നിക്ഷേപ മേഖലയിലെ ഇത്തരം അന്ധവിശ്വാസങ്ങള്‍ നിങ്ങള്‍ ഒരിക്കലും കണക്കിലെടുക്കരുത്

1 സമ്പന്നര്‍ക്ക് മാത്രമേ നിക്ഷേപിക്കാന്‍ സാധിക്കൂ. എന്നാല്‍ മാസം 500 രൂപ മുതലുള്ള നിക്ഷേപങ്ങള്‍ നമ്മുടെ വിപണിയില്‍ ലഭ്യമാണ്.

2 ഓഹരി വിപണി സുരക്ഷിതമല്ല. എന്നാല്‍ ഓഹരി നിക്ഷേപത്തെ കുറിച്ചും വിപണിയെ കുറിച്ചും നല്ല പഠനം നടത്തുകയാണെങ്കില്‍ നിങ്ങളുടെ ഓഹരികള്‍ക്ക് കമ്പോളത്തില്‍ നിന്നും മികച്ച പ്രതിഫലം ലഭിക്കും

3 മാര്‍ക്കറ്റ് സമയം വളരെ പ്രധാനമാണ്. എന്നാല്‍ ഓഹരികള്‍ക്ക് മാര്‍ക്കറ്റില്‍ സമയം കൊടുക്കുക, ലോംഗ് ടേമില്‍ വിപണി ഉയരുമ്പോള്‍ നമ്മുടെ വരുമാനവും വര്‍ധിക്കും

4 നിങ്ങള്‍ക്ക് പ്രായമായി നിക്ഷേപം നടത്തുമ്പോള്‍ വളരെ ശ്രദ്ധിക്കണം. പക്ഷേ സത്യമെന്തെന്നാല്‍ വിപണിയില്‍ നിക്ഷേപം നടത്തുമ്പോള്‍ പ്രായം ഒരിക്കലും മാനദണ്ഡമല്ല, ലക്ഷ്യം നേടാന്‍ വേണ്ടി നിങ്ങള്‍ എടുക്കുന്ന റിസ്‌ക്കാണ് പ്രധാനം

5 മാര്‍ക്കറ്റില്‍ നിക്ഷേപത്തിനൊരുങ്ങുന്ന സമയം പ്രധാനപ്പെട്ടതാണ്. എന്നാല്‍ എല്ലാവര്‍ക്കും വ്യത്യസ്തമായ സാമ്പത്തിക ലക്ഷ്യങ്ങളുണ്ടാകും. നിങ്ങളുടേതെന്താണെന്ന് തിരിച്ചറിഞ്ഞ് അതനുസരിച്ച് നിക്ഷേപം നടത്തുക.

6 സാമ്പത്തിക ഉപദേഷ്ടാക്കളുടെ ആവശ്യമില്ല. എന്നാല്‍ ഓഹരി വിപണിയില്‍ ഒരുപാട് സമയം മാറ്റിവെക്കാന്‍ കഴിയില്ലെങ്കില്‍ നിങ്ങളുടെ സാമ്പത്തിക ലക്ഷ്യങ്ങള്‍ കൈവരിക്കാന്‍ നല്ലൊരു ഉപദേഷ്ടാവിന് സഹായിക്കാന്‍ കഴിയും.