കാശുണ്ടാക്കാൻ ഓഫീസിൽ ഇരുന്ന് ജോലി ചെയ്യേണ്ട; ഏറ്റവും കൂടുതൽ ശമ്പളം ലഭിക്കുന്ന ഔട്ട്‍ഡോർ ജോലികൾ

ഓഫീസിനുള്ളിൽ ഇരുന്ന് ജോലി ചെയ്യുന്നത് പലർക്കും മടുപ്പുണ്ടാക്കുന്ന കാര്യമാണ്. എന്നാൽ ഓഫീസ് ജോലി ഇഷ്ട്ടമില്ലാത്തവർക്ക് പറ്റിയ ഏറ്റവും മികച്ച ജോലികൾ താഴെ പറയുന്നവയാണ്. ഈ ജോലി നേടുന്നതിന് വേണ്ടിയുള്ള പഠനം നിങ്ങൾ ഉടൻ ആരംഭിച്ചോളൂ.

എൻവയോൺമെന്റൽ എൻജിനീയറി​ഗ്

പരിസ്ഥിതി പ്രശ്നങ്ങൾ കണ്ടെത്തുകയും അവയ്ക്ക് പരിഹാരം കാണുന്നതുമാണ് എൻവയോൺമെന്റൽ എൻജിനീയേഴ്സിന്റെ പ്രധാന ജോലി. കാലാവസ്ഥാ വ്യതിയാനം, പരിസ്ഥിതി സുസ്ഥിരത എന്നിവ പോലുള്ള ആഗോള പ്രശ്നങ്ങളിലാണ് ഇവർ ശ്രദ്ധ കേന്ദ്രീകരിക്കേണ്ടത്.

അ​ഗ്രികൾച്ചറൽ എൻജിനീയറി​ഗ്

കാർഷിക പ്രശ്നങ്ങൾ കണ്ടെത്തുകയും അവയ്ക്ക് പരിഹാരം കാണുകയും ചെയ്യുന്നവരാണ് അ​ഗ്രികൾച്ചറൽ എൻജിനീയേഴ്സ്. ഓഫീസ് ജോലി ചെയ്യാൻ മടിയുള്ളവർക്ക് പറ്റിയ ഏറ്റവും മികച്ച ജോലിയാണിത്. കൃഷി, വനവത്കരണം, ഭക്ഷ്യ സംസ്കരണം തുടങ്ങിയവയാണ് ഇവരുടെ പ്രധാന പ്രവർത്തന മേഖലകൾ. അ​ഗ്രികൾച്ചറൽ എൻജിനീയറിംഗിലോ ബയോളജിക്കൽ എൻജിനീയറിംഗിലോ ബിരു​ദമുള്ളവർക്കാണ് ഈ ജോലി ലഭിക്കുന്നത്.

ജ്യോതിശാസ്ത്രജ്ഞർ

ഗ്രഹങ്ങൾ, നക്ഷത്രങ്ങൾ, ഗാലക്സികൾ എന്നിവയെക്കുറിച്ച് പഠനം നടത്തുന്നവരാണ് ജ്യോതിശാസ്ത്രജ്ഞർ. ഒപ്റ്റിക്കൽ ടെലസ്ക്കോപ്പുകൾ പോലെയുള്ള ഉപകരണങ്ങൾ ഉപയോഗിച്ചാണ് ഇവർ പഠനങ്ങൾ നടത്തുന്നത്.
പിഎച്ച്ഡിയാണ് ഈ ജോലി ലഭിക്കുന്നതിനുള്ള വിദ്യാഭ്യാസ യോ​ഗ്യത.

സർവ്വേയർ

വസ്തു വകകൾ കൃത്യമായി അളന്നു തിരിക്കുന്നവരാണ് സർവ്വേയർമാർ. ഓഫീസ് ജോലിയുടെ മടുപ്പ് തീരെ ഉണ്ടാകില്ല ഇവർക്ക്. കാരണം

വൈൽഡ് ലൈഫ് ബയോളജിസ്റ്റ്

മൃഗങ്ങളുടെയും മറ്റു ജീവജാലങ്ങളുടെയും അവയുടെ ആവാസ വ്യവസ്ഥയെക്കുറിച്ചുമൊക്കെ പഠിക്കുന്നവരാണ് വൈൽഡ് ലൈഫ് ബയോളജിസ്റ്റുകൾ. മൃഗങ്ങളുടെയും ജന്തുക്കളുടെയും ശാരീരിക സ്വഭാവ സവിശേഷതകൾ നിരീക്ഷിക്കുകയും മനുഷ്യർ വന്യ ജീവികളുടെ സ്വാഭാവിക ആവാസവ്യവസ്ഥയിൽ വരുത്തുന്ന ആഘാതങ്ങൾ കണ്ടെത്തുകയും ചെയ്യുന്നവരാണ് ഇവർ. ബയോളജിയിൽ ഡോക്ടറേറ്റാണ് ഈ ജോലിയ്ക്ക് വേണ്ട യോ​ഗ്യത.

ഹൈഡ്രോളജിസ്റ്റ്

ഭൂമിയുടെ അടിയിലും ഉപരിതലത്തിലുമുള്ള ജലസ്രോതസ്സുകളെക്കുറിച്ചും അവയ്ക്കുണ്ടാകുന്ന മാറ്റങ്ങളും മറ്റും പഠിക്കുന്നവരാണ് ഹൈഡ്രോളജിസ്റ്റുകൾ. ബിരുദാന്തര ബിരുദമാണ് ഈ ജോലി ലഭിക്കുന്നതിന് ആവശ്യമായ യോ​ഗ്യത.

malayalam.goodreturns.in