സ്വര്‍ണത്തിന് മുംബൈയില്‍ വില കുറവ്, ചെന്നൈയില്‍ കൂടുതല്‍ കാരണമറിയണ്ടേ

അന്താരാഷ്ട്ര വിപണിയിലെ വിലയനുസരിച്ചാണ് ഇന്ത്യയില്‍ സ്വര്‍ണ വില മാറുന്നത്. പക്ഷേ ഇന്ത്യയിലെ ന്യൂഡല്‍ഹി, ചെന്നൈ തുടങ്ങി പല നഗരങ്ങളിലും സര്‍ണവില പലതാണ്. ചെന്നൈയിലെ സ്വര്‍ണവില ന്യൂഡല്‍ഹി, മുംബൈ എന്നിവിടങ്ങളിലുള്ളതിനേക്കാള്‍ കൂടുതലാണ്. 

കാരണമെന്തെന്നറിയാമോ..

1. നികുതി
ഓരോ സംസ്ഥാനങ്ങളും ഓരോ നികുതി ഈടാക്കുന്നതാണ് സ്വര്‍ണ വില വ്യത്യാസത്തിന്റെ പ്രധാനകാരണം. ചരക്ക് സേവന നിയമം നിലവില്‍ വരുന്നതോടെ ഈ വ്യത്യാസം ഇല്ലാതാവും.

2. ഗതാഗത ചെലവ്
സ്വര്‍ണം ഒരു സ്ഥലത്തുനിന്നും മറ്റൊരിടത്തേക്ക് മാറ്റുന്നതിനുള്ള ചിലവും സ്വര്‍ണ വില വ്യതിയാനത്തിന്റെ കാരണമാണ്. വലിയനഗരങ്ങളിലെ വ്യാപാരികള്‍ സ്വര്‍ണവിലയില്‍ നല്ല ഇളവുകള്‍ നല്‍കും മുംബൈ പോലെയുള്ള സ്ഥലങ്ങളില്‍ ഇത്തരത്തില്‍ സ്വര്‍ണവില കുറയും.

3. അസോസിയേഷനുകളും സ്വര്‍ണവിലയും

ചിലയിടത്ത് അസോസിയേഷനുകളാണ് സ്വര്‍ണത്തിന്റെ പ്രാദേശിക വില നിശ്ചയിക്കുന്നത്. ദിവസത്തില്‍ രണ്ട തവണ സ്വര്‍ണവില മാറും

4. ഇന്ത്യയിലെ സ്വര്‍ണവില നിര്‍ണ്ണയിക്കുന്നതെങ്ങനെ

അന്താരാഷ്ട്ര വിപണിയിലെ വിലയനുസരിച്ചാണ് ഇന്ത്യയില്‍ സ്വര്‍ണ വില മാറുന്നത്. അന്താരാഷ്ട്ര വിപണിയിലെ ഉയര്‍ച്ചയക്കനുസരിച്ച് സ്വര്‍ണ വിലയും ഉയരും. രൂപയുടെ മൂല്യം ഇറക്കുമതി തീരുവ എന്നിവയും വില നിര്‍ണയിക്കുന്ന ഘടകങ്ങളാണ്.

Read in English: Why Gold Rates In Indian Cities Like Delhi, Mumbai, Kerala And Chennai Differ?