<p>മ്യൂച്വല് ഫണ്ടില് പണം നിക്ഷേപിക്കുന്നത് എല്ലായ്പ്പോഴും എളുപ്പമുളള കാര്യമൊന്നുമല്ല. സ്കീമിനെക്കുറിച്ച് മതിയായ ധാരണയുണ്ടാക്കാനും റിസ്ക്ക് സ്വയം വിലയിരുത്താനും ഓഫര് ഡോക്യുമെന്റ് സഹായിക്കും. ഫണ്ട് അവസാനിപ്പിക്കുന്നതിനെക്കുറിച്ചും തുടരുന്നതിനെക്കുറിച്ചും നിക്ഷേപകര് അറിഞ്ഞിരിക്കണം. മ്യൂച്വല് ഫണ്ടില് അത്യാവശ്യം അറിഞ്ഞിരിക്കേണ്ട ഏഴ് കാര്യങ്ങളിലേക്ക്...</p> <p>1. ഡെബ്റ്റ് ആണോ ഇക്വിറ്റിയാണോ ?</p> <p>മ്യച്വല് ഫണ്ട് സ്കീമില് ഡെബ്റ്റിലാണോ ഇക്വിറ്റിയിലാണോ പണം നിക്ഷേപിക്കുന്നതെന്ന് അറിഞ്ഞിരിക്കണം. റിസ്ക്ക് എടുക്കാന് താല്പ്പര്യമില്ലാത്ത നിക്ഷേപകരെ സംബന്ധിച്ചെടുത്തോളം ഇക്വിറ്റി ഫണ്ടുകളെക്കുറിച്ച് ശ്രദ്ധിക്കാതിരിക്കാം. ഇവര്ക്ക് ഡെബ്റ്റ് സ്കീമിനെക്കുറിച്ച് ചിന്തിക്കാം.</p> <p>2. വരുമാനവും ക്യാപ്പിറ്റല് ഗ്രോത്തും</p> <p><br />ജോലിയില് നിന്ന് വിരമിച്ച നിക്ഷേപകരാണെങ്കില് മാസത്തില് നിശ്ചിത തുക വരുമാനമാണ് ആഗ്രഹിക്കുക. സുരക്ഷയോടൊപ്പം മാസത്തില് നിശ്ചിത തുക വരുമാനവും പ്രദാനം ചെയ്യുന്ന സ്കീമായിരിക്കും ഇത്തരക്കാര്ക്ക് നല്ലത്. ക്യാപ്പിറ്റല് ഗ്രോത്ത് എന്ന ഓപ്ഷന് മറക്കാം.</p> <p><strong>
For Quick Alerts
For Daily Alerts
</strong></p>
<p>3. ഓപ്പണ് എന്ഡഡും ക്ലോസ്ഡ് എന്ഡഡും</p>
<p>എളുപ്പം പണം കിട്ടണമെന്നാണ് ആഗ്രഹമെങ്കില് ഓപ്പണ് എന്ഡഡ് സ്കീം തിരഞ്ഞെടുക്കുക. ക്ലോസ്ഡ് എന്ഡഡ് സ്കീമില് ഇത് എത്രത്തോളം പ്രായോഗികമാണെന്ന് പറയാനാവില്ല.</p>
<p>4. ട്രാക്ക് റെക്കോര്ഡ്</p>
<p>മ്യൂച്വല് ഫണ്ടിലെ ട്രാക്ക് റെക്കോര്ഡ് എപ്പോഴും പരമപ്രധാനമായ ചോദ്യമായി നിലനില്ക്കുന്നു. ഓഫര് ഡോക്യുമെന്റില് പഴയ ട്രാക്ക് റെക്കോര്ഡുകള് പരിശോധിക്കുന്നത് നല്ലതാണ്.</p>
<p>5. റിസ്ക്ക് ഘടകങ്ങള് നിരീക്ഷിക്കാം</p>
<p>ഓഫര് ഡോക്യുമെന്റില് ഫണ്ടിലെ റിസ്ക്ക് ഫാക്ടറുകളെക്കുറിച്ച് വിവരങ്ങള് രേഖപ്പെടുത്തിയിരിക്കും. ഇവ നന്നായി പരിശോധിക്കാവുന്നതാണ്. പ്രാധാന്യമര്ഹിക്കുന്ന ഒട്ടേറെ വിവരങ്ങള് ഇതിലൂടെ ലഭിച്ചേക്കും.</p>
<p>6. നിക്ഷേപത്തെക്കുറിച്ച്</p>
<p>മിനിമം സബ്സ്ക്രിപ്ഷന് മ്യൂച്വല് ഫണ്ടിലെ ഓരോ സ്കീമിലും വ്യത്യസ്ഥമായിരിക്കും. അതിനാല് തുകയെക്കുറിച്ച് ധാരണയുണ്ടാകണം. ഓപ്പണ് എന്ഡഡ് ഫണ്ടിന്റെ കാര്യത്തിലും ഇതുതന്നെയാണ് അവസ്ഥ.</p>
<p>7. ചെലവും ഫീസും</p>
<p>എക്സിറ്റ് ലോഡ്, എന്ട്രി ലോഡ്, സ്വിച്ചിങ് ചാര്ജ്, മാനേജ്മെന്റ് ഫീസ്, മറ്റ് സേവന ചാര്ജുകള് എന്നിവ പരിശോധിക്കാന് മറക്കരുത്. നിങ്ങള്ക്ക് സേവനം ചെയ്യാന് മാത്രമാണ് മ്യൂച്വല് ഫണ്ടുകളെന്ന ധാരണ മാറ്റിവയ്ക്കുക. ഫണ്ടിന്റെ നിലനില്പ്പും വളരെ പ്രധാനമാണ്. അതിനാല്ത്തന്നെ ചെലവിനെക്കുറിച്ച് ധാരണയുണ്ടായിരിക്കണം.</p>
English summary
Investing in a mutual fund scheme is not always easy. You must evaluate your own ability to take risk along with checking the track record and the nature of the scheme. Here are 7 things you must check in a mutual fund.
English summary
Investing in a mutual fund scheme is not always easy. You must evaluate your own ability to take risk along with checking the track record and the nature of the scheme. Here are 7 things you must check in a mutual fund.