സ്വര്ണത്തെക്കാള് പ്രിയം മറ്റൊന്നാണെന്നോ? സ്വര്ണം വാങ്ങുന്നവര് ഒന്നു മാറി ചിന്തിക്കുന്നതായാണ് ഇപ്പോള് കണ്ടു വരുന്ന പ്രവണത. പഌറ്റിനത്തിനാണ് ആവശ്യക്കാരേറയും. സ്വര്ണംപോലെയോ അതിലുപരിയായോ വിലപിടിപ്പുള്ള ലോഹമായ പ്ളാറ്റിനത്തിന്റെ വില കുറയുന്നതാണ് നിക്ഷേപത്തിന് അവസരമൊരുക്കുന്നത്.
വില കുറയുന്നു
നേരത്തെ 2007ല് അന്താരാഷ്ട്ര വിപണിയില് സ്വര്ണത്തിന്റെ ഇരട്ടി വിലക്കാണ് പ്ളാറ്റിനം വിറ്റിരുന്നതെങ്കില് ഇപ്പോള് ഏഴുവര്ഷത്തെ താഴ്ന്ന നിലയിലാണ് വില.
അന്താരാഷ്ട്ര വിപണി താരതമ്യം ചെയ്യുമ്പോള്
നിലവില് അന്താരാഷ്ട്ര വിപണിയില് ഔണ്സിന് 1004 ഡോളറാണ് വില. സ്വര്ണത്തേക്കാള് 150 ഡോളറോളം കുറവാണിത്.
എന്തുകൊണ്ട് വില കുറഞ്ഞു
പുതിയ ഖനികളില്നിന്ന് ഉല്പാദനം തുടങ്ങിയതോടെ ലഭ്യത വര്ധിച്ചതും ചൈനയിലെ മാന്ദ്യം സംബന്ധിച്ച ആശങ്കകളുമാണ് പ്ളാറ്റിനത്തിന്റെ വില കുറയാന് പ്രധാന കാരണം.
ഇന്ത്യയിലെ വില
ഇന്ത്യയില് ഇപ്പോഴും 10 ഗ്രാം സ്വര്ണവുമായി താരതമ്യം ചെയ്താല് 1000 രൂപയോളം അധികമാണ് പ്ളാറ്റിനത്തിന്.
ഇന്ത്യയില് ആഭരണം മാത്രം
ഇന്ത്യയില് ആഭരണമായി മാത്രമാണ് പ്ളാറ്റിനം വാങ്ങാനാവുക. ആഭരണങ്ങളില് തന്നെ 70 ശതമാനവും വിവാഹ മോതിരങ്ങളോ വളകളോ ആണെന്നും ജ്വല്ലറി മേഖലയിലെ വിദഗ്ധര് പറയുന്നു.
വിലയില് ചാഞ്ചാട്ടമില്ല
പ്ളാറ്റിനം കമ്മോഡിറ്റി മാര്ക്കറ്റുകളില് ലഭ്യമല്ലാത്തതും, ലഭ്യതയും വിലയും ഉല്പാദകര് നിയന്ത്രിക്കുന്നതും മൂലം സ്വര്ണത്തെപ്പോലെ വില വ്യതിയാനം ഉണ്ടാവാറില്ല.