'ബൈ വണ്‍ ഗെറ്റ് വണ്‍ ഫ്രീ'യ്ക്ക് ബൈ പറയണോ ?

ചരക്ക് സേവന നികുതി അല്ലെങ്കില്‍ ജിഎസ്ടി നടപ്പിലായാല്‍ ഒന്നു വാങ്ങിച്ചാല്‍ ഒന്നു സൗജന്യം എന്ന ഓഫറുകള്‍ക്കെല്ലാം വിരാമമായേക്കാം. ചരക്ക് സേവന നികുതി നിലവില്‍ വന്നാല്‍ ഉപഭോക്താവിന് സൗജന്യമായി ലഭിക്കുന്ന ഉല്‍പ്പന്നത്തിനും നികുതി നല്‍കേണ്ടി വരും.

എല്ലാ നികുതികളേയും ഒരു കുടക്കീഴിലാക്കുന്നതിനാണ് സൗജന്യസാധനങ്ങളെയും ചരക്ക് സേവന നികുതിയില്‍ ഉള്‍പ്പെടുത്താനുള്ള ശ്രമം നടത്തുന്നത്.

ജിഎസ്ടിയെക്കുറിച്ച് അറിയാന്‍ ചില കാര്യങ്ങളിതാ

സൗജന്യനികുതി

ചരക്കുസേവന നികുതി നിയമത്തിന്റെ മൂന്നാം ഭാഗത്തിലാണ് സൗജന്യ സാധനങ്ങള്‍ക്കുള്ള നികുതിയുടെ കാര്യം ഉള്‍പ്പെടുത്തിയിട്ടുള്ളത്.

ബൈ വണ്‍ ഗെറ്റ് വണ്‍

സുപ്പര്‍മാര്‍ക്കറ്റുകളിലും മാളുകളിലുമൊക്കെ ഉപഭോക്താവിനെ ഏറെ ആകര്‍ഷിച്ചിരുന്ന ബൈ വണ്‍ ഗെറ്റ് വണ്‍ വില്പന ഇല്ലാതായേക്കും.

ഓണ്‍ലൈനിലും പാടില്ല

ഇ-കൊമേഴ്‌സ് സ്ഥാപനങ്ങള്‍ വഴിയുള്ള സൗജന്യവില്‍പനയെയും ഇത് ബാധിക്കും.

വ്യാപാരികള്‍ക്ക് ബാധ്യത

സൗജന്യമായി നല്‍കുന്ന ഏതെങ്കിലും സാധനത്തില്‍ മേല്‍ നേരിട്ടോ, അല്ലാതെയോ നികുതി ചുമത്തുന്നത് വ്യാപാരികളെ വലിയ തോതില്‍ ബാധിക്കും.