നിങ്ങളുടെ ഇന്‍ഷുറന്‍സ് പ്രീമിയം കൂടുതലാണോ? കുറയ്ക്കാന്‍ ചില ടിപ്സ് ഇതാ

നിത്യ ജീവിതത്തില്‍ ലൈഫ് ഇന്‍ഷുറന്‍സ് പോളിസി ഉള്‍പ്പടെയുള്ളവ എടുക്കാത്തവരായി ആരും തന്നെ കാണില്ല. നല്ലൊരു തുക തന്നെ പോളിസി പ്രീമിയം അടച്ച് തീര്‍ക്കുന്നതിന് വേണ്ടിയും ചെലവഴിയ്ക്കുന്നുണ്ട്. ഒരേ സമയം ഒരേ കാര്യത്തിന് വേണ്ടി നിങ്ങളും സുഹൃത്തും പോളിസി എടുത്തുവെന്നിരിയ്ക്കട്ടേ. നിങ്ങള്‍ അടയ്ക്കുന്ന പ്രീമിയം തുകയെക്കാള്‍ വളരെ കുറവാണ് സുഹൃത്ത് അടയ്ക്കുന്നത്. ഇതെങ്ങനെ സംഭവിയ്ക്കും.

വലിയ തുക പോളിസി പ്രീമിയം ആയി അടയ്‌ക്കേണ്ടി വരുന്നത് സാധാരണക്കാര്‍ക്ക് ഏറെ ബുദ്ധിമുട്ടുള്ള കാര്യമാണ്. അതിനാല്‍ പ്രീമിയം തുക കുറച്ച് കൊണ്ട് എങ്ങനെ മികച്ച പോളിസികളില്‍ അംഗമാകാം എന്നതിനെപ്പറ്റി അറിയാം.

1. പ്രായം

ലൈഫ് ഇന്‍ഷുറന്‍സ് പോളിസി എടുക്കുമ്പോള്‍ പ്രീമിയം നിര്‍ണയിക്കുന്നതില്‍ പോളിസി ഉടമയുടെ പ്രായവും പരിഗണിയ്ക്കും എന്ന കാര്യം അറിയാമോ. 25 വയസുള്ളയാളും 35 വയസുള്ളയാളും ഒരേ പോളിസി എടുത്താല്‍ 25കാരനാകും പ്രീമിയം തുക കുറവ്. കാരണം മറ്റൊന്നുമല്ല 25 കാരനെക്കാള്‍ പ്രായം വച്ച് നോക്കുമ്പോള്‍ അസുഖം വരാനുള്ള സാധ്യതയും ആയുര്‍ ദൈര്‍ഘ്യം കുറവും 35കാരാനാണ്

2. ലിംഗ വ്യത്യാസം

പുരുഷന്‍മാരെക്കാള്‍ ആയുര്‍ദൈര്‍ഘ്യം കൂടുതല്‍ സ്ത്രീകള്‍ക്കാണ്. അതിനാല്‍ തന്നെ ഇവരുടെ ലൈഫ് ഇന്‍ഷുറന്‍സ് പ്രീമിയം കുറയും

3. ജീവിത ശൈലികള്‍

ആരോഗ്യകരമായ ജീവീത ശൈലികള്‍ പിന്തുടരുന്നവരെക്കാള്‍ കൂടുതല്‍ ഇന്‍ഷുറന്‍സ് പ്രീമിയം അനാരോഗ്യകരമായ ജീവിത ശൈലികള്‍ പിന്തുടരുന്നവരില്‍ നിന്നും ഈടാക്കും. ഉദാഹരണത്തിന് പുകവലി, മദ്യപാനം പോലുള്ള അനാരോഗ്യകരമായ ശീലങ്ങള്‍ പിന്തുടരുന്നവരില്‍ നിന്നും

4. കുടുംബത്തിന്റെ മെഡിക്കല്‍ ഹിസ്റ്ററി

നിങ്ങളുടെ കുടുംബത്തിന്റെ ആരോഗ്യ ചരിത്രം ആശ്രയിച്ചിരിയ്ക്കും പ്രീമിയം ഉയരുന്നത്. അമ്മയോ അച്ഛനോ ഒക്കെ ഹൃദ്രോഗികളോ പ്രമേഹ രോഗികളോ ആണെങ്കില്‍ നിങ്ങള്‍ക്കും രോഗം വരാം. അതിനാല്‍ ആയുസും കുറഞ്ഞേക്കാം. അപ്പോള്‍ പിന്നെ ആരോഗ്യ ഇന്‍ഷുറന്‍സ് പ്രീമിയം ഉയരുമെന്ന് പ്രത്യേകം പറയേണ്ടതില്ലല്ലോ

5. ആരോഗ്യ സ്ഥിതി

നിലവിലെ നിങ്ങളുടെ ആരോഗ്യ സ്ഥിത, രോഗങ്ങള്‍ എന്നിവയും ലൈഫ് ഇന്‍ഷുറന്‍സ് പ്രീമിയം നിര്‍ണയിക്കുന്നതില്‍ നിര്‍ണായകമാണ്.

6. ജീവിതം

തൊഴില്‍ ഉള്‍പ്പടെയുള്ള കാര്യങ്ങളില്‍ എത്രത്തോളം സാഹസികവും അപകടകരവുമായി സാഹചര്യങ്ങളില്‍ നിങ്ങള്‍ എത്തപ്പെടുന്നു എന്നതും ഇന്‍ഷുറന്‍സ് പ്രീമിയത്തെ നിര്‍ണയിക്കുന്നു.

7. പ്ളാന്‍

വിവിധ തരം ലൈഫ് ഇന്‍ഷുറന്‍സ് പദ്ധതികളിലാകും നിങ്ങള്‍ അംഗമാവുക. ഈ പഌനുകളും നിങ്ങളുെ പ്രീമിയം നിര്‍ണയിക്കും.