ദേശീയ പെന്‍ഷന്‍ പദ്ധതി

<p>ദേശീയ പെന്‍ഷന്‍ പദ്ധതിയുടെ വരിക്കാരാകുന്ന ഓരോ വ്യക്തികള്‍ക്കും PRAN കാര്‍ഡ് ലഭിക്കുന്നതാണ്. നിങ്ങളുടെ തിരിച്ചറിയല്‍ രേഖകളെല്ലാമടങ്ങിയ ഒരു പന്ത്രണ്ടക്ക നമ്പരാണ് PRAN കാര്‍ഡ് നമ്പര്‍. എന്തെങ്കിലും കാരണവശാല്‍ കാര്‍ഡ് നഷ്ടപ്പെട്ടാലും ഭയപ്പെടേണ്ടതില്ല. നിശ്ചിതതുക അടച്ചാല്‍ നിങ്ങള്‍ക്ക് പുതിയ കാര്‍ഡ് ലഭിക്കും. ഒരാള്‍ക്ക് ഒന്നിലധികം PRAN നമ്പരുകള്‍ ആവശ്യമില്ലന്നു മാത്രമല്ല അനുവധിനീയവുമല്ല. എതു മേഖലയിലാണെങ്കിലും ഒരേ നമ്പര്‍ മതി. തൊഴില്‍മേഖല മാറിയാലും PRAN നമ്പര്‍ മാറ്റേണ്ടതില്ല.</p> <p>ദേശീയ പെന്‍ഷന്‍ പദ്ധതി അക്കൗണ്ടിന്‍റ ക്രമീകരണമനുസരിച്ച് ഓരോരുത്തര്‍ക്കും രണ്ട് അക്കൗണ്ടുകള്‍ വീതം ലഭിക്കും ഒന്നാം നിരയും രണ്ടാം നിരയും Tier I & II അതില്‍ രണ്ടാമത്തേത് നിര്‍ബന്ധമുള്ളതല്ല. വരിക്കാരന്‍്‌റ താല്പര്യമനുസരിച്ച് എടുക്കുകയോ എടുക്കാതിരിക്കയോ ചെയ്യാം. ഈ രണ്ട് അക്കൗണ്ടുകളിലൂടെ നമുക്കൊന്ന് സഞ്ചരിക്കാം.</p> <p><strong>

</strong></p> <p><strong>ഒന്നാംനിര അക്കൗണ്ട്</strong><br />പെന്‍ഷനുവേണ്ടി മാത്രം ഉള്ള അക്കൗണ്ടായി ഇതിനെ വിശേഷിപ്പിക്കാം. ദേശീയ പെന്‍ഷന്‍ പദ്ധതിപ്രകാരം പിന്‍വലിക്കാവുന്ന ഒരു നിശ്ചിത തിയതി ഈ അക്കൗണ്ടുകള്‍ക്ക് നിര്‍ദ്ദേശിച്ചിട്ടുണ്ട് അതിനുമുന്‍പ് ഒരു കാരണവശാലും ഇത് പിന്‍വലിക്കാന്‍ സാധിക്കുകയില്ല. അപത്തുകാലത്തേക്ക് സൂക്ഷിച്ചുവെയ്ക്കാന്‍ ജനങ്ങളെ പഠിപ്പിക്കുക എന്ന ലക്ഷ്യത്തോടെയുള്ള അക്കൗണ്ട് ആയതിനാലാണ് ഇങ്ങനെയോരുനിബന്ധന.</p> <p><strong>രണ്ടാം നിര അക്കൗണ്ട്</strong><br />ഇത് സാധാരണ അക്കൗണ്ടുപോലെ നിങ്ങള്‍ക്ക് ഉപയോഗപ്പെടുത്താവുന്നതാണ്. നിങ്ങളുടെ ഒരധികസമ്പാദ്യപ്പെട്ടി പോലെ. ഒരോ മേഖലയിലുള്ളവര്‍ക്കും വ്യത്യസ്തമായ രീതിയിലുള്ള താരിഫുകളാണ് സര്‍ക്കാര്‍ നിശ്ചയിച്ചിരിക്കുന്നത്.