നവാഗതര്‍ക്ക് ഓഹരിനിക്ഷേപത്തില്‍ 4 പാഠങ്ങള്‍

നവാഗതര്‍ ഓഹരിയില്‍ നിക്ഷേപം ആരംഭിക്കുമ്പോള്‍ ശ്രദ്ധിക്കേണ്ട 4 കാര്യങ്ങള്‍,

1. അറിയുന്ന മേഖല തെരഞ്ഞെടുക്കുക
നിങ്ങള്‍ക്ക് എളുപ്പത്തില്‍ കാര്യങ്ങള്‍ മനസിലാക്കാവുന്ന ലളിതമായ ബിസിനസുകളിലാണ് നിക്ഷേപം നടത്തേണ്ടത്. വിപണിയിലെ മേധാവിത്വം മാറിമാറി വരുന്ന തരം ബിസിനസുകളില്‍ നിക്ഷേപം നടത്താതിരിക്കുക.

2. ഭൂതകാലം വിലയിരുത്തൂ

ഒരു കമ്പനിയില്‍ നിക്ഷേപം നടത്തും മുമ്പ് ആ കമ്പനി മുമ്പ് നിക്ഷേപകര്‍ക്ക് നല്‍കിയ വാഗ്ദാനങ്ങള്‍ വിലയിരുത്താം. മൂന്നോ നാലോ വര്‍ഷങ്ങള്‍ക്ക് മുമ്പ് കമ്പനി പ്രഖ്യാപിച്ച കാര്യങ്ങള്‍ നടപ്പാക്കിയിട്ടുണ്ടോ എന്ന് പരിശോധിക്കാം. പ്രൊമോട്ടര്‍ ഹോള്‍ഡിംഗ് 30 ശതമാനത്തില്‍ താഴെയായ കമ്പനികള്‍ ഒഴിവാക്കുന്നതാകും ഉചിതം.

3. ഏത് വിലയില്‍ വാങ്ങണം

ഓഹരികള്‍ മികച്ച ഉയരത്തില്‍ ആയിരിക്കുമ്പോഴായിരിക്കും പലപ്പോഴും നിക്ഷേപകര്‍ അവ തെരഞ്ഞെടുക്കുക. എന്നാല്‍ ഇവ നല്‍കുന്ന ആദായം വളരെ കുറവായിരിക്കും. ഒരു ഓഹരി ഏത് വിലയില്‍ ആയിരിക്കുമ്പോഴാണ് വാങ്ങേണ്ടത് എന്നത് മുന്‍കൂട്ടി കണക്കാക്കി ആ വിലയിലെത്തുന്നതു വരെ ക്ഷമാപൂര്‍വം കാത്തിരിക്കുക. കുറഞ്ഞ വിലയില്‍ കിട്ടുന്ന എല്ലാ ഓഹരികളും മികച്ചതാകണം എന്നുമില്ല. ഗുണമേന്മയുള്ള ഒരു ബിസിനസിനായി യോജ്യമായ ഒരു വില നല്‍കുന്നതാകും ഗുണമേന്മയില്ലാത്ത ഒരു ബിസിനസിന് കുറഞ്ഞ വില നല്‍കുന്നതിനേക്കാള്‍ ഉചിതം.

4. പ്രകടനം വിലയിരുത്തുക
വിപണി സൂചികകളുമായും മ്യൂച്വല്‍ ഫണ്ടുകളുടെ ശരാശരി പ്രകടനവുമായും താരതമ്യപ്പെടുത്തി നിങ്ങളുടെ പോര്‍ട്ട്ഫോളിയോ വിലയിരുത്തുക. പിഴവുകള്‍ തിരുത്തി ഉചിതമായ നിക്ഷേപങ്ങള്‍ കണ്ടെത്തുക.