ഫ്ലിപ്കാ‍ർട്ടിലെ ആദ്യ ജീവനക്കാരൻ അംബുർ ഇയ്യപ്പ!! ആദ്യ ശമ്പളം 8000 രൂപ, ഇന്ന് 6 ലക്ഷം

സ്വദേശം

തമിഴ്നാട്ടിലെ വെല്ലൂർ ജില്ലയിലുള്ള അംബുർ നഗരത്തിലാണ് ഇയ്യപ്പ വളർന്നത്. പ്രീ ഡി​ഗ്രി പഠനം പൂർത്തിയാക്കിയതിനു ശേഷം അദ്ദേഹം ഒരു ഡിപ്ലോമ കോഴ്സ് ചെയ്യുന്നതിനായി ഹൊസൂറിൽ എത്തി. പഠനത്തിന് ശേഷം ഒരു കൊറിയർ കമ്പനിയിൽ ലോക്കൽ ഡെലിവറി മാനേജരായി ജോലിയിൽ പ്രവേശിച്ചു. ബം​ഗളൂരുവിലായിരുന്നു ജോലി.

ആദ്യ ജോലി ഉപേക്ഷിച്ചു

നാലു വർഷം അതേ കമ്പനിയിൽ ജോലി ചെയ്ത ഇയ്യപ്പ പിന്നീട് മൂന്ന് മാസത്തെ ഒരു കോഴ്സ് ചെയ്യുന്നതിനായി ജോലി ഉപേക്ഷിച്ച്. പഠനം പൂ‍ർത്തിയാക്കി തിരിച്ചെത്തയപ്പോൾ കൊറിയർ കമ്പനി ജോലി നിരസിച്ചു.

ഫ്ലിപ്കാ‍ർട്ടിലെ തുടക്കം

ആദ്യ കമ്പനിയിൽ ജോലി ചെയ്തവരിൽ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് ഫ്ലിപ്കാ‍ർട്ടിനെക്കുറിച്ച് ആദ്യമായി അറിയുന്നത്. അങ്ങനെ ഫ്ളപ്കാർട്ട് ഓഫീസിലേക്ക് കയറി ചെന്ന ഇയ്യപ്പ യുവ സംരംഭകരായ സച്ചിൻ ബൻസാലിനെയും ബിന്നി ബൻസാലിനെയും കണ്ടു, സംസാരിച്ചു, ഫ്ലിപ്കാ‍ർട്ടിലെ ആദ്യ ജീവനക്കാരനായി മാറി.

ഓഫ‍ർ ലെറ്റ‍ർ

ഇയ്യപ്പന് ഫ്ലിപ്കാ‍‍ർട്ടിൽ നിന്ന് ഓഫ‍ർ ലെറ്റ‍ർ ലഭിച്ചത് ജോലിയിൽ പ്രവേശിച്ച് ഒരു വർഷത്തിന് ശേഷമാണ്. കാരണം അന്ന് ഓഫ‍ർ ലെറ്ററും മറ്റും നൽകാൻ കമ്പനിയിൽ ഹ്യൂമൻ റിസോഴ്സ് ഡിപ്പാ‍ർട്ട്മെന്റ് ഒന്നും ഉണ്ടായിരുന്നില്ല.

ആദ്യ ശമ്പളം

ഇയ്യപ്പയുടെ ആദ്യ ശമ്പളം വെറും 8,000 രൂപയിൽ താഴെയായിരുന്നു. എന്നാൽ, കമ്പനിയുടെ ഓഹരിയിൽ പങ്കാളിത്തം ലഭിച്ചിരുന്നു. അതുകൊണ്ട് തന്നെ കമ്പനിയുടെ ഓഹരി വില ഉയ‍ർന്നതിനൊപ്പം ഇയ്യപ്പയ്ക്ക് ലഭിച്ച ഓഹരികളും ഉയർന്നു.

ഇന്നത്തെ ശമ്പളം

ഇന്ന് ഫ്ലിപ്കാർട്ടിലെ അസോസിയേറ്റ് ഡയറക്ട‍ർമാരിലൊരാളാണ് ഇയ്യപ്പ. 6 ലക്ഷം രൂപയാണ് ഇന്ന് ഇദ്ദേഹത്തിന്റെ മാസ ശമ്പളം.

ലളിതം ജീവിതം

ഭാര്യ, അമ്മ, മുത്തശ്ശി എന്നിവ‍ർക്കൊപ്പം മുമ്പ് ജീവിച്ചിരുന്ന അതേ വീട്ടിൽ തന്നെയാണ് ഇയ്യപ്പ ഇന്നും താമസിക്കുന്നത്. ജോലി സ്ഥലത്തേയ്ക്ക് നടന്ന് പോയിരുന്ന ഇദ്ദേഹം ഇന്ന് ഒരു സുസുക്കി ആക്സസ് സ്കൂട്ടറിനാണ് പോകുന്നതെന്ന് മാത്രം. ഇതുവരെ സ്വന്തമായി ഒരു കാറു പോലും വാങ്ങിയിട്ടില്ല.