എൽ.ഐ.സി യുടെ മണി ബാക്ക് പോളിസികൾ

മണി ബാക്ക് പ്ലാൻ

എൽ.ഐ.സി. ന്യു മണി ബാക്ക് പ്ലാൻ - (20 വർഷം):ഈ ഇൻഷുറൻസ് പ്ലാൻ നിർദ്ദിഷ്ട കാലയളവുകളിൽ മരണകാലത്തേക്കുള്ള ആനുകൂല്യങ്ങളോടൊപ്പം സംരക്ഷണം നൽകുന്ന ഒരു പങ്കാളിത്ത നോൺ-ലിങ്ക്ഡ് പ്ലാനാണ്. വായ്പ്പ സൗകര്യം വഴി എപ്പോൾ വേണമെങ്കിലും പണം ലഭിക്കുന്നതുമാണ്.ഈ പ്ലാനിന്റെ കാലാവധി 20 വർഷത്തേക്കാണ്.ഈ പോളിസികൾക്ക് കമ്പനിയുടെ ലാഭത്തിന്റെ പങ്കു ലഭിക്കുകയും പോളിസി കാലാവധി പൂർത്തിയായാൽ,കമ്പനിയുടെ നയങ്ങൾ പ്രകാരം പ്രഖ്യാപിച്ചിട്ടുള്ള ലളിതമായ റിവേർഷണറി ബോണസുകൾ സ്വീകരിക്കാൻ കഴിയുന്നതുമാണ് .

എൽ.ഐ.സി. ന്യു മണി ബാക്ക് പ്ലാൻ - (25 വർഷം):കാലാവധി പൂർത്തിയാകുന്നതിനു മുമ്പുള്ള സാമ്പത്തിക പരിരക്ഷയും കാലാവധി പൂർത്തിയാകുമ്പോൾ തുകയും ലഭിക്കുന്ന നോൺ ലിങ്ക്ഡ് മണി ബാക്ക് പ്ലാനാണ് ഇത്. പോളിസിക്ക് കമ്പനിയുടെ ലാഭത്തിന്റെ പങ്കു ലഭിക്കുകയും പോളിസി കാലാവധി പൂർത്തിയായാൽ ,കമ്പനിയുടെ നയങ്ങൾ പ്രകാരം പ്രഖ്യാപിച്ചിട്ടുള്ള ബോണസുകൾ സ്വീകരിക്കാൻ കഴിയുന്നതുമാണ്. പോളിസി 25 വർഷത്തെ കാലാവധിക്കുള്ളിൽ വരുന്നതും ഓപ്‌ഷണൽ ആക്സിഡന്റൽ ഡെത്ത് ബെനിഫിറ്റ് ലഭിക്കുന്നതുമാണ് . ആദായ നികുതി ചട്ടം, 1961 ലെ സെക്ഷൻ 80D അനുസരിച്ച് പോളിസി ടാക്സ് ആനുകൂല്യങ്ങൾ ഇത് വഴി ലഭിക്കും .

എൽ.ഐ.സി.യുടെ ന്യൂ ഭീമ ബച്ചത്

എൽ.ഐ.സി യുടെ ന്യൂ ഭീമ ബച്ചത് പങ്കാളിത്ത ഇൻഷുറൻസ് പോളിസിയാണ്. ഇത് വൈവിധ്യമാർന്ന നേട്ടങ്ങളോടെ സാമ്പത്തിക സംരക്ഷണം നൽകുന്നു.പോളിസി അഞ്ച് വർഷം പൂർത്തിയായാൽ മരണ ലോയൽറ്റി അഡിഷൻ വാഗ്ദാനം ചെയ്യുന്നു.

എൽ.ഐ.സി. ന്യൂ ചിൽഡ്രൻസ് മണി ബാക്ക് പ്ലാൻ

12 വയസ്സുവരെയുള്ള കുട്ടികൾക്കുള്ളതാണ് ഈ പ്ലാൻ. 25 വർഷമാണ് പോളിസിയുടെ കാലാവധി. കൂടാതെ പോളിസിയിൽ നിന്ന് വായ്പയും ലഭിക്കുന്നതാണ്. ഒരു ലക്ഷം രൂപയാണ് ഏറ്റവും കുറഞ്ഞ പോളിസി തുക.

എൽ.ഐ.സി. ജീവൻ ആനന്ദ് പ്ലാൻ

ഒരു ലക്ഷം രൂപയാണ് എൽ.ഐ.സി. ജീവൻ ആനന്ദ് പ്ലാനിന്റെയും കുറഞ്ഞ തുക. 18 മുതൽ 65 വയസ്സു വരെയുള്ളവർക്ക് അം​ഗങ്ങളാകാം. 5 മുതൽ 57 വർഷം വരെയാണ് പോളിസി കാലാവധി. വാർഷികം, അർദ്ധവാർഷികം, പ്രതിമാസം, എസ്എസ്എസ് മോഡ് എന്നിങ്ങനെ തുക അടയ്ക്കാവുന്നതാണ്. മൂന്ന് വർഷത്തിന് ശേഷം ലോണും ലഭിക്കുന്നതാണ്.

എൽഐസി ജീവൻ സരൾ

12 മുതൽ 60 വയസ്സു വരെയുള്ളവർക്ക് പോളിസിയിൽ അം​ഗങ്ങളാകാം. 10 മുതൽ 35 വർഷം വരെയാണ് പോളിസി കാലാവധി. ലോൺ സൗകര്യവും ലഭ്യമാണ്.