ലോക കോടീശ്വരൻ ജെഫ് ബെസോസ് കാമുകിയ്ക്ക് വേണ്ടി വാങ്ങിയ വീടിന്റെ വില കേട്ടാൽ ഞെട്ടും

ലോകത്തിലെ ഏറ്റവും ധനികനായ ആമസോൺ സ്ഥാപകൻ ജെഫ് ബെസോസ് പുതിയ വീട് സ്വന്തമാക്കി. വീടിന്റെ വില എത്രയെന്ന് അറിയണ്ടേ? ഒൻപത് ഏക്കറിൽ സ്ഥിതി ചെയ്യുന്ന ബെവർലി ഹിൽസ് മാളികയ്ക്കായി 165 മില്യൺ ഡോളർ (1200 കോടി രൂപ) ആണ് ബെസോസ് ചെലവാക്കിയിരിക്കുന്നത്. ലോസ് ഏഞ്ചൽസ് ഏരിയയിലെ ഏറ്റവും വില കൂടിയ വീടാണിത്.

1930 കളിൽ ജാക്ക് വാർണറിനായി രൂപകൽപ്പന ചെയ്ത പ്രോപ്പർട്ടി 1992 ൽ ആർക്കിടെക്ചറൽ ഡൈജസ്റ്റ് വിശേഷിപ്പിച്ചത് "ആർക്കൈറ്റിപ്പൽ സ്റ്റുഡിയോ മുഗൾസ് എസ്റ്റേറ്റ് എന്നാണ്. ജോർജിയൻ ശൈലിയിൽ നിർമ്മിച്ചിരിക്കുന്ന വീടാണിത്. വാൾനർ എസ്റ്റേറ്റ് വാങ്ങിയ പേര് വെളിപ്പെടുത്താത്ത വ്യക്തിയെക്കുറിച്ച് വാൾസ്ട്രീറ്റ് ജേണൽ ബുധനാഴ്ച റിപ്പോർട്ട് ചെയ്തിരുന്നു.

ലോക കോടീശ്വരൻ ജെഫ് ബെസോസ് കാമുകിയ്ക്ക് വേണ്ടി വാങ്ങിയ വീടിന്റെ വില കേട്ടാൽ ഞെട്ടും

ജെഫ് ബെസോസ്, കാമുകി ലോറൻ സാഞ്ചസും ഗോൾഡ്മാൻ സാച്ച്സ് ഗ്രൂപ്പ് ഇങ്കിന്റെ മുൻ മേധാവിയുമായ ലോയ്ഡ് ബ്ലാങ്ക്ഫെയിനുമൊത്തുള്ള ഒരു ഇൻസ്റ്റാഗ്രാം പോസ്റ്റിൽ ഈ വീടിന്റെ ചിത്രം കാണാവുന്നതാണ്. തന്റെ കാമുകിയ്ക്ക് വേണ്ടിയാണ് ജെഫ് ബെസോസ് ഈ മണിമാളിക സ്വന്തമാക്കിയതെന്നാണ് വിവരം. ജെഫ് ബെസോസും മുൻ ഭാര്യ മക്കെൻസി ബെസോസും 2019ലാണ് വിവാഹമോചനം നേടിയത്.

സുഹൃത്തായ ഡേവിഡ് ജെഫനിൽ നിന്നാണ് ജെഫ് ബെസോസ് വീട് വാങ്ങിയിരിക്കുന്നത്. ലൊസാഞ്ചൽസിലെ തന്നെ ഏറ്റവും വലിയ വിലയ്ക്കാണ് വിൽപ്പന നടന്നതെന്നാണ് സൂചന.