പ്രവാസികൾക്ക് വേണ്ടി മാത്രം!! തീർച്ചയായും അറിയണം ഈ ബാങ്ക് സേവനങ്ങളെക്കുറിച്ച്

ഇന്ത്യയിലെ സ്വകാര്യ ബാങ്കിം​ഗ് രം​ഗത്തെ ഭീമനായ എച്ച്ഡിഎഫ്സി ബാങ്ക്, നോൺ റസിഡന്റ് ഇൻഡ്യൻസിന് (എൻആർഐ) നൽകുന്ന എൻആർഒ ഫിക്സഡ് ഡിപ്പോസിന്റെ പ്രത്യേകതകളും നേട്ടങ്ങളും ഇതാ..

അക്കൗണ്ട് തുറക്കാവുന്നത് ആർക്കൊക്കെ?

ഇന്ത്യൻ പൗരത്വമോ ഇന്ത്യൻ വംശജരോ ആയ എല്ലാ എൻആർഐകൾക്കും എച്ച്ഡിഎഫ്സി ബാങ്കിൽ എൻ.ആർ.ഒ ഫിക്സഡ് ഡിപ്പോസിറ്റ് അക്കൗണ്ട് തുറക്കാവുന്നതാണ്.

പലിശ

എൻ.ആർ.ഒ ഫിക്സഡ് ഡിപ്പോസിറ്റ് ഇന്ത്യൻ രൂപയിലാണ് നിലനിർത്തുന്നത്. നിക്ഷേപത്തിന്റെ പലിശ ഓരോ ത്രൈമാലത്തിലും എൻആർഒ സേവിംഗ്സ് അക്കൗണ്ടിൽ ക്രെഡിറ്റ് ആകും.

നാട്ടിൽ സ്ഥിരതാമസമാക്കിയാൽ

എൻആർഒ എഫ്ഡി ഉള്ള പ്രവാസികൾ നാട്ടിൽ സ്ഥിരതാമസമാക്കിയാലുടൻ ബാങ്കുമായി ബന്ധപ്പെടണം. റെസിഡന്റ്, നോൺ റെസിഡന്റിലേയ്ക്ക് മാറുകയാണെങ്കിൽ നിങ്ങളുടെ നിലവിലുള്ള റെസിഡന്റ് ഫിക്സഡ് ഡിപ്പോസിറ്റ് എൻആർഒ ഫിക്സഡ് ഡിപ്പോസിറ്റായി മാറും.

നിക്ഷേപിക്കേണ്ട മിനിമം തുക

ഒരു വ്യക്തി എൻആർഒ സ്ഥിര നിക്ഷേപം നടത്താൻ മിനിമം 25,000 രൂപയെങ്കിലും നിക്ഷേപിക്കണം. നിലവിലുള്ള നിക്ഷേപത്തിലേയ്ക്ക് ആഡ് ഓൺ ചെയ്യണമെങ്കിൽ 10000 രൂപ നിക്ഷേപിക്കണം.

ഓവർഡ്രാഫ്റ്റ് സേവനം

എച്ച്ഡിഎഫ്സി ബാങ്കിന്റെ എൻആർഒ ഫിക്സഡ് ഡിപ്പോസിറ്റ് ഉപയോഗിച്ച് വ്യക്തികൾക്കോ ​​അല്ലെങ്കിൽ മറ്റുള്ളവർക്കോ വേണ്ടി 90 ശതമാനം വരെ ഓവർ ഡ്രാഫ്റ്റായി ഉപയോഗിക്കാവുന്നതാണ്. ശ്രദ്ധിക്കേണ്ട മറ്റൊരു കാര്യം, സീനിയർ സിറ്റിസൺസിന് വേണ്ടിയുള്ള റേറ്റുകൾ എൻആർഐകൾക്ക് ബാധകമല്ല.

പലിശ നിരക്കും കാലാവധിയും

എൻആർഒ ഫിക്സഡ് ഡിപ്പോസിറ്റുകളുടെ കാലാവധി 7 ദിവസം മുതൽ 10 വർഷം വരെയാണ്. നിക്ഷേപത്തിന് 3.5 ശതമാനം മുതൽ 7.4 ശതമാനം വരെ പലിശ ലഭിക്കും.

malayalam.goodreturns.in