സോവറിൻ ഗോൾഡ് ബോണ്ട് വാങ്ങാം ഇന്ന് മുതൽ ഒക്ടോബർ 16 വരെ, നിങ്ങൾ ചെയ്യേണ്ടത് എന്ത്?

സോവറിൻ ഗോൾഡ് ബോണ്ട് സ്കീം 2020-21 ന്റെ ഏഴാമത്തെ സീരീസ് സബ്സ്ക്രിപ്ഷനായി ഇന്ന് തുറക്കും. ഏറ്റവും പുതിയ സോവറിൻ ഗോൾഡ് ബോണ്ട് ഇഷ്യു വില ഒരു ഗ്രാമിന് 5,051 രൂപയായാണ് നിശ്ചയിച്ചിരിക്കുന്നത്. ഓൺലൈനായി ഗോൾഡ് ബോണ്ട് ഇഷ്യുവിനായി അപേക്ഷിക്കുന്ന നിക്ഷേപകർക്ക് ഗ്രാമിന് 50 രൂപ കിഴിവ് ലഭിക്കും. അതിനാൽ അവർക്ക് ഗ്രാമിന് 5,001 രൂപയായിരിക്കും നിരക്ക്. ഇന്ന് മുതൽ ഒക്ടോബർ 16 വരെ ഒരാഴ്ചത്തേക്ക് സ്വർണ ബോണ്ടുകൾ സ്വന്തമാക്കാവുന്നതാണ്.

വാങ്ങാൻ പറ്റിയ സമയം

ഓഗസ്റ്റിലെ ഏറ്റവും ഉയർന്ന നിരക്കായ 10 ഗ്രാമിന് 56,200 രൂപയിൽ നിന്ന് സ്വർണ വില 12 ശതമാനം കുറഞ്ഞ സമയത്താണ് ഏറ്റവും പുതിയ സോവറിൻ ഗോൾഡ് ബോണ്ട് ഇഷ്യു. സോവറിൻ ഗോൾഡ് ബോണ്ട് പദ്ധതിയെക്കുറിച്ച് നിങ്ങൾ അറിയേണ്ട കാര്യങ്ങൾ ഇതാ.

കേരളത്തിൽ ഇന്ന് സ്വർണ വില കുതിച്ചുയർന്നു; ഈ മാസത്തെ ഏറ്റവും ഉയർന്ന വില കേരളത്തിൽ ഇന്ന് സ്വർണ വില കുതിച്ചുയർന്നു; ഈ മാസത്തെ ഏറ്റവും ഉയർന്ന വില

കാലാവധി

അഞ്ചാം വർഷത്തിനുശേഷം എക്സിറ്റ് ഓപ്ഷനുമായി എട്ട് വർഷത്തെ കാലാവധിയാണ് സോവറിൻ ഗോൾഡ് ബോണ്ടിനുള്ളത്. സബ്സ്ക്രിപ്ഷൻ കാലയളവിനു മുമ്പുള്ള ആഴ്ചയിലെ അവസാന മൂന്ന് പ്രവൃത്തി ദിവസങ്ങളിലെ 999 പരിശുദ്ധിയുള്ള സ്വർണ്ണത്തിന്റെ ശരാശരി ക്ലോസിംഗ് വില കണക്കിലെടുത്താണ് ഇഷ്യു വില നിശ്ചയിക്കുന്നത്.

സോവറിൻ ഗോൾഡ് ബോണ്ട് സബ്‌സ്‌ക്രിപ്‌ഷൻ ഇന്ന് മുതൽ: നിങ്ങൾ അറിയേണ്ട 10 കാര്യങ്ങൾ സോവറിൻ ഗോൾഡ് ബോണ്ട് സബ്‌സ്‌ക്രിപ്‌ഷൻ ഇന്ന് മുതൽ: നിങ്ങൾ അറിയേണ്ട 10 കാര്യങ്ങൾ

എവിടെ നിന്ന് വാങ്ങാം?

കുറഞ്ഞത് 1 ഗ്രാം സ്വർണത്തിന് അപേക്ഷിക്കാവുന്നത്. ഓരോ സാമ്പത്തിക വർഷത്തിലും ഒരു വ്യക്തിക്കും ഒരു എച്ച് യു എഫിനും നാല് കിലോ വരെ എസ്‌ജിബികളിൽ നിക്ഷേപിക്കാൻ കഴിയും. യോഗ്യതയുള്ള മറ്റ് സ്ഥാപനങ്ങൾക്ക് ഒരു വർഷത്തിൽ 20 കിലോഗ്രാം വരെ സ്വർണത്തിൽ നിക്ഷേപിക്കാൻ കഴിയും. ഈ ബോണ്ടുകൾ ബാങ്കുകൾ, സ്റ്റോക്ക് ഹോൾഡിംഗ് കോർപ്പറേഷൻ, പോസ്റ്റോഫീസുകൾ, അംഗീകൃത സ്റ്റോക്ക് എക്സ്ചേഞ്ചുകൾ എന്നിവയിൽ നിന്ന് വാങ്ങാം.

സ‍ർക്കാരിന്റെ ഉറപ്പിൽ സ്വ‍ർണം വാങ്ങാം, ഒരിയ്ക്കലും നഷ്ടം വരില്ല, ചെയ്യേണ്ടത് എന്ത്? സ‍ർക്കാരിന്റെ ഉറപ്പിൽ സ്വ‍ർണം വാങ്ങാം, ഒരിയ്ക്കലും നഷ്ടം വരില്ല, ചെയ്യേണ്ടത് എന്ത്?

ആർക്കൊക്കെ നിക്ഷേപിക്കാം?

ഫോറിൻ എക്സ്ചേഞ്ച് മാനേജ്മെന്റ് ആക്റ്റ് (ഫെമ) പ്രകാരമുള്ള ഏതൊരു താമസക്കാരനും എസ്‌ജിബികളിൽ നിക്ഷേപിക്കാം. എൻ‌ആർ‌ഐക്ക് ഈ ബോണ്ടുകളിൽ നിക്ഷേപം നടത്താൻ കഴിയില്ല, പക്ഷേ ഒരു റെസിഡൻഷ്യൽ നിക്ഷേപകന്റെ നോമിനിയായി ലഭിച്ച ഈ ബോണ്ടുകൾ കൈവശം വയ്ക്കാൻ അനുവാദമുണ്ട്.

നികുതിയില്ല, പലിശ ലഭിക്കും

കാലാവധി പൂർത്തിയാകുന്നതുവരെ നിങ്ങൾ എസ്‌ജിബികൾ കൈവശം വയ്ക്കുകയാണെങ്കിൽ, നിക്ഷേപത്തിന് മൂലധന നേട്ടനികുതി ഉണ്ടാകില്ല. കൂടാതെ, നിങ്ങൾക്ക് പ്രതിവർഷം 2.5% പലിശ ലഭിക്കും, അത് അർദ്ധ വാർഷിക അടിസ്ഥാനത്തിൽ നൽകും. സ്വർണ്ണാഭരണങ്ങൾ കൈവശം വയ്ക്കുന്നതിനുള്ള മികച്ച ബദലാണ് എസ്‌ജിബികൾ. കാരണം മോഷണത്തിന്റെ യാതൊരു സാധ്യതയുമില്ല. സോവറിൻ ഗോൾഡ് ബോണ്ടിന്റെ കാര്യത്തിൽ സംഭരണച്ചെലവും ഒഴിവാക്കപ്പെടും.