മ്യൂച്വല്‍ ഫണ്ട് നിക്ഷേപങ്ങള്‍ അപകടരഹിതമാണോ ?

<p>മ്യൂച്വല്‍ ഫണ്ടുകളില്‍ പണം നിക്ഷേപിക്കുന്നവര്‍ക്കും ഓഹരികള്‍ വാങ്ങുകയോ വില്ക്കുകയോ ചെയ്യുന്നവര്‍ക്കും മ്യൂച്വല്‍ ഫണ്ടിലെ വെല്ലുവിളികളെക്കുറിച്ച് വ്യക്തമായ ധാരണയുണ്ടായിരിക്കും.</p> <p>എന്നാല്‍ മുന്‍പരിചയം ഇല്ലാത്തവരെ സംബന്ധിച്ചെടുത്തോളം മ്യൂച്വല്‍ ഫണ്ട് നിക്ഷേപത്തിലെ അപകടസാധ്യതകള്‍ മനസ്സിലാക്കിവയ്‌ക്കേണ്ടത് അത്യാവശ്യമാണ്. വെല്ലുവിളികള്‍ പ്രധാനമായും നമ്മുടെ നിക്ഷേപത്തെ ആശ്രയിച്ചിരിക്കും.</p> <p><strong>

</strong></p> <p><strong>അപകടസാധ്യതയില്ലാത്ത മ്യൂച്വല്‍ ഫണ്ടുകള്‍ ? </strong></p> <p><br />ഡെബ്റ്റ് ഫണ്ടുകളുടെ കാര്യത്തില്‍ ഒരുപരിധി വരെ അപകട സാധ്യത കുറവാണെന്ന് പറയാം. സര്‍ക്കാര്‍ സുരക്ഷ ഉറപ്പാക്കുന്നതിനാല്‍ ഗില്‍റ്റ് ഫണ്ടുകളെ യാതൊരു കാരണവശാലും പേടിക്കേണ്ടതില്ല. അതീവ സുരക്ഷയോടെ നിക്ഷേപിക്കുന്ന ഡെബ്റ്റ് ഫണ്ടുകളും അപകടസാധ്യതകളില്ലാത്തവയാണ്. റിസ്‌ക്ക് എടുക്കാന്‍ താല്‍പ്പര്യമില്ലാത്ത നിക്ഷേപകര്‍ ഇവയിലേതെങ്കിലും തിരഞ്ഞെടുക്കാറാണ് പതിവ്.</p> <p><strong>ഇക്വിറ്റി മ്യൂച്വല്‍ ഫണ്ടുകളെക്കുറിച്ച് ? </strong></p> <p>ഇക്വിറ്റി മ്യൂച്വല്‍ ഫണ്ടുകള്‍ അപകടരഹിതല്ല. ഇവ പ്രധാനമായും ഓഹരി, സ്റ്റോക്ക് എന്നിവയിലധിഷ്ഠിതമാണ്. അതുകൊണ്ടുതന്നെ അപകടസാധ്യതകളും കൂടുതലാണ്. എന്നാല്‍ കഴിഞ്ഞ അഞ്ചുവര്‍ഷത്തെ കണക്കെടുക്കുകയാണെങ്കില്‍ ഇന്ത്യയില്‍ ഇവ വിജയമായതായി കണക്കാക്കാം.</p> <p>എന്നാല്‍ ആക്‌സിസ് ഇക്വിറ്റി ഫണ്ട്, ഐസിഐസിഐ പ്രുഡെന്‍ഷ്യല്‍ ടാര്‍ജറ്റ് റിട്ടേണ്‍സ് ഫണ്ട് എന്നിവയുടെ കാര്യം നേരെ തിരിച്ചാണ്. ഇവയ്ക്ക് വെറും 20 ശതമാനം ലാഭം കൈവരിക്കാനേ സാധിച്ചിട്ടുളളൂ. ഇക്വിറ്റി മ്യൂച്വല്‍ ഫണ്ടുകള്‍ തിരഞ്ഞെടുക്കുമ്പോള്‍ നിക്ഷേപകര്‍ ഏറെ ശ്രദ്ധിക്കേണ്ടതുണ്ട്.</p> <p><strong>നിക്ഷേപം ഏറെ ശ്രദ്ധയോടെ മാത്രം...</strong></p> <p>ഏത് മ്യൂച്വല്‍ ഫണ്ടില്‍ നിക്ഷേപിക്കുന്നതാണ് നിങ്ങള്‍ക്ക് ഉത്തമമെന്ന് പറയുക പ്രയാസമാണ്. ചെറുപ്പക്കാരെ സംബന്ധിച്ചെടുത്തോളം ഇക്വിറ്റി മ്യൂച്വല്‍ ഫണ്ടുകള്‍ ഒരു വെല്ലുവിളിയായി വേണമെങ്കില്‍ തിരഞ്ഞെടുക്കാം. അതേസമയം ജോലിയില്‍ നിന്ന് വിരമിക്കാറായ വ്യക്തിയാണ് നിങ്ങളെങ്കില്‍ ഡെബ്റ്റ് മ്യൂച്വല്‍ ഫണ്ടുകള്‍ തിരഞ്ഞെടുക്കുന്നതാണ് അഭികാമ്യം.</p>