കടക്കെണിയില്‍ പെടാതിരിക്കാന്‍ ഈ അബദ്ധങ്ങള്‍ ഒഴിവാക്കാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പലപ്പെഴും അബദ്ധങ്ങള്‍ പറ്റിക്കഴിയുമ്പോള്‍ മാത്രമാണ് നാം അതിനെക്കുറിച്ച് ബോധവാന്മാരാകുന്നത്. ധനപരമായ കാര്യങ്ങളില്‍ കൂടുതല്‍പ്പേരും വരുത്തുന്നത് ഏകദേശം ഒരേ അബദ്ധങ്ങളാണ്. അവയില്‍ ചിലത് ടുവടെ കൊടുക്കുന്നു.

 

റിട്ടയര്‍മെന്റിന് ആവശ്യമുള്ളത് സമ്പാദിച്ചുവെക്കാത്തത്

റിട്ടയര്‍മെന്റിന് ആവശ്യമുള്ളത് സമ്പാദിച്ചുവെക്കാത്തത്

റിട്ടയര്‍മെന്റിലെ ആവശ്യങ്ങള്‍ക്ക് മുഴുവന്‍ തികയുന്ന രീതിയിലുള്ള സമ്പാദ്യം പ്ലാനിംഗിലൂടെ ലഭ്യമാകുന്നുണ്ടോ നിങ്ങള്‍ കൂടിക്കൊണ്ടിരിക്കുന്ന പണപ്പെരുപ്പം നിങ്ങളുടെ സമ്പാദ്യത്തിന്റെ നല്ലൊരു പങ്കിനെ ഒഴുക്കിക്കളയാം. മാത്രമല്ല ജീവിതച്ചെലവുകളും മെഡിക്കല്‍ ചെലവുകളും ഇപ്പോഴത്തേതിന്റെ പല ഇരട്ടിയാകാം. റിട്ടയര്‍മെന്റിന് ഇനിയും ഒരുപാട് സമയമുണ്ടല്ലോ എന്ന് ചിന്തിക്കുന്നവരും കുറവല്ല. എന്നാല്‍ 20കളില്‍ റിട്ടയര്‍മെന്റ് പ്ലാനിംഗ് ആരംഭിച്ചാല്‍ 30കളുടെ അവസാനം അത് ആരംഭിക്കുന്നതിനെക്കാള്‍ വളരെ കുറഞ്ഞ തുക മാസം തോറും അടച്ചാല്‍ മതി.

സാമ്പത്തിക ലക്ഷ്യങ്ങള്‍ ഇല്ലാതിരിക്കുന്നത്

സാമ്പത്തിക ലക്ഷ്യങ്ങള്‍ ഇല്ലാതിരിക്കുന്നത്

സമ്പാദിക്കാന്‍ ആരംഭിക്കുമ്പോള്‍ തന്നെ ഏതൊരു വ്യക്തിക്കും ഉണ്ടാകേണ്ടതാണ് സാമ്പത്തിക ലക്ഷ്യങ്ങള്‍. സ്വപ്നഗൃഹം, വാഹനം, മക്കളുടെ വിദ്യാഭ്യാസം, വിവാഹം... ഇങ്ങനെ ഓരോരുത്തരുടെയും ആവശ്യമനുസരിച്ച് വ്യത്യാസപ്പെട്ടിരിക്കും അത്. സാമ്പത്തിക ലക്ഷ്യങ്ങള്‍ക്കനുസരിച്ച് നിക്ഷേപിക്കുമ്പോള്‍ ആ ലക്ഷ്യം പ്രാപ്തമാക്കാന്‍ അപ്പോള്‍ എത്ര തുക വേണ്ടി വരും എന്നതാണ് കണക്കാക്കേണ്ടത്.

വരവുചെലവുകള്‍ എഴുതി സൂക്ഷിക്കാത്തത്

വരവുചെലവുകള്‍ എഴുതി സൂക്ഷിക്കാത്തത്

ആവശ്യത്തിന് വരുമാനമുണ്ട്. അനാവശ്യമായി ഒന്നിനും പണം കളയുന്നുമില്ല. എന്നിട്ടും മാസാവസാനം വരുമ്പോള്‍ സമ്പാദ്യത്തിനായി മാറ്റിവെക്കാന്‍ ഒന്നുമില്ല. പലരുടെയും പരാതിയാണിത്. പണം എവിടേക്കുപോകുന്നുവെന്ന് നിശ്ചയമില്ലാത്തത് വരവുചെലവു കണക്കുകള്‍ എഴുതി സൂക്ഷിക്കാത്തതുകൊണ്ടാണ്. അപ്പോള്‍ പണം പാഴാകുന്ന വഴികളറിഞ്ഞ് ചെലവുചുരുക്കാന്‍ ഇത് നിങ്ങളെ സഹായിക്കും.

