ബാങ്ക് എഫ്ഡിയേക്കാൾ കൂടുതൽ പലിശ ലഭിക്കുന്ന ആറ് സുരക്ഷിത നിക്ഷേപ മാർഗങ്ങൾ ഇതാ...

ബാങ്കുകൾ വാഗ്ദാനം ചെയ്യുന്ന കുറഞ്ഞ പലിശ നിരക്കുകൾ പല നിക്ഷേപകരെയും ബുദ്ധിമുട്ടിലാക്കുന്നുണ്ട്.  6 അല്ലെങ്കിൽ 7 ശതമാനമാണ് ബാങ്കുകൾ വാഗ്ദാനം ചെയ്യുന്ന ഏറ്റവും ഉയർന്ന പലിശ. എന്നാൽ ഇതാ ബാങ്ക് ഡെപ്പോസിറ്റുകൾക്ക് പകരമായി ഉയർന്ന പലിശ നിരക്ക് വാഗ്ദാനം ചെയ്യുന്ന ചില സുരക്ഷിത നിക്ഷേപ ഓപ്ഷനുകൾ താഴെ പറയുന്നവയാണ്.

ടിഎൻ പവർ ഫിനാൻസ്

തമിഴ്നാട് സർക്കാരിന്റെ ഉടമസ്ഥതയിലുള്ള ഒരു സംരംഭമാണ് ഇത്. കമ്പനിയുടെ എഫ്ഡി സ്കീമിനു കീഴിൽ 36 മാസം, 48 മാസം, 60 മാസം കാലാവധികളിൽ പണം നിക്ഷേപിച്ചാൽ 8.5 ശതമാനം വരെ പലിശ ലഭിക്കും. മുതിർന്ന പൗരന്മാർക്ക് ഇതേ കാലയളവിന് 9 ശതമാനമാണ് പലിശ ലഭിക്കുക. 5 വർഷത്തെ കാലാവധിക്കാണ് പണം നിക്ഷേപിക്കുന്നതെങ്കിൽ 10.55 ശതമാനം വരെ പലിശ ലഭിക്കും. പ്രതിമാസ, ത്രൈമാസ, വാർഷിക അടിസ്ഥാനത്തിൽ പലിശ ലഭിക്കുന്നതിനുള്ള ഓപ്ഷനുമുണ്ട്.

കെ.ടി.ഡി.എഫ്.സി

കെ.ടി.ഡി.എഫ്.സി കേരള സർക്കാരിന്റെ ഉടമസ്ഥതയിലുള്ള ഒരു സംരംഭമാണ്. ടി.എൻ പവറിനെ അപേക്ഷിച്ച് കുറഞ്ഞ പലിശ നിരക്കാണ് കെ.ടി.ഡി.എഫ്.സിയുടേത്. എന്നാൽ ഒന്ന്, രണ്ട്, മൂന്ന് വർഷത്തേക്കുള്ള നിക്ഷേപങ്ങൾക്ക് നിങ്ങൾക്ക് 8.25 ശതമാനം പലിശ ലഭിക്കും. 4 മുതൽ 5 വർഷം വരെയുള്ള നിക്ഷേപങ്ങൾക്ക് പലിശ നിരക്ക് 8 ശതമാനമാണ്.

എൻഎസ്‍സി

സ‍ർക്കാ‍‍ർ സംരംഭമായ നാഷണൽ സേവിം​ഗ്സ് സ‍ർട്ടിഫിക്കറ്റ് (എൻഎസ്‍സി) 7.6 ശതമാനം പലിശ നിരക്കാണ് വാഗ്ദാനം ചെയ്യുന്നത്. ഇതും ബാങ്കുകളെക്കാൾ മെച്ചപ്പെട്ട നിക്ഷേപ മാ‍ർ​ഗമാണ്. എന്നാൽ ഈ നിക്ഷേപത്തിന് നികുതി ബാധകമാണ്. ഇതിൽ നിക്ഷേപിക്കാൻ കഴിയുന്ന ഏറ്റവും കുറഞ്ഞ തുക 100 രൂപയാണ് പരമാവധി പരിധി ഇല്ല.

വിപിഎഫ്

വോളണ്ടറി പ്രൊവിഡന്റ് ഫണ്ട് അഥവാ വിപിഎഫിൽ പണം നിക്ഷേപിച്ചാൽ 8.65 ശതമാനം വരെ പലിശ ലഭിക്കും. സെക്ഷൻ 80C പ്രകാരം പലിശ പൂർണമായും നികുതിയിൽ നിന്ന് ഒഴിവാക്കപ്പെട്ടിട്ടുമുണ്ട്.

ആർബിഐ പുറത്തിറക്കിയിട്ടുള്ള ബോണ്ടുകൾ

ആർബിഐ പുറത്തിറക്കിയിട്ടുള്ള ബോണ്ടുകൾ നിലവിൽ 7.75 ശതമാനം വരെ പലിശ നൽകും. ഇത് ബാങ്ക് ഡെപ്പോസിറ്റേക്കാൾ മെച്ചപ്പെട്ടതും ബാങ്ക് നിക്ഷേപത്തെക്കാൾ കൂടുതൽ സുരക്ഷിതവുമാണ്. എന്നാൽ ഇവയ്ക്ക് ബാങ്ക് ഡെപ്പോസിറ്റുകളെ പോലെ തന്നെ നികുതി ബാധകമാണ്.

സീനിയ‍ർ സിറ്റിസൺസ് സേവിം​ഗ്സ് സ്കീം

ജോലിയിൽ നിന്ന് വിരമിച്ചവ‍ർക്ക് പറ്റിയ മികച്ച നിക്ഷേപ മാ‍​‍ർ​ഗമാണിത്. 8.3 ശതമാനമാണ് ലഭിക്കുന്ന പലിശ നിരക്ക്. എന്നാൽ പലിശ വരുമാനം നികുതി ബാധകമാണ്.

malayalam.goodreturns.in

Read in English: Worried About Low Interest Rates? Try These Investments