</p> <p><strong>നിങ്ങള്‍ക്ക് ഒരു ഒന്നാം നിര അക്കൗണ്ട് തുറക്കണമെങ്കില്‍</strong><br />500 രൂപ പ്രാരംഭത്തില്‍ നിക്ഷേപിക്കണം. ഓരോ പ്രാവശ്യവും നിക്ഷേപിക്കാവുന്ന കുറഞ്ഞ തുക 500 രൂപയാണ് . ഒരോ വര്‍ഷവും നിക്ഷപിക്കേണ്ട കുറഞ്ഞ തുക 6000 രൂപയാണ്.ഏറ്റവും കുറഞ്ഞ തവണ ഒന്നാണ്.6000 രൂപ ഒറ്റത്തവണയായി നിങ്ങള്‍ക്ക് നിക്ഷേപിക്കാമെന്നു ചുരുക്കം.<br />പരമാവധി തവണ,തുക മുതലായവ നിങ്ങളുടെ സാമ്പത്തിക സ്ഥിതിയും സൗകര്യവും കണക്കിലെടുത്ത് നിങ്ങള്‍ക്ക് നിശ്ചയിക്കാവുന്നതാണ്.</p> <p><strong>നിങ്ങള്‍ ഒരു രണ്ടാം നിര അക്കൗണ്ടും തുറക്കാനാഗ്രഹിക്കുന്ന പക്ഷം താഴെ പറയുന്നവയും അറിഞ്ഞിരിക്കണം</strong><br />അക്കൗണ്ട് തുറക്കാന്‍ വേണ്ട കുറഞ്ഞ തുക 1000 രൂപയാണ്.ഓരോ തവണയും നിക്ഷേപിക്കേണ്ട കുറഞ്ഞ തുക 250 രൂപ. കുറഞ്ഞ തവണ ഒന്ന്.<br /> പക്ഷേ ശ്രദ്ധിക്കേണ്ട ഒരു കാര്യമുണ്ട്.ഓരോ സാമ്പത്തിക വര്‍ഷത്തിന്‍്‌റയും അവസാനം നിങ്ങളുടെ അക്കൗണ്ടില്‍ കുറഞ്ഞത് 2000 രൂപയെങ്കിലും ഉണ്ടാവണം.പണം അവശ്യം വന്ന് എടുത്താലും കുഴപ്പമില്ല വര്‍ഷാവസാനം 2000 ആക്കി നിര്‍ത്താന്‍ മറക്കരുതെന്നര്‍ത്ഥം. ഈ പണം ഓഹരിവിപണിയില്‍ നിക്ഷേപിക്കുകയാണ് ചെയ്യുന്നത്. ഏത് രീതിയില്‍ ഏതൊക്കെ ശ്രേണിയില്‍ എത്ര ശതമാനം വീതം എന്നൊക്കെ തീരുമാനിക്കാനുള്ള സ്വാതന്ത്രൃം നിക്ഷേപകനുണ്ട്. നിങ്ങള്‍ക്ക് ഓഹരിവിപണിയുടെ ബാലപാഠങ്ങള്‍ നിശ്ചയമുണ്ടങ്കില്‍ മാത്രം അതിനൊക്കെ ഇറങ്ങിപ്പുറപ്പെട്ടാല്‍ മതി. അല്ലാത്തപക്ഷം ഫണ്ടുമാനേജറന്മാര്‍ നിങ്ങളുടെ വയസ്സിനും ചുറ്റുപാടുകള്‍ക്കുമനുസരിച്ച് നിക്ഷേപം നടത്തിക്കൊള്ളും. നഷ്ടം വരാതെ നോക്കണ്ട ഉത്തരവാദിത്വം അവര്‍ക്കാണ്.</p>