അടിയന്തര ഫണ്ട് കരുതാത്തത്

അടിയന്തര ഫണ്ട് കരുതാത്തത്

വീട്ടില്‍ ആര്‍ക്കെങ്കിലും പെട്ടെന്ന് അസുഖം വന്നാല്‍ ചികില്‍സിക്കാന്‍ അടിയന്തര ഫണ്ട് കരുതിയിരിക്കണം. ഈ ഫണ്ട് മറ്റ് ചെലവുകള്‍ക്ക് എടുക്കാതിരിക്കാനും ശ്രദ്ധിക്കണം.

ആവശ്യമില്ലാതെ വായ്പയെടുത്ത് കൂട്ടുന്നത്

ആവശ്യമില്ലാതെ വായ്പയെടുത്ത് കൂട്ടുന്നത്

ധനകാര്യ സ്ഥാപനങ്ങള്‍ തമ്മിലെ മല്‍സരം കൂടിയപ്പോള്‍ ആര്‍ക്കും എന്തിനും വായ്പ ലഭിക്കുമെന്നായി. വായ്പ അനിവാര്യമാണോ എന്ന് സ്വയം ചിന്തിക്കണം. ക്രെഡിറ്റ് കാര്‍ഡ് ഓഫറുകള്‍, പലിശ രഹിത വായ്പകള്‍ എന്നിവയിലെല്ലാം വീണ്ടുവിചാരം വേണം.

വരവിനേക്കാള്‍ ചെലവഴിക്കുന്നത്

വരവിനേക്കാള്‍ ചെലവഴിക്കുന്നത്

സാമ്പത്തിക അച്ചടക്കമില്ലാത്തവര്‍ പിന്നീട് ദുഖിക്കേണ്ടി വരും. വസ്ത്രങ്ങള്‍, ജൂവല്‍റി എന്നിവയ്ക്ക് പരമാവധി എത്ര തുക ആകാം, വിനോദയാത്രകള്‍ക്ക് എത്രമാത്രം ചെലവഴിക്കാം, അനാവശ്യ കാര്യത്തിന് പാഴാക്കുന്നത് ഒഴിവാക്കാം. വീട്ടിലെ വരുമാനം അനുസരിച്ച് ചെലവഴിക്കാന്‍ കുടുംബാംഗങ്ങളെയും പ്രേരിപ്പിക്കുക.

ഇന്‍ഷുറന്‍സിന്റെ അഭാവം

ഇന്‍ഷുറന്‍സിന്റെ അഭാവം

എല്ലാവരും ഇന്‍ഷുറന്‍സ് എടുക്കേണ്ടതില്ല. എന്നാല്‍ നിങ്ങളെ ആശ്രയിച്ച് ജീവിക്കുന്നവരുണ്ടെങ്കില്‍, നിങ്ങള്‍ക്ക് പ്രായപൂര്‍ത്തിയാകാത്ത കുട്ടികളുണ്ടെങ്കില്‍ തീര്‍ച്ചയായും ഇന്‍ഷുറന്‍സ് എടുത്തിരിക്കണം. കുടുംബനാഥന് അപ്രതീക്ഷിതമായി എന്തെങ്കിലും സംഭവിക്കുമ്പോള്‍ പകച്ചിരിക്കേണ്ടി വരുന്ന നിരവധി കുടുംബങ്ങളെ നിങ്ങള്‍ക്ക് കാണാന്‍ കഴിഞ്ഞേക്കും.

ക്രെഡിറ്റ് സ്‌കോറിന്റെ പ്രാധാന്യം അറിയാത്തത്

ക്രെഡിറ്റ് സ്‌കോറിന്റെ പ്രാധാന്യം അറിയാത്തത്

വായ്പയെടുത്ത ശേഷം തിരിച്ചടയ്ക്കുന്നതില്‍ അലംഭാവം കാണിക്കുന്നവര്‍ക്ക് പലപ്പോഴും ക്രെഡിറ്റ് സ്‌കോറിന്റെയും ക്രെഡിറ്റ് റിപ്പോര്‍ട്ടിന്റെയും പ്രാധാന്യം അറിയില്ല. നിങ്ങളുടെ പണമിടപാടുകള്‍ സുതാര്യവും സത്യസന്ധവും അല്ലെങ്കില്‍ അവ നിങ്ങളുടെ ക്രെഡിറ്റ് സ്‌കോറിനെ ബാധിക്കാം. പിന്നീട് വായ്പ ലഭിക്കാതിരിക്കുന്നതിനും മറ്റും മോശം ക്രെഡിറ്റ് സ്‌കോര്‍ ഇടയാക്കാം. വായ്പയുടെ മാസതവണകളും ക്രെഡിറ്റ് കാര്‍ഡ് പേമെന്റുകളും കൃത്യസമയത്ത് അടയ്ക്കുക പ്രധാനമാണ്.

English summary

This is to avoid the mistakes unwelcome debt

This is to avoid the mistakes unwelcome debt
English summary

This is to avoid the mistakes unwelcome debt

This is to avoid the mistakes unwelcome debt
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X