സമ്പാദ്യമെന്ന് പറയുന്നത് പലര്ക്കും ഇന്ന് ബുദ്ധിമുട്ടുള്ള കാര്യമാണെന്നതില് സംശയമില്ല. ഉയര്ന്ന ജീവിത ചെലവുകള്ക്ക് പുറമേ മറ്റുള്ള ആവശ്യങ്ങളും കുറഞ്ഞ വരുമാനവുമാണ് ഇന്ന് പലര്ക്കും. ബഹുഭൂരിപക്ഷം ആളുകളും ഒരു രൂപ പോലും സമ്പാദിക്കാനാകാതെ ബുദ്ധിമുട്ടുകയാണ് ഇപ്പോള്. ജീവിതത്തിലെ പ്രധാന സാമ്പത്തിക ലക്ഷ്യങ്ങള് കൈവരിക്കാന് പോലും പലര്ക്കും സാധിക്കുന്നില്ല. എന്നാല് ഇത്തരം പ്രതിസന്ധികള് മറികടക്കാന് ചെറിയതും നിങ്ങള്ക്ക് കൈകാര്യം ചെയ്യാനാകുന്നതുമായ മാര്ഗങ്ങളുണ്ട്. സ്റ്റാര്വ് ആന്ഡ് സ്റ്റാക്ക് എന്നാണ് ഇത് സാധാരണയായി അറിയപ്പെടുന്നത്. അതായത് ചെലവു ചുരുക്കി സമ്പാദ്യമുണ്ടാക്കുക.
ഒരു പ്രത്യേക സാമ്പത്തിക ലക്ഷ്യം കൈവരിക്കുന്നത് വരെ നിങ്ങളുടെ ചെലവ് കുറച്ച് വരുമാനത്തില് വലിയൊരു തുക മാറ്റി വെക്കുകയാണ് ഇതുവഴി ചെയ്യുന്നത്. അതായത് വരുമാനത്തിന്റെ പകുതിയോളം തുക സേവിംഗ്സിലേക്ക് മാറ്റി വെക്കുക. ഇതിനായി ദമ്പതികളില് രണ്ടുപേര്ക്കും വരുമാന മാര്ഗമുണ്ടായിരിക്കണം. അതില് ഒരാളുടെ മുഴുവന് വരുമാനവും ആദ്യ 18 മുതല് 24 മാസം വരെ ദൈനംന്തിന ചെലവുകള്ക്കും മറ്റെയാളുടേത് പൂര്ണമായും സമ്പാദ്യത്തിനായും നീക്കി വെക്കണം.
കെനിയയിലെ ആളുകള് സാധാരണയായി പിങ്കി ബാങ്കിലോ പലിശ രഹിത ബാങ്കുകളിലോ നിക്ഷേപിക്കില്ല. പകരം അവരുടെ സാമ്പത്തിക ലക്ഷ്യം നേടാന് ആഗ്രഹിക്കുന്ന സമയം വരെ മെച്ചപ്പെട്ട പലിശ ലഭിക്കുന്ന ബാങ്കുകളില് പണം നിക്ഷേപിക്കുന്നു. ഒരു മ്യൂച്വല് ഫണ്ടില് നിക്ഷേപിക്കാന് കഴിയുമെങ്കില് അത്രയും നല്ലത്. നിങ്ങളുടെ കുറഞ്ഞ വരുമാനത്തില് ഇത് സാധ്യമാകുമോയെന്ന സംശയമുണ്ടാകാം. പക്ഷേ ഇത് സാമ്പത്തിക ചെലവ് ചുരുക്കല് പദ്ധതി മാത്രമാണ്. അതായത് നിലവിലെ നിങ്ങളുടെ ചെലവഴിക്കല് കുറയ്ക്കാന് മാത്രമേ ആവശ്യപ്പെടുന്നുള്ളു.
കുട്ടികള്ക്കായി സേവിംഗ്സ് അക്കൗണ്ട് തുറക്കാന് പ്ലാന് ഉണ്ടോ? ഇതാ മികച്ച 5 ബാങ്ക് അക്കൗണ്ടു
മിക്ക ആളുകള്ക്കും ഈ രീതിയിലൂടെ മുന്നോട്ടുപോകാന് കഴിയില്ല, കാരണം അവര്ക്ക് വരുമാനത്തേക്കാള് ഉയര്ന്ന ജീവിത ചെലവാണുള്ളത്. ഇവര്ക്ക് സേവിംഗ്സ് അക്കൗണ്ടുകളോ മ്യൂച്വല് ഫണ്ടുകളില് നിക്ഷേപമോ ഇല്ല, പകരം മാസം തോറും ശമ്പളത്തിന്റെ 25 ശതമാനത്തിലധികം വായ്പകളെടുത്തോ കടം വാങ്ങിയോ ആണ് ജീവിക്കുന്നത്.