ദില്ലി: ഇന്ത്യയില് ഏറ്റവും കൂടുതല് ആരാധകരുള്ള ചൈനീസ് സ്മാര്ട്ട് ഫോണായ ഷവോമി രാജ്യത്ത് വിപണി കീഴടക്കാനുള്ള പദ്ധതികള് ആവിഷ്കരിക്കുന്നു. രാജ്യത്ത് രണ്ട് നിര്മ്മാണ പ്ലാന്റുകള് സ്ഥാപിക്കാനാണ് കമ്പനി ഇപ്പോള് തീരുമാനിച്ചിരിക്കുന്നത്. ഇതോടൊപ്പം ഒരു ടെലിവിഷന് പ്ലാന്റും തുറക്കാന് കമ്പനിക്ക് പദ്ധതിയുണ്ട്. ഷവോമിയുടെ ടെലിവിഷന് ഏറ്റവും കൂടുതല് വില്ക്കപ്പെടുന്നത് ഇന്ത്യയിലാണെന്നാണ് കമ്പനി അവകാശപ്പെടുന്നത്. ഇന്ത്യ മേധാവിയും ആഗോള വൈസ് പ്രസിഡന്റുമായ മനു ജെയിനാണ് ഇക്കാര്യം ഒരു അഭിമുഖത്തില് വ്യക്തമാക്കിയത്.
ഇന്ത്യയില് പ്ലാന്റ് തുറക്കുന്നതോടൊപ്പം ഇന്ത്യയില് നിന്ന് കയറ്റുമതി ചെയ്യാനുള്ള പദ്ധതിയുമുണ്ടെന്ന് അദ്ദേഹം വ്യക്തമാക്കി. ഒരു എക്സ്പോര്ട്ട് ഹബ്ബായി ഇന്ത്യയെ കാണുകയാണ് ലക്ഷ്യം. ഇപ്പോഴത്തെ ഏറ്റവും വലിയ പരിഗണന ഇന്ത്യയിലെ പ്രാദേശിക ബിസ്നസാണെന്ന് അദ്ദേഹം പറഞ്ഞു.
ബംഗ്ലാദേശിലേക്കും നേപ്പാളിലേക്കും കഴിഞ്ഞ വര്ഷം മുതല് കയറ്റി അയയ്ക്കുന്നുണ്ടെന്നും അദ്ദേഹം അറിയിച്ചു. ഹരിയാനയില് ഒരു പ്ലാന്റ് ആരംഭിച്ചെന്നും അദ്ദേഹം പറഞ്ഞു. ഡിജിബി ഇന്ത്യയുമായി ചേര്ന്നാണ് മൊബൈല് പ്ലാന്റ് പ്രവര്ത്തിക്കുന്നത്. തമിഴ്നാട്ടില് അടുത്ത പ്ലാന്റ് നിര്മ്മിക്കാനാണ് കമ്പനി ആലോചിക്കുന്നത്. ടെലിവിഷന് പ്ലാന്റ് തെലങ്കാനയില് നിര്മ്മിക്കാനും കമ്പനി ആലോചിക്കുന്നുണ്ട്.
പിഎംഎവൈ ഭവനവായ്പയില് 2.35 ലക്ഷം വരെ സബ്സിഡി; അപേക്ഷിക്കാന് ഇനി ഒരു മാസം കൂടി
റിലയന്സ്, ഓഎന്ജിസി ഓഹരികളുടെ ബലത്തില് സെന്സെക്സിന് നേട്ടം
കെഎഫ്സി വായ്പാ ആസ്തി 5000 കോടി കടന്നു; ചരിത്രത്തിലെ ഏറ്റവും ഉയർന്ന കണക്ക്