ആദായിനികുതിയിളവ്: സെക്ഷന്‍ 80യുടെ കുരുക്കഴിക്കുമ്പോള്‍

<p>ആദായനികുതി റിട്ടേണിനെക്കുറിച്ചും ഇളവുകളെക്കുറിച്ചും ചര്‍ച്ച ചെയ്യുമ്പോഴൊക്കെ കടന്നുവരുന്നതാണ് സെക്ഷന്‍ 80. 80സി ആണ് കൂടുതലും കേള്‍ക്കാനുണ്ടാകുക. 80സിസിസി, 80സിസിഡി എന്നിങ്ങനെ വേറെയും ഒരുപാട് ഉപവകുപ്പുകള്‍. ഇതിലൊക്കെ എന്താണാവോ ഉള്ളത്. ഒന്നു പരിശോധിക്കാം.</p> <p><strong>

</strong></p> <p>80സി, സിസിസി, സിസിഡി എന്നീ മൂന്നിനത്തിലും കൂടി ആകെ പരമാവധി ഒന്നര ലക്ഷം രൂപയുടെ നികുതിയിളവു കിട്ടും. ഇതില്‍ പെടുത്താവുന്ന ഇനങ്ങള്‍:<br />ഭവനവായ്പയുടെ തിരിച്ചടവില്‍ മുതലിലേയ്ക്കു തിരിച്ചടച്ച തുക (പലിശയിനത്തില്‍ തിരിച്ചടച്ച തുകയ്ക്ക് സെക്ഷന്‍ 24ല്‍ ആണ് ഇളവ്. രണ്ടു ലക്ഷം രൂപ വരെ ഇളവു കിട്ടും)<br />ഇന്‍ഷുറന്‍സ് പ്രീമിയം (സ്വന്തം, പങ്കാളിയുടെ, മക്കളുടെ)<br />എംപ്‌ളോയീ പ്രോവിഡന്റ് ഫണ്ട് (ഇപിഎഫ്) നിക്ഷേപം<br />പബ്ലിക് പ്രോവിഡന്റ് ഫണ്ട് (പിപിഎഫ്) നിക്ഷേപം (സ്വന്തം, പങ്കാളിയുടെ, മക്കളുടെ)<br />പോസ്റ്റ് ഓഫീസ് സേവിങ്‌സ് ബാങ്കില്‍ 10, 15 വര്‍ഷ നിക്ഷേപങ്ങള്‍<br />നാഷനല്‍ സേവിങ്‌സ് സ്‌കീം, നാഷനല്‍ സേവിങ്‌സ് സര്‍ട്ടിഫിക്കറ്റ്, യുലിപ് സേവിങ്‌സ് സര്‍ട്ടിഫിക്കറ്റ് മുതലായവ<br />യുലിപ് ഇന്‍ഷുറന്‍സ്, മ്യൂച്വല്‍ ഫണ്ട് നിക്ഷേപങ്ങള്‍<br />ദേശീയ ഭവനപദ്ധതിയുടെ ഫണ്ടുകളിലെ നിക്ഷേപം<br />രണ്ടു കുട്ടികളുടെ പഠനത്തിനുള്ള ഫീസ്--ഇന്ത്യയിലുള്ള വിദ്യാഭ്യാസ സ്ഥാപനങ്ങളില്‍ അടച്ച ഫീസ്</p> <p><strong>80സിസിസി</strong><br />ഇന്‍ഷുറന്‍സ് ആന്വിറ്റി പ്ലാനില്‍ അടച്ച ഒറ്റത്തവണ പ്രീമിയം--ഒരു ലക്ഷം രൂപ വരെ</p> <p><strong>80സിസിഡി(1)</strong><br />പെന്‍ഷന്‍ അക്കൗണ്ടില്‍ നിക്ഷേപിച്ച തുക--വാര്‍ഷികവരുമാനത്തിന്റെ 10% വരെ</p> <p><strong>80സിസിഡി(2)</strong><br />പെന്‍ഷന്‍ അക്കൗണ്ടില്‍ തൊഴിലുടമ നിക്ഷേപിച്ച തുക--വാര്‍ഷികവരുമാനത്തിന്റെ 10% വരെ</p> <p>എല്ലാം കൂടി വലിയൊരു തുക രക്ഷിച്ചെടുക്കാമെന്നു സ്വപ്‌നം കാണേണ്ട. മേല്‍പറഞ്ഞ 80സി, 80സിസിസി, 80സിസിഡി(1), 80സിസിഡി(2) എന്നീ നാല് ഇനങ്ങളിലായി പരമവധി 1.5 ലക്ഷം രൂപയേ നികുതിയിളവു ലഭിക്കൂ. <br />ഇനി മറ്റു ചില ഉപവകുപ്പുകള്‍ നോക്കാം</p> <p><strong>80സിസിജി</strong>: രാജീവ് ഗാന്ധി ഇക്വിറ്റി സേവിങ്‌സ് സ്‌കീം<br />പത്തു ലക്ഷത്തില്‍ താഴെ (ഇക്കൊല്ലം ഇതു 12 ലക്ഷമായി ഉയര്‍ത്തിയേക്കും) വരുമാനമുള്ളവര്‍ക്ക് പദ്ധതിയില്‍ നിക്ഷേപിക്കാം. നിക്ഷേപിക്കുന്നതിന്റെ പകുതി തുകയ്ക്ക് നികുതിയിളവു ലഭിക്കും.