ഓഹരി വിപണി താഴ്ചയില്‍, വാങ്ങാവുന്ന അഞ്ച് ഓഹരികള്‍

സെന്‍സെക്സ് 13 മാസത്തെ ഏറ്റവും താഴ്ന്ന നിരക്കിലാണ് ട്രേഡിങ് നടത്തി കൊണ്ടിരിക്കുന്നത്. പല ഓഹരികളും 52 ആഴ്ചയിലെ ഏറ്റവും താഴ്ന്ന വിലയിലേക്ക് കൂപ്പുകുത്തി വീഴുകയും ചെയ്തു. ഈ സാഹചര്യത്തില്‍ വാങ്ങാവുന്ന അഞ്ച് ഓഹരികള്‍ ഏതെല്ലാമാണെന്ന് നോക്കാം

സ്റ്റേറ്റ് ബാങ്ക് ഓഫ് ഇന്ത്യ

എന്‍എസ്ഇയില്‍ ഈ ഓഹരി ഇപ്പോള്‍ ട്രേഡിങ് നടത്തികൊണ്ടിരിക്കുന്നത് 230 ലെവലിലാണ്. 300 ടാര്‍ജറ്റ് ചെയ്ത് ഈ ഓഹരി വാങ്ങാവുന്നതാണ്.

ടാറ്റാ മോട്ടോര്‍സ്

അടുത്ത കാലത്ത് ഏറ്റവും കൂടുതല്‍ വിലയിടിവ് സംഭവിച്ച ഓഹരിയാണിത്. വളരെ എളുപ്പത്തില്‍ തന്നെ 400നു മുകളില്‍ തിരിച്ചെത്താന്‍ ഈ ഓഹരിക്ക് സാധിക്കും. ഇപ്പോള്‍ 330 റേഞ്ചിലാണ് വില്‍പ്പന നടക്കുന്നത്.

ഐസിസിഐ ബാങ്ക്

രാജ്യത്തെ ഏറ്റവും വലിയ സ്വകാര്യ ബാങ്കിന്‍റെ ഓഹരി മൂല്യം 52 ആഴ്ചയിലെ ഏറ്റവും താഴന്ന നിലയിലാണെന്നത് അദ്ഭുതപ്പെടുത്തുന്ന കാര്യമാണ്. വളരെ എളുപ്പത്തില്‍ 300ലേക്ക് തിരിച്ചു പോകാനുള്ള കരുത്ത് ഈ സ്റ്റോക്കിനുണ്ട്.

എന്‍എംഡിസി

ഏറ്റവും കൂടുതല്‍ ഡിവിഡന്‍റ് നല്‍കുന്ന കന്പനികളില്‍ ഒന്നാണിത്. ഓരോ ഷെയറിനും 8.5 ശതമാനം ഡിവിഡന്‍റ് പ്രഖ്യാപിച്ചിട്ടും ഈ ഓഹരി താഴേക്കിറങ്ങിയത് രസകരമാണ്. 150 ടാര്‍ജറ്റില്‍ വാങ്ങി സൂക്ഷിക്കാവുന്നതാണ്. ഇപ്പോഴത്തെ വില നൂറിനടുത്താണ്.

ലാര്‍സണ്‍ ആന്‍റ് ടര്‍ബോ

കഴിഞ്ഞ ഒരു മാസമായി ഈ ഓഹരിക്ക് കഷ്ടകാലമാണ്. ഇപ്പോള്‍ 1550 ലെവലിലാണ് വ്യാപാരം. 20 ശതമാനത്തിന്‍റെ ഇടിവാണ് 30 ദിവസത്തിനുള്ളിലുണ്ടായത്. സര്‍ക്കാറിന്‍റെ പുതിയ ഇന്‍ഫ്രാസ്ട്രക്ചര്‍ നയം ഏറ്റവും കൂടുതല്‍ സഹായിക്കുക ഈ കന്പനിയെയായിരിക്കും. 300 രൂപ ഓരോ ഷെയറിലും അധികം സ്വപ്നം കാണാവുന്നതാണ്.