ശമ്പളത്തില്‍ നിന്നും നികുതി ഒഴിവാക്കാന്‍ 7 വഴികള്‍

ശമ്പളത്തില്‍ എല്‍ടിഎ ഉറപ്പാക്കു

ജോലിക്ക് കയറുംമുന്‍പേ ശമ്പളത്തിലെ കിഴിവുകള്‍ അറിയണം. ടാക്‌സ് ഇല്ലാത്ത കിഴിവുകളാണ് നിങ്ങള്‍ക്ക് ഉപകാരപ്പെടുക.ഇന്ത്യയിലെ യാത്രാചിലവിനാണ് ലീവ് ട്രാവല്‍ അലവന്‍സ് നല്‍കുക. നാലുവര്‍ഷത്തില്‍ രണ്ടുവര്‍ഷം ലീവ് ട്രാവല്‍ അലവന്‍സ് ലഭിക്കും.

ഭക്ഷണക്കൂപ്പണുകള്‍

സൊഡാക്‌സ് ടിക്കറ്റ് റസ്റ്റോറന്റ് പോലെയുള്ള കൂപ്പണുകള്‍ കമ്പനി നല്‍കുന്നുണ്ടോ എന്നറിയുക. 50 രൂപ വരെയുള്ള കൂപ്പണുകള്‍ നികുതി രഹിതമാണ്.
അതായത് നിങ്ങള്‍ 25 ദിവസം ജോലി ചെയ്യുകയാണെങ്കില്‍ 2500 രൂപയുടെ നികുതി കുറവ് ലഭിക്കും.
20% നികുതി പരിധിയിലുള്ള ആളാണ് നിങ്ങളെങ്കില്‍ 6000 രൂപയും 30% പരിധിയിലാണെങ്കില്‍ 10000 രൂപയും ലാഭിക്കാം.

15000 രൂപ വരെ ഇളവ്

ശമ്പളത്തിലെ മെഡിക്കല്‍ അലവന്‍സ് 15000 രൂപ വരെ നികുതി ഇളവ് നിങ്ങള്‍ക്ക് നേടിത്തരും. ഒറിജിനല്‍ ബില്ലുകളുടെ കോപ്പികള്‍ നല്‍കേണ്ടി വരുമെന്നു മാത്രം.

ഉയര്‍ന്ന ടാക്‌സ് ബ്രേക്ക്

വാടക നല്‍കുന്ന ആളാണ് നിങ്ങളെങ്കില്‍ നിങ്ങള്‍ താമസിക്കുന്ന നഗരത്തിനനുസരിച്ച് നികുതിയിളവ് ലഭിക്കും.വാടക കരാറും വീട്ടുടമയുടെ പാന്‍കാര്‍ഡും സമര്‍പ്പിക്കണം. മെട്രോപൊളിറ്റന്‍ നഗരങ്ങളില്‍ നികുതിയിളവ് കൂടുതലായിരിക്കും.

സെക്ഷന്‍ 80സി

പിഎഫിലേക്കുള്ള സംഭാവന അധികമാണെങ്കില്‍ ആദായനികുതി നിയമം സെക്ഷന്‍ 80സി അനുസരിച്ച് നികുതിയാനുകൂല്യങ്ങള്‍ ലഭിക്കും.

1600 രൂപ വരെ നികുതിയിളവ്

ശമ്പളത്തില്‍ യാത്രാ ഇളവുകളുണ്ടെങ്കില്‍ 1600 രൂപ വരെ മാസം ലാഭിക്കാം. യാത്രാ ഇളവ് കുറവാണെങ്കില്‍ കമ്പനിയോട് അത് വര്‍ദ്ധിപ്പിക്കാന്‍ ആവശ്യപ്പെടാം.

കൃത്യസമയം പാലിക്കുക

കമ്പനികള്‍ നികുതി പരസ്യം ചെയ്യാനാവശ്യപ്പെടുമ്പോള്‍ത്തന്നെ അതു ചെയ്യുക അല്ലെങ്കില്‍ ടിഡിഎസ് ശമ്പളത്തി്ല്‍ നിന്നും ഈടാക്കും.