മണ്‍സൂണ്‍ ഓഫറുകളുമായി വിമാനക്കമ്പനികള്‍

ഓഫ് സീസണ്‍ മറികടക്കാന്‍ വന്‍ ഓഫറുകളുമായി വിമാന കമ്പനികള്‍ രംഗത്ത്. ഇന്‍ഡിഗോ,സ്‌പൈസ്‌ജെറ്റ്, എയര്‍ ഏഷ്യ തുടങ്ങിയ മുന്‍നിര കമ്പനികളെല്ലാം വലിയ വാഗ്ദാനങ്ങളാണ് മുന്നോട്ട് വെച്ചിരിക്കുന്നത്. 

നിരക്ക് കുറച്ചും പ്രത്യേക സൗജന്യങ്ങള്‍ നല്‍കിയും ഓഫ് സീസണ്‍ വില്‍പ്പന ഉയര്‍ത്താനുള്ള ശ്രമത്തിലാണ് എല്ലാ കമ്പനികളും. പ്രമുഖ കമ്പനികളുടെ ഓഫറുകളിതാ

ഇന്‍ഡിഗോ

നികുതിയും മറ്റ് ചിലവുകളുമുള്‍പ്പെടെ 829 രൂപയാണ്  ഇന്‍ഡിഗോ അവതരിപ്പിക്കുന്ന ടിക്കറ്റ് വില. ജൂലൈ 1 മുതല്‍ സെപ്റ്റംബര്‍ 30 വരെ ഇംഫാല്‍-ഗുവഹാട്ടി റൂട്ടില്‍ യാത്ര ചെയ്യുന്നവര്‍ക്കാണ് ഈ സേവനം. ഡല്‍ഹി-മുംബൈ റൂട്ടില്‍ 2,486 രൂപ, ഡല്‍ഹി-ചെന്നൈ-3,338 രൂപ എന്നിങ്ങനെയാണ് മറ്റ് ഓഫറുകള്‍.

സ്‌പൈസ്‌ജെറ്റ്

സ്‌പൈസ്‌ജെറ്റിന്റെ ഗെറ്റ് മോര്‍ സ്‌കീമിലൂടെ ആഭ്യന്തര റൂട്ടുകളില്‍ ബിസിനസ് ഇക്കണോമി ക്ലാസുകളില്‍ 20 ശതമാനം ഡിസ്‌കൗണ്ട് നിശ്ചിത കാലത്തേക്ക് നല്‍കുന്നുണ്ട്. ജൂണ്‍ 6 വരെ ബുക്ക് ചെയ്ത ജൂലൈ 25നും സെപ്റ്റംബര്‍ 30നും ഇടക്ക് യാത്ര ചെയ്യുന്നവര്‍ക്ക് ഈ ഓഫര്‍ ലഭിക്കും.

എയര്‍ ഇന്ത്യ സൂപ്പര്‍ സെയില്‍

ജൂലൈ മുതല്‍ സെപ്റ്റംബര്‍ 30 വരെയുള്ള യാത്രകള്‍ക്ക് 1,499 രൂപ മുതലാണ് എയര്‍ ഇന്ത്യ ഓഫറുകള്‍ നല്‍കുന്നത്. ഇതിന്റെ ബുക്കിംഗ് മെയ് 25ന് അവസാനിച്ചുകഴിഞ്ഞു.

എയര്‍ ഏഷ്യ

ആഗസ്റ്റ് 1 മുതല്‍ നവംബര്‍ 30 വരെയുള്ള കാലയളവിലെ മടക്കയാത്രകള്‍ക്കാണ് എയര്‍ ഇന്ത്യ 50% നിരക്കിളവ് നല്‍കുന്നത്. പ്രത്യേക നിരക്കിളവില്‍ കമ്പനി വെബ്‌സൈറ്റിലൂടെ ടിക്കറ്റ് ബുക്ക് ചെയ്യുകയും ചെയ്യാം.