ഇന്ത്യയിലെ ഏട്ടു സുരക്ഷിത നിക്ഷേപ മാര്‍ഗ്ഗങ്ങള്‍

ബാങ്ക് ഫിക്‌സഡ് ഡിപ്പോസിറ്റ്

7.5 മുതല്‍ 9 ശതമാനം വരെ പലിശ കിട്ടും. പക്ഷേ, ലഭിക്കുന്ന വരുമാനത്തിന് നികുതി
കൊടുക്കാനുള്ള ബാധ്യതയുണ്ട്. അത് ഓരോ വ്യക്തിയുടെയും ടാക്‌സ് സ്ലാബിനനുസരിച്ച് മാറി കൊണ്ടിരിക്കും.

റിക്കറിങ് ഡിപ്പോസിറ്റ്

എല്ലാ മാസവും ഒരു തുക കൃത്യമായി നിക്ഷേപിക്കുന്ന രീതിയാണിത്. കാലാവധി പൂര്‍ത്തിയാകുമ്പോള്‍ നല്ലൊരു തുക കൈയിലെത്തുമെന്ന മെച്ചമുണ്ട്. ഇത്തരം നിക്ഷേപങ്ങളിലൂടെ ലഭിക്കുന്ന പലിശയ്ക്ക് ടിഡിഎസ് ചുമത്താന്‍ തീരുമാനമായിട്ടുണ്ട്.

പബ്ലിക് പ്രൊവിഡന്റ് ഫണ്ട്

ശമ്പളം വാങ്ങുന്നവര്‍ക്ക് ഏറ്റവും അനുയോജ്യമായ നിക്ഷേപമാര്‍ഗ്ഗമാണിത്. നിക്ഷേപത്തോടൊപ്പം നികുതി ലാഭവും ഇതിലൂടെ സാധിക്കും.

പോസ്റ്റ് ഓഫിസ് നിക്ഷേപം

സര്‍ക്കാറിന്റെ നേരിട്ടുള്ള നിയന്ത്രണത്തിലായതിനാല്‍ പോസ്റ്റ് ഓഫിസുകളില്‍ നടത്തുന്ന നിക്ഷേപങ്ങള്‍ ഏറെ സുരക്ഷിതമാണ്.

സീനിയര്‍ സിറ്റിസണ്‍സ് സേവിങ്‌സ് സ്‌കീം

മുതിര്‍ന്ന പൗരന്മാരുടെ സുരക്ഷിത ജീവിതം ജീവിതം ഉറപ്പാക്കാന്‍ സര്‍ക്കാറിന്റെ നേതൃത്വത്തില്‍ ഒട്ടേറെ പദ്ധതികള്‍ ആവിഷ്‌കരിച്ചിട്ടുണ്ട്. ഇത്തരം പെന്‍ഷന്‍ പദ്ധതികളില്‍ കണ്ണുമടച്ചു ചേരാം.

സുകന്യാ സമൃദ്ധി എക്കൗണ്ട്

പെണ്‍കുട്ടികളുടെ ഉന്നത വിദ്യാഭ്യാസത്തിനോ വിവാഹത്തിനോ ഉള്ള തുക ഉറപ്പാക്കാവുന്ന കേന്ദ്രഗവണ്‍മെന്റ് സ്‌കീമാമ് സുകന്യ സമൃദ്ധി. ഒട്ടുമിക്ക ദേശസാത്കൃത ബാങ്കുകളും ഈ സ്‌കീം നല്‍കുന്നുണ്ട്

ഡെബ്റ്റ് മ്യൂച്ചല്‍ ഫണ്ട്

ബാങ്ക് ഡിപ്പോസിറ്റുകളേക്കാള്‍ വരുമാനം ലഭിക്കുന്ന ഡെബ്റ്റ് മ്യൂച്ചല്‍ ഫണ്ടുകള്‍ കൂടുതല്‍ ലാഭകരമാണ്. വളരെ കുറച്ച് പണം മാത്രമേ ഇത്തരം ഫണ്ട് ഹൗസുകള്‍ ഓഹരി വിപണിയില്‍ നിക്ഷേപിക്കൂ. അതുകൊണ്ട് റിസ്‌ക് കുറവാണ്.

ടാക്‌സ് സേവിങ് ഫിക്‌സഡ് ഡിപ്പോസിറ്റ്

നികുതി നിയമത്തിലെ 80 സി ആനുകൂല്യം അനുവദിക്കുന്ന ഒട്ടേറെ നിക്ഷേപ പദ്ധതികള്‍ പല ബാങ്കുകളും മുന്നോട്ടു വെയ്ക്കുന്നുണ്ട്. പലപ്പോഴും സര്‍ക്കാര്‍ തന്നെയായിരിക്കും ഇത്തരം സ്‌കീമുകള്‍ക്ക് മുന്‍കൈ എടുക്കുക.