</p> <p><strong>80ഡി</strong><br />മെഡിക്കല്‍ ഇന്‍ഷുറന്‍സ് പ്രീമിയം--സ്വന്തം/ പങ്കാളിയുടെ/ മക്കളുടെ ഇന്‍ഷുറന്‍സിന് പരമാവധി 15,000 രൂപ, മാതാപിതാക്കളുടെ ഇന്‍ഷുറന്‍സിന് പരമാവധി 15,000 രൂപ. സീനിയര്‍ സിറ്റിസണ്‍ ആണെങ്കില്‍ രണ്ടിനും പരമാവധി 20,000 വരെ ആകാം.</p> <p><strong>80ഡിഡി</strong><br />അംഗവൈകല്യമുള്ള ബന്ധുവിന്റെ പുനരധിവാസത്തിന് 50,000 രൂപ വരെ. അംഗവൈകല്യം ഗുരുതരമാണെങ്കില്‍ ഒരു ലക്ഷം രൂപ വരെ ഈയിനത്തില്‍ ഇളവു ലഭിക്കും.</p> <p><strong>80ഡിഡിബി</strong><br />ചികിത്സാച്ചെലവിനത്തില്‍ 40,000 രൂപ വരെ. സ്വന്തമോ ബന്ധുക്കളുടെയോ ചികിത്സയ്ക്ക്. ഫോം 10ഐയില്‍ റജിസ്‌റ്റേര്ഡ് ഡോക്ടറുടെ സാക്ഷ്യപത്രം വേണം. 11ഡിഡിയില്‍ പറഞ്ഞിട്ടുള്ള രോഗങ്ങളുടെ ചികിത്സയ്‌ക്കേ ലഭിക്കൂ.</p> <p><strong>80ഇ</strong><br />സ്വന്തമോ ബന്ധുവിന്റെയോ ഉന്നതപഠനത്തിനുള്ള വിദ്യാഭ്യാസ വായ്പയുടെ പലിശ</p> <p><strong>80ജി</strong><br />ഈ വകുപ്പിന്റെ നിബന്ധനകള്‍ക്കനുസൃതമായ സംഭാവനകള്‍ക്ക്</p> <p><strong>80ജിജി</strong><br />വീട്ടുവാടകയ്ക്ക്. <br />യഥാര്‍ഥത്തില്‍ നല്‍കിയ വീട്ടുവാടകയില്‍ നിന്നു ശമ്പളത്തിന്റെ പത്തു ശതമാനം കുറച്ചിട്ടുള്ള തുക, ആകെ വരുമാനത്തിന്റെ നാലിലൊന്ന്, 24,000 രൂപ--ഈ മൂന്നില്‍ ഏതാണോ കുറവ് അത്രയും തുകയ്ക്ക് ഇളവു കിട്ടും.</p> <p><strong>80ജിജിഎ</strong><br />ശാസ്ത്രഗവേഷണത്തിനും ഗ്രാമവികസനത്തിനും നല്‍കിയ സംഭാവനകള്‍ക്ക്</p> <p><strong>80ജിജിസി</strong><br />രാഷ്ട്രീയകക്ഷികള്‍ക്കു നല്‍കിയ സംഭാവനകള്‍ക്ക്</p> <p><strong>80ക്യുക്യുബി</strong><br />പേറ്റന്റുകളുടെ റോയല്‍റ്റി തുകയില്‍ മൂന്നു ലക്ഷം രൂപ വരെ</p> <p><strong>80ആര്‍ആര്‍ബി</strong><br />എഴുതിയ പുസ്തകങ്ങളുടെ റോയല്‍റ്റിയായി കിട്ടുന്ന തുകയ്ക്ക് മൂന്നു ലക്ഷം രൂപ വരെ</p> <p><strong>80ടിടിഎ</strong><br />സേവിങ്‌സ് ബാങ്ക് നിക്ഷേപങ്ങളുടെ പലിശയില്‍ പരമാവധി പതിനായിരം രൂപ വരെ</p> <p><strong>80യു</strong><br />ശാരീരികവൈകല്യമുള്ളവര്‍ക്ക് 50,000 രൂപ വരെ. വൈകല്യം ഗുരുതരമാണെങ്കില്‍ ഒരു ലക്ഷം രൂപ വരെ. 11ഡി നിയമമാണ് ഇതിന് ആധാരം. സര്‍ക്കാര്‍ ഡോക്ടറുടെ സാക്ഷ്യപത്രം വേണം.</p>