ഇടയ്‌ക്കൊന്നു ജോലി മാറി; എങ്ങനെ ടാക്‌സ് റിട്ടേണ്‍ ഫയല്‍ ചെയ്യും?

<p>ഏപ്രില്‍ 1 മുതല്‍ അടുത്ത മാര്‍ച്ച് 31 വരെയാണ് ഇന്ത്യയില്‍ സാമ്പത്തിക വര്‍ഷം കണക്കാക്കുന്നത്. ഈ കാലയളവില്‍ നിങ്ങള്‍ നേടിയിട്ടുള്ള വരുമാനത്തിനാണ് ആദായനികുതി നല്‍കേണ്ടത്. ഒന്നോ രണ്ടോ തവണ ജോലി മാറിയിട്ടുണ്ടെങ്കില്‍ ഓരോ ജോലിയില്‍ നിന്നും കിട്ടിയ ശമ്പളം ആദായത്തില്‍ പെടും.</p> <p><strong>

</strong><br /> <br />ശമ്പളക്കാര്‍ സാധാരണഗതിയില്‍ റിട്ടേണ്‍ ഫയല്‍ ചെയ്യുന്നത് തൊഴിലുടമ നല്‍കുന്ന ഫോം 16 അടിസ്ഥാനമാക്കിയാണ്. ആകെ വരുമാനത്തിന്‍റയും നികുതിയിളവുള്ള ഇനങ്ങളുടെയും മുന്‍കൂര്‍ നികുതി പിടിച്ചതിന്‍റയുമെല്ലാം കണക്കുകള്‍ ഫോം 16ല്‍ ഉണ്ടാകും. <br />ഒന്നിലധികം സ്ഥാപനത്തില്‍ ജോലി.<br />ഒരു സാമ്പത്തിക വര്‍ഷത്തില്‍ രണ്ടോ അതിലധികമോ സ്ഥാപനത്തില്‍ ജോലി ചെയ്തിട്ടുണ്ടെങ്കില്‍ അവിടെനിന്നുള്ള ഫോം 16 കൈപ്പറ്റണം. ഇത് നിങ്ങള്‍ പിരിഞ്ഞുപോരുമ്പോള്‍ കിട്ടില്ല. സാമ്പത്തികവര്‍ഷം അവസാനിച്ച് ഒന്നോ രണ്ടോ മാസം കഴിഞ്ഞാവും അവര്‍ അതു തയാറാക്കുക.</p> <p>ആദ്യത്തെ സ്ഥാപനത്തില്‍ നിന്നുള്ള ശമ്പളവിവരങ്ങള്‍ ഇപ്പോള്‍ ജോലി ചെയ്യുന്ന സ്ഥാപനത്തിനു കൈമാറിയാല്‍ രണ്ടുംകൂടി ചേര്‍ത്ത് ഇപ്പോഴത്തെ സ്ഥാപനം ഫോം16 തയാറാക്കി നല്‍കും (രണ്ടു സ്ഥാപനത്തിന്‍റ<br />യും സാമ്പത്തിക മാനേജ്‌മെന്‍റ് വിഭാഗം അത്ര നല്ലതാണെങ്കില്‍). അപ്പോള്‍ ആ ഒരു ഫോം 16 ഉപയോഗിച്ച് റിട്ടേണ്‍ സമര്‍പ്പിക്കാം. അല്ലെങ്കില്‍ രണ്ടു സ്ഥാപനത്തിന്‍റയും ഫോം 16ല്‍ ഉള്ള വിവരങ്ങള്‍ പ്രത്യേകം പ്രത്യേകമായി ചേര്‍ത്ത് റിട്ടേണ്‍ തയാറാക്കണം.</p> <p>ഏതെങ്കിലും കാരണവശാല്‍ ആദ്യത്തെ സ്ഥാപനത്തില്‍ നിന്ന് ഫോം 16 കിട്ടിയില്ലെങ്കില്‍ അക്കാലത്തെ സാലറി സ്ളിപ്പില്‍ (പേ സ്ളിപ്) ഉള്ള വിവരങ്ങള്‍ ഉപയോഗിച്ച് വരുമാനം, നികുതിവിധേയവരുമാനം, മുന്‍കൂര്‍ പിടിച്ച നികുതി, മുതലായവ കണക്കുകൂട്ടിയെടുത്തിട്ട് റിട്ടേണ്‍ സമര്‍പ്പിക്കണം.</p>

Read in English: How to file income tax return in case of job change?