ഏറ്റവും കൂടുതൽ ശമ്പളം വാങ്ങുന്ന ലോക നേതാക്കന്മാ‍ർ!! ശമ്പളം കേട്ടാൽ ഞെട്ടും!!

ചില ലോക നേതാക്കൾ ഒരോ വർഷവുമുണ്ടാക്കുന്ന കാശ് എത്രയാണെന്ന് അറിയണ്ടേ? ലോക പ്രശസ്തരായ ഈ നേതാക്കളുടെ വാ‍ർഷിക ശമ്പളം എത്രയാണെന്ന് പരിശോധിക്കാം.

വ്ളാഡിമർ പുടിൻ

റഷ്യൻ പ്രസിഡന്റ് വ്ളാഡിമർ പുടിൻ തന്നെ തന്റെ വാർഷിക ശമ്പളം വെളിപ്പെടുത്തിയിരുന്നു. 302,000 ഡോളറാണ് ഓരോ വർഷവും പുടിന് ശമ്പളമായി ലഭിക്കുന്നത്.

തെരേസ മെയ്

ബ്രിട്ടീഷ് പ്രധാനമന്ത്രി തെരേസ മെയുടെ ശമ്പളം സംബന്ധിച്ച ചില ച‍ർച്ചകൾ കഴിഞ്ഞ വർഷം പുറത്തു വന്നിരുന്നു. ചില റിപ്പോർട്ടുകൾ പ്രകാരം, തെരേസ മെയുടെ വാർഷിക ശമ്പളം 202,769 ഡോളറാണ്. വർഷം 397,000 ഡോളർ ചെലവു വരുന്ന ഔദ്യോഗിക വസതിയിലാണ് തെരേസ മെയുടെ താമസം.

ഡൊണാൾഡ് ട്രംപ്

അമേരിക്കൻ പ്രസി‍ഡന്റ് സ്ഥാനം ഏറ്റെടുക്കുന്നതിനു മുമ്പ് തന്നെ തന്റെ ശമ്പളം വിവിധ ഫെഡറൽ ഏജൻസികൾക്ക് നൽകാമെന്ന് ട്രംപ് വാഗ്ദാനം നൽകിയിരുന്നു. പ്രസിഡന്റായാൽ താൻ ശമ്പളം വാങ്ങില്ലെന്നായിരുന്നു തിരഞ്ഞെടുപ്പുകാലത്തെ ട്രംപിന്റെ വാഗ്ദാനം. എന്നാൽ യുഎസ് നിയമം അനുസരിച്ചു പ്രസിഡന്റ് ശമ്പളം വാങ്ങിയേ പറ്റൂ. 569,000 ഡോളറാണ് ട്രംപിന്റെ വാ‍‍ർഷിക ശമ്പളം. ശമ്പളത്തിൽ നിന്ന് ട്രംപ് സംഭാവനകളും നടത്തുന്നുണ്ട്.

ലീ സൈൻ ലൂങ്

സിങ്കപ്പൂർ പ്രധാനമന്ത്രിയായ ലീ സൈൻ ലൂങിന്റെ വാർഷിക ശമ്പളം 2.2 മില്യൺ ഡോളർ ആണ്. റിപ്പോർട്ടുകൾ പ്രകാരം അദ്ദേഹത്തിന്റെ മാസ ശമ്പളം 147,000 ഡോളറാണ്. സിംഗപ്പൂരിലെ ഓരോ പൗരനും ലഭിക്കുന്ന മിനിമം ശമ്പളം പ്രതിമാസം 1,000 ഡോളറാണ്.

അലൈൻ ബെ‍‍ർസെറ്റ്

സ്വിസ് കോൺഫെഡറേഷന്റെ നിലവിലെ പ്രസിഡന്റായ ബെർസറ്റിന്റെ വാ‍ർഷിക ശമ്പളം 480,000 ഡോളറാണ്. സ്വിസ് കോൺഫെഡറേഷൻ പ്രസിഡന്റിന്റെ കാലാവധി ഒരു വർഷത്തേക്കാണ്. 2017ൽ ശമ്പളം 452,565 ഡോളറായിരുന്നു.

ജസ്റ്റിൻ ട്രൂഡൗ

കാനഡയുടെ പ്രധാനമന്ത്രിയ്ക്ക് ഒന്നല്ല, രണ്ടു ശമ്പളമാണ് ലഭിക്കുക. ‌പ്രധാനമന്ത്രിയുടെ ശമ്പളത്തിന് പുറമേ പാർലമെന്റംഗം എന്ന നിലയിലും ശമ്പളം ലഭിക്കും. ഇത് രണ്ടും കൂടി ചേ‍ർന്ന് രണ്ട് വർഷം മുമ്പ് 170,400 ഡോളറായിരുന്നു ശമ്പളം. എന്നാൽ 2017 ഏപ്രിലിൽ ഇത് 172,700 ഡോളറായി ഉയർത്തി. ഇതനുസരിച്ച് നിലവിലെ പ്രധാനമന്ത്രിയായ ജസ്റ്റിൻ ട്രൂഡൗക്ക് ലഭിക്കുന്ന വാ‍ർഷിക ശമ്പളം 345,400 ഡോളറാണ്. ഇത് കൂടാതെ രണ്ട് ഔദ്യോഗിക വസതികൾ, ഒരു ആഡംബര കാ‍ർ, മറ്റ് ആനുകൂല്യങ്ങൾ എന്നിവയും ലഭിക്കും.

malayalam.goodreturns.in