വിവിധ ബാങ്കുകളുടെ സീറോ ബാലൻസ് അക്കൗണ്ടുകൾ

ഒരു സീറോ ബാലൻസ് സേവിംഗ് അക്കൗണ്ട് അല്ലെങ്കിൽ (ബി എസ് ബി ഡി) അക്കൗണ്ടിന്റെ പ്രത്യേകതയെന്തെന്നാൽ , അക്കൗണ്ട് ഹോൾഡർ അല്ലെങ്കിൽ ബാങ്കിന്റെ കസ്റ്റമർ ഒരു മിനിമം ബാലൻസ് അയാളുടെ അക്കൗണ്ടിൽ സൂക്ഷിക്കേണ്ടതില്ല.

അതിനോടൊപ്പം തന്നെ ഡെബിറ്റ് / എ.ടി.എം. കാർഡ്, നെറ്റ് ബാങ്കിങ്ങ് സൗകര്യങ്ങളും ലഭിക്കുന്നതാണ്. അത്തരം ഒരു അക്കൗണ്ട് തുറക്കാൻ നിങ്ങൾ തയ്യാറെടുക്കയാണെങ്കിൽ, വിവിധ ബാങ്കുകളുടെ സീറോ ബാലൻസ് അക്കൗണ്ടുകളുടെ പ്രത്യേകതകൾ എന്തൊക്കെയാണെന്ന് നോക്കൂ .

സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ)

ഒരു സീറോ ബാലൻസ് സേവിംഗ് അക്കൗണ്ട് എസ.ബി.ഐ. ബ്രാഞ്ചിൽ ഒരു വ്യക്തിക്ക് അല്ലെങ്കിൽ ജോയിന്റ് അക്കൗണ്ട് ആയി തുറക്കാവുന്നതാണ്.ബാങ്കിങ് സൗകര്യങ്ങളുടെ ഒരു ഭാഗമായി ഒരു അടിസ്ഥാന RuPay ഡെബിറ്റ്/എടിഎം കാർഡ് ലഭിക്കുന്നതാണ്.ഇത് കൂടാതെ ഇലക്ട്രോണിക് ഇന്റർനെറ്റ് ട്രാൻസ്ഫർ,സെൻട്രൽ/സ്റ്റേറ്റ് ഗവൺമെൻറ് പുറപ്പെടുവിച്ച ഡെപ്പോസിറ്റ് ചെക്കുകൾ,ഇൻപുറേറ്റീവ് അക്കൗണ്ടുകളുടെ പ്രവർത്തനം പുനരാരംഭിക്കൽ,തുടങ്ങിയ ബാങ്ക് സൗകര്യങ്ങൾ സൗജന്യമാണ്.

എച്ച്.ഡി.എഫ്.സി

എച്ച്.ഡി.എഫ്.സി ബാങ്കിന്റെ സീറോ ബാലൻസ് സേവിംഗ് അക്കൗണ്ട് ഡെബിറ്റ്/എ.ടി.എം കാർഡ്, പാസ്ബുക്ക് എന്നീ സൗകര്യങ്ങൾക്കൊപ്പമാണ് സൗജന്യമായി ലഭിക്കുക,കൂടാതെ ബാങ്കിന്റെ ബ്രാഞ്ചുകളിലും എടിഎമ്മിലും പണവും ചെക്ക് ഡെപ്പോസിറ്റിയും സൗജന്യമാണ്.എന്നിരുന്നാലും,എടിഎം/ ആർടിജിഎസ്/എൻ.ഇ.എഫ്.ടി /ക്ലിയറിങ്ങ് / ബ്രാഞ്ചിൽ നിന്നും പണം പിൻവലിക്കൽ/കൈമാറ്റം /ഇൻറർനെറ്റ് ഡെബിറ്റ് /സ്റ്റാൻഡിംഗ് നിർദ്ദേശങ്ങൾ/ഇഎംഐ വഴിയുള്ള പിൻവലിക്കൽ തുടങ്ങിയ ഇടപാടുകൾ നാലു തവണ വരെ മാത്രമാണ് സൗജന്യം.50 ലക്ഷം രൂപയ്ക്ക് താഴെയുള്ള അക്കൌണ്ട് ബാലൻസുകൾക്കു പ്രതിവർഷം 3.5 ശതമാനം പലിശ നൽകുന്നതാണ്. 50 ലക്ഷത്തിനു മുകളിലുള്ള ബാലൻസിന് 4 ശതമാനം പലിശ ലഭിക്കും.

ഐ സി ഐ സി ഐ

ഐ സി ഐ സി ഐ ബാങ്കിന്റെ സീറോ ബാലൻസ് സേവിംഗ് അക്കൗണ്ടിനൊപ്പം സൗജന്യ പാസ്ബുക്ക്, rupay കാർഡുകൾ, ഇന്റർനെറ്റ് ബാങ്കിങ് സൗകര്യങ്ങൾ തുടങ്ങിയവ ലഭിക്കുന്നതാണ്.കൂടാതെ ഒരു ചെക്ക് ബുക്കും സൗജന്യമായി ലഭുക്കും.ദിവസത്തിൽ കാർഡ് ഉപയോഗിച്ചുള്ള പിൻവലിക്കൽ അല്ലെങ്കിൽ ചെലവ് പരിധി 10,000 രൂപയാണ്.50 ലക്ഷം രൂപയ്ക്ക് താഴെയുള്ള അക്കൌണ്ട് ബാലൻസുകൾക്കു പ്രതിവർഷം 3.5 ശതമാനം പലിശ നൽകും.50 ലക്ഷത്തിനു മുകളിലുള്ള ബാലൻസ് തുകയ്ക്ക് 4 ശതമാനമാണ് പലിശ.

പഞ്ചാബ് നാഷണൽ ബാങ്ക്

പഞ്ചാബ് നാഷണൽ ബാങ്കിന്റെ സീറോ ബാലൻസ് സേവിംഗ് അക്കൗണ്ടിനൊപ്പം , പ്രതിവർഷം 20 പേജുകൾ അടങ്ങിയ ചെക്ക് ബുക്ക് ലഭിക്കുന്നു,അതിനു ശേഷം നിങ്ങള്ക്ക് ചെക്ക് ബുക്ക് ആവശ്യമായി വരുകയാണെങ്കിൽ, അതിനു പ്രത്യേക ചാർജ് ബാങ്ക് ഈടാക്കുന്നതാണ്. അക്കൗണ്ടിനൊപ്പം ഡെബിറ്റ് / എ ടി എം കാർഡ് സംവിധാനവും സൌജന്യമായി നൽകും,പക്ഷെ നാല് ഇടപാടുകൾക്കു ശേഷമുള്ള ഇടപാടുകൾക്ക്‌ ബാങ്ക് ചാർജ് ഈടക്കുന്നതാണ്.

കൂടാതെ കാർഡ് ഉപയോഗിക്കുന്നതിനുള്ള വാർഷിക നിരക്കുകളും ബാധകമാണ് . നിർജീവമായ അക്കൗണ്ടുകൾ വീണ്ടും സജീവമാക്കുന്നതിന് ചാർജുകൾ ബാധകമാവില്ല.50 ലക്ഷം രൂപയ്ക്ക് താഴെയുള്ള അക്കൌണ്ട് ബാലൻസുകൾക്കു പ്രതിവർഷം 3.5 ശതമാനം പലിശ നൽകും. 50 ലക്ഷത്തിനു മുകളിലുള്ള ബാലൻസിന് 4 ശതമാനം പലിശ ലഭിക്കും.