായ നിയന്ത്രണം എന്നിങ്ങനെ നിരവധി കാര്യങ്ങൾ ജിയോയെ ആകർഷകമാക്കുന്നു. കൊറോണ വൈറസ് പൊട്ടിപ്പുറപ്പെട്ടതിനുശേഷം ആമസോൺ, ഫേസ്ബുക്ക് തുടങ്ങിയ സാങ്കേതിക കമ്പനികൾക്ക് വൻ നേട്ടമാണ്. ഇത് മൊത്തത്തിൽ വിപണികളിലെ ഇടിവിന് വിപരീതമാണ്.
വരിക്കാർക്ക് വീണ്ടും സൌജന്യ ഓഫറുമായി റിലയൻസ് ജിയോ
നിക്ഷേപകർ ടെക്ക് കമ്പനികളിലേയ്ക്ക്
സാമൂഹിക അകലം എന്നതിനർത്ഥം സാങ്കേതികവിദ്യയുടെയും ഡിജിറ്റൽ ഇടപാടുകളുടെയും വർദ്ധിച്ച ഉപയോഗം എന്നാണ്. ഇതാണ് നിക്ഷേപകരെ ടെക് കമ്പനികളിലേക്ക് നയിക്കുന്നത്. ജിയോയെ ഒരു ഡിജിറ്റൽ പ്ലാറ്റ്ഫോം കമ്പനിയായി നിലനിർത്തിയതോടെ സാങ്കേതിക നിക്ഷേപത്തിനുള്ള നിക്ഷേപകരുടെ ഉയർന്ന താത്പര്യം ആർഐഎൽ കണ്ടെത്തി. ഉപയോക്താക്കൾ സംസാരിക്കാനും ഷോപ്പുചെയ്യാനും ബാങ്ക് ഇടപാടുകൾ നടത്താനും പറ്റുന്ന ഒരു ദിവസത്തെയാണ് നിക്ഷേപകർ സ്വപ്നം കാണുന്നത്.
ജിയോ ജിയോമാർട്ട്
ഫെയ്സ്ബുക്ക് ഇടപാടിന് തൊട്ടുപിന്നാലെ ജിയോ ജിയോമാർട്ട് ആരംഭിച്ചു. ഫെയ്സ്ബുക്കിന്റെ ജനപ്രിയ പ്ലാറ്റ്ഫോമായ വാട്ട്സ്ആപ്പിനെ ഇന്റർഫേസായി ഉപയോഗിച്ച ഇ-കൊമേഴ്സ് സംരംഭത്തിന് ചില പ്രശ്നങ്ങളുണ്ടെങ്കിലും നിക്ഷേപകർ ഈ സംരംഭത്തിന്റെ ദീർഘകാല സാധ്യതകളെക്കുറിച്ച് അറിയാൻ ആകാംക്ഷാഭരിതരാണ്.
മുകേഷ് അംബാനി - സുനിൽ മിത്തൽ അഥവാ ജിയോ - എയർടെൽ യുദ്ധം വീണ്ടും മുറുകുന്നു
സൂപ്പർ ആപ്പ്
കൂടാതെ, മ്യൂസിക് സ്ട്രീമിംഗ് കമ്പനിയായ സാവ്ൻ, വിദ്യാഭ്യാസ സാങ്കേതിക സ്ഥാപനമായ എംബിബെ തുടങ്ങി നിരവധി സ്ഥാപനങ്ങളും ജിയോ ഇതിനകം സ്വന്തമാക്കിയിട്ടുണ്ട്, ഇത് ഒരു സൂപ്പർ ആപ്പ് സൃഷ്ടിക്കുമെന്ന പ്രതീക്ഷയാണ് ഉയർത്തിയിരിക്കുന്നത്. ടെക്നോളജി നിക്ഷേപകരുടെ നിക്ഷേപം ജിയോയെ ഒരു ടെലികോം കമ്പനി എന്നതിലുപരി ഒരു ടെക് ഭീമനായി സ്ഥാനപ്പെടുത്താൻ സഹായിക്കുമെന്ന് സിഎൽഎസ്എയിലെ വിശകലന വിദഗ്ധർ മെയ് 22 ന് ഒരു റിപ്പോർട്ടിൽ പറയുന്നു.
ജിയോയ്ക്ക് നേട്ടം
ആർഐഎൽ നടത്തിയ മാർച്ച് പാദ ഫല അവതരണം സൂചിപ്പിക്കുന്നത് ഇ-കൊമേഴ്സ് സംരംഭമായ ജിയോമാർട്ട് റിലയൻസ് റീട്ടെയിലിലാണ്. ജിയോയുടെ ഇ-കൊമേഴ്സ് പദ്ധതികൾ ഈയിടെ നിക്ഷേപകരുടെ ചർച്ചകളുടെ ഒരു പ്രധാന ഭാഗമാണ്. ഫുഡ് റീട്ടെയിൽ ബിസിനസ്സിലേക്ക് പ്രവേശിക്കാനുള്ള വാൾമാർട്ടിന്റെ ഉടമസ്ഥതയിലുള്ള ഫ്ലിപ്കാർട്ടിന്റെ അപേക്ഷ അടുത്തിടെ ഇന്ത്യ നിരസിച്ചു. രാജ്യത്ത് ആമസോണിന്റെയും ഫ്ലിപ്കാർട്ടിന്റെയും നിക്ഷേപങ്ങൾക്ക് നിയന്ത്രണം വരുന്നിടത്തോളം ഇത് ജിയോയെ ഒരു നേട്ടത്തിലേക്ക് നയിക്കും.