ഏതു സമയം നമുക്ക് ഹോം ലോണ്‍ ട്രാന്‍സ്ഫര്‍ ചെയ്യാം?

നമ്മള്‍ ഒരു പുതിയ ഭവനം വയ്ക്കാന്‍ തുടങ്ങുമ്പോഴാണ് കൂടുതലും ഹോം ലോണ്‍ എടുക്കുന്നത്. ഹോം ലോണ്‍ എടുക്കുമ്പോള്‍ അതിന്റെ തുക ആശ്രയിച്ചിരിക്കും ലോണ്‍ കാലാവധി. അതൊരു 15 മുതന്‍ 20 വര്‍ഷം വരെ ആകാം. ബാങ്കിലെ പലിശ നിരക്കിലും സേവനത്തിലും വ്യത്യാസം വരുമ്പോള്‍ കാലാവധിയിലും മാറ്റം ഉണ്ടാകാം, കൂടുതലും ഒരു ഫ്‌ളോട്ടിംഗ് ലോണ്‍ ആണെങ്കില്‍.

ഒരു ഹോം ലോണ്‍ ട്രാന്‍സ്ഫര്‍ ചെയ്യാന്‍ വ്യക്തികള്‍ക്ക് അവകാശം ഉണ്ട് എന്നാല്‍ അത് അത്ര എളുപ്പമുളള കാര്യം അല്ല. അതിന് NOC യും മറ്റു രേഖകളും സമര്‍പ്പിക്കേണ്ടതാണ്.

ഹോം ലോണ്‍ ട്രാന്‍സ്ഫര്‍ ചെയ്യേണ്ടി വരുന്നതിനുളള കാരണങ്ങള്‍ നോക്കാം.

1. പലിശ നിരക്ക്

നമ്മള്‍ ഹോം ലോണ്‍ എടുത്തിരിക്കുന്ന ബാങ്ക് അല്ലാതെ മറ്റുളള ബാങ്കുകള്‍ പലിശ നിരക്ക് കുറയ്ക്കുമ്പോള്‍ ലോണ്‍ ട്രാന്‍സ്ഫര്‍ ചെയ്യാന്‍ ഒരു കാരണം ആകുന്നു.

2. ബാങ്കിന്റെ ഉദാസീനത

ബാങ്കുകാര്‍ നിലവിലുളള ഓഫറുകളെ കുറിച്ച് അറിയിക്കാതിരിക്കുകയോ ഉപഭോക്താക്കളുടെ സംശയങ്ങള്‍ക്ക് മറുപടി പറയാതിരിക്കുകയോ ചെയ്താല്‍ ലോണ്‍ ട്രാന്‍സ്ഫര്‍ ചെയ്യാം.

3. ലോണ്‍ ടോപ്പ് അപ്പ്

മറ്റുളള ബാങ്കുകള്‍ ടോപ്പ് അപ്പ് ലോണിന് വാഗ്ദാനം ചെയ്യുക ആണെങ്കില്‍ ഹോം ലോണ്‍ ട്രാന്‍സ്ഫര്‍ ചെയ്യാം.