കൈയിലുള്ള കാശ് ഈ മൂന്ന് ഇടങ്ങളിൽ നിക്ഷേപിക്കൂ... ഉ​ഗ്രൻ പലിശ നിരക്ക്

കൈയിലുള്ള കാശ് ഏറ്റവും കൂടുതൽ പലിശ ലഭിക്കുന്ന ബാങ്കുകളിൽ നിക്ഷേപിക്കാനാണ് എല്ലാവരും ആ​ഗ്രഹിക്കുന്നത്. എന്നാൽ എവിടെ നിക്ഷേപിച്ചാൽ പലിശ കൂടുതൽ കിട്ടുമെന്ന കാര്യത്തിൽ പലർക്കും ധാരണയില്ല. എന്നാൽ ഇതാ ഏറ്റവും കൂടുതൽ പലിശ ലഭിക്കുന്ന മൂന്ന് സ്ഥിരനിക്ഷേപ പദ്ധതികൾ.

മഹീന്ദ്ര ഫിനാൻസ് എഫ്ഡി

ബാങ്കുകൾ 7 മുതൽ 7.5 ശതമാനം പലിശ നിരക്ക് വാ​ഗ്ദാനം ചെയ്യുമ്പോൾ മഹീന്ദ്ര ഫിനാൻസ് 8.75 ശതമാനം പലിശ നിരക്കാണ് നൽകുന്നത്. 33 മുതൽ 40 മാസം വരെ കാലാവധിയിലുള്ള നിക്ഷേപങ്ങൾക്കാണ് ഈ പലിശ നിരക്ക് ലഭിക്കുന്നത്. 40മാസത്തിൽ കൂടുതലുള്ള കാലാവധിക്ക് 9.71 ശതമാനം വരെ പലിശ ലഭിക്കും. ഓൺലൈനായി പണം നിക്ഷേപിക്കുന്നവർക്ക് മാത്രമാണ് ഈ പലിശ ലഭിക്കുന്നത്. നേരിട്ടുള്ള നിക്ഷേപങ്ങൾക്ക് 8.50 ശതമാനം പലിശ നിരക്ക് ലഭിക്കും. 27 മാസമാണ് ഈ നിക്ഷേപത്തിന്റെ കാലാവധി.

ബജാജ് ഫിനാൻസ്

ബജാജ് ഫിനാൻസ് 36 മുതൽ 60 മാസം വരെ കാലാവധിയുള്ള സ്ഥിരനിക്ഷേപങ്ങൾക്ക് 8.40 ശതമാനം പലിശയാണ് വാ​ഗ്ദാനം ചെയ്യുന്നത്. എന്നാൽ ഇതും രാജ്യത്തെ ബാങ്കുകൾ നൽകുന്ന പലിശ നിരക്കിനെക്കാൾ വളരെ മികച്ചതാണ്. എന്നാൽ വലിയ കാലാവധിയിൽ നിക്ഷേപിക്കരുത്. പകരം ഒന്നോ രണ്ടോ വർഷത്തെ കാലാവധി തിരഞ്ഞെടുക്കുന്നതാണ് നല്ലത്.

കെ.ടി.ഡി.എഫ്.സി

കെ.ടി.ഡി.എഫ്.സി കേരള സർക്കാരിന്റെ ഉടമസ്ഥതയിലുള്ള ഒരു സംരംഭമാണ്. ഒന്ന്, രണ്ട്, മൂന്ന് വർഷത്തേക്കുള്ള നിക്ഷേപങ്ങൾക്ക് നിങ്ങൾക്ക് 8.25 ശതമാനം പലിശ ലഭിക്കും. 4 മുതൽ 5 വർഷം വരെയുള്ള നിക്ഷേപങ്ങൾക്ക് പലിശ നിരക്ക് 8 ശതമാനമാണ്. കുറഞ്ഞ കാലാവധി തിരഞ്ഞെടുക്കുന്നതാണ് ഇവിടെയും ലാഭം.

malayalam.goodreturns.in

Read in English: 3 Solid FD Ideas With High Interest Rates