വികസ്വര രാജ്യങ്ങൾക്ക് കടാശ്വാസം നൽകണമെന്ന് ലോക ബാങ്കും അന്താരാഷ്ട്ര നാണയ നിധിയും

കൊറോണ വൈറസ് മഹാമാരിക്കെതിരെ പോരാടുന്നതിന് ഗുരുതരമായ പ്രത്യാഘാതങ്ങള്‍ നേരിടുന്ന ലോകത്തെ വികസ്വര, ദരിദ്ര രാജ്യങ്ങള്‍ക്ക് അടിയന്തര കടാശ്വാസം നല്‍കണമെന്ന് ലോക ബാങ്കും അന്താരാഷ്ട്ര നാണയ നിധിയും ഔദ്യോഗിക ഉഭയകക്ഷി കടക്കാരോട് ആവശ്യപ്പെട്ടു. വികസ്വര രാജ്യങ്ങൾക്ക് ആഗോള ആശ്വാസവും സാമ്പത്തിക വിപണികൾക്ക് ശക്തമായ സൂചനയും നൽകേണ്ടത് ഈ നിമിഷം അനിവാര്യമാണെന്ന് ലോക ബാങ്ക് ഗ്രൂപ്പും ഐ‌എം‌എഫും വിശ്വസിക്കുന്നതായി സംയുക്ത പ്രസ്താവനയിൽ പറഞ്ഞു.

ലോക ജനസംഖ്യയുടെ നാലിലൊന്ന് പേരും ലോക ജനസംഖ്യയുടെ മൂന്നില്‍ രണ്ട് ഭാഗവും കടുത്ത ദാരിദ്ര്യത്തില്‍ കഴിയുന്ന രാജ്യങ്ങളെയാണ് ഈ പാന്‍ഡെമിക് ഏറ്റവും കൂടുതല്‍ ബാധിക്കുകയെന്ന് ഒരു സംയുക്ത പ്രസ്താവനയില്‍ അവര്‍ പറഞ്ഞു. കൊറോണ വൈറസ് പൊട്ടിപ്പുറപ്പെടുന്നത്
അന്താരാഷ്ട്ര വികസന അസോസിയേഷന്‍ (ഐ‌ഡി‌എ) രാജ്യങ്ങൾക്ക് കടുത്ത സാമ്പത്തികവും സാമൂഹികവുമായ പ്രത്യാഘാതങ്ങൾ ഉണ്ടാക്കാൻ സാധ്യതയുണ്ട്. അതുകൊണ്ട് തന്നെ ഈ രാജ്യങ്ങൾക്ക് വെല്ലുവിളികളെ നേരിടാൻ അടിയന്തര ദ്രവ്യത ആവശ്യമായി വരുമെന്നും സംഘടന പറഞ്ഞു.

വികസ്വര രാജ്യങ്ങൾക്ക് കടാശ്വാസം നൽകണമെന്ന് ലോക ബാങ്കും അന്താരാഷ്ട്ര നാണയ നിധിയും

കൂടാതെ, ഈ രാജ്യങ്ങൾ അഭിമുഖീകരിക്കുന്ന സാമ്പത്തിക ആവശ്യങ്ങൾ വിശകലനം ചെയ്യാനും അവരുടെ മൊത്തം കടഭാരം സുസ്ഥിരമാണോയെന്ന് പരിശോധിക്കാനും ലോകബാങ്ക് ആവശ്യപ്പെട്ടു. വഷളായിക്കൊണ്ടിരിക്കുന്ന പകര്‍ച്ചവ്യാധിയെ നേരിടാനുള്ള കര്‍മ്മപദ്ധതി ചര്‍ച്ച ചെയ്യുന്നതിനായി ജി 20 നേതാക്കള്‍ വ്യാഴാഴ്ച വെര്‍ച്വല്‍ ഉച്ചകോടി നടത്തും. ഡിസംബറില്‍ ചൈനയില്‍ ആരംഭിച്ച നോവല്‍ കൊറോണ വൈറസ് ലോകമെമ്പാടുമുള്ള 438,000 ത്തിലധികം ആളുകളെ ബാധിക്കുകയും 19,000 ത്തിലധികം പേര്‍ കൊല്ലപ്പെടുകയും ചെയ്തുവെന്ന് ജോണ്‍സ് ഹോപ്കിന്‍സ് സര്‍വകലാശാലയുടെ കണക്കുകള്‍ വ്യക്തമാക്കുന്നു.

ലോകബാങ്കിന്റെ ഭാഗമായ ഐ‌ഡി‌എ ലോകത്തിലെ 76 ദരിദ്ര രാജ്യങ്ങൾ‌ക്കുള്ള ഏറ്റവും വലിയ സഹായ സ്രോതസുകളിലൊന്നാണ്, 30 വർഷമോ അതിൽ കൂടുതലോ കാലാവധിയിൽ പലിശ നിരക്ക് ഇല്ലാതെയും കുറഞ്ഞ പലിശയിലും വായ്പകളും ദുരിതത്തിലായ ചില രാജ്യങ്ങൾക്ക് ധനസഹായവും നൽകുന്നുണ്ട്. 2019 ജൂൺ 30 ന് അവസാനിക്കുന്ന സാമ്പത്തിക വർഷത്തിൽ ഐ‌ഡി‌എയ്ക്ക് തിരികെ ലഭിക്കാനുള്ളത് 22 ബില്യൺ ഡോളറാണ്, അതിൽ 36 ശതമാനം ഗ്രാന്റ് നിബന്ധനകളിലാണ് നൽകിയിട്ടുള്ളതെന്ന് ലോകബാങ്ക് റിപ്പോർട്ട് ചെയ്യുന്നു.

ബിസിനസ് മെച്ചപ്പെടുത്തിയ 20 മികച്ച സമ്പദ്‌വ്യവസ്ഥകളുടെ ലോക ബാങ്ക് പട്ടികയില്‍ ഇന്ത്യയും