ടേം ഇന്‍ഷുറന്‍സ്സും എന്‍ഡോവ്‌മെന്റ് ഇന്‍ഷുറന്‍സ്സും തമ്മിലുളള വ്യത്യാസങ്ങള്‍ എന്തൊക്കെ?

ഒരു കുടുംബത്തിന്റെ വരുമാന സ്രോതസ്സായ വ്യക്തിക്ക് എന്തെങ്കിലും സംഭവിക്കുകയാണെങ്കില്‍ ആ കുടുംബത്തിന്റെ സാമ്പത്തിക നില തകിടം മറിയുന്നതാണ്. അതുകൊണ്ട് നമ്മുടെ കുടുംബത്തിന്റെ നിലനില്‍പ്പിനു വേണ്ടി ഒരു ഇന്‍ഷുറന്‍സ്സ് കൂടിയേ തീരു.

ഇവിടെ നമുക്ക് രണ്ട് ഇന്‍ഷുറന്‍സ്സിന്റെ വ്യത്യാസങ്ങള്‍ നോക്കാം.

ടേം ഇന്‍ഷുറന്‍സ്സ്

ടേം ഇന്‍ഷുറന്‍സ്സ് ഒരു ലൈഫ് ഇന്‍ഷുറന്‍സ്സാണ്. ഇതില്‍ ഇന്‍ഷുറന്‍സ്സ് പോളിസി കാലയളവു വരെ മാത്രമേ കവറേജ് ലഭിക്കുക ഉളളു. ഇതില്‍ ഡത്ത് ബനിഫിറ്റ് കിട്ടുന്നതായിരിക്കും. പോളിസി ഉടമ മരണപ്പെട്ടാല്‍ നോമിനിക്ക് സം അഷ്യൂര്‍ഡ് ലഭിക്കുന്നതായിരിക്കും. ടേം ഇന്‍ഷുറന്‍സ്സിന്റെ പ്രീമിയം ചാര്‍ജ്ജ് എന്‍ഡോവ്‌മെന്റ് പ്‌ളാനിനേക്കാള്‍ കുറവായിരിക്കൂം.

എന്‍ഡോവ്‌മെന്റ് ഇന്‍ഷുറന്‍സ്സ്

എന്‍ഡോവ്‌മെന്റ് ഇന്‍ഷുറന്‍സ്സ് ഒരു ഇന്‍ഷുറന്‍സ്സ്-ഇന്‍വെസ്റ്റ്‌മെന്റ് സമ്മിശ്രിതമാണ്. ഇതില്‍ ഡത്ത് ബനിഫിറ്റും മെച്ച്യൂരിറ്റി ബനിഫിറ്റും ലഭിക്കുന്നതാണ്. എന്‍ഡോവ്‌മെന്റ് പ്‌ളാനിന്റെ പ്രീമിയം ടേം പ്‌ളാനുകളേക്കാള്‍ ഉയര്‍ന്നതാണ്. ഇതില്‍ കൃത്യമായി അടവുകള്‍ അടയ്ക്കാന്‍ ശ്രമിക്കുക. എങ്കില്‍ അവസാനം വലിയ ഒരു നിക്ഷേപ തുക കിട്ടുന്നതായിരിക്കും. ഈ തുക നിങ്ങളുടെ കുട്ടിയുടെ വിദ്യാഭ്യാസത്തിനോ വിവാഹത്തിനോ നിങ്ങള്‍ക്ക് ഒരു വീടു വയ്ക്കാനോ ഉപയോഗപ്പെടുന്നതായിരിക്കും.