"നിങ്ങൾ ദരിദ്രനായി ജനിക്കുന്നത് ഒരിയ്ക്കലും നിങ്ങളുടെ തെറ്റല്ല, എന്നാൽ നിങ്ങൾ ദരിദ്രനായാണ് മരിക്കുന്നതെങ്കിൽ അത് നിങ്ങളുടെ തെറ്റാണ്". ലോകത്തിലെ രണ്ടാമത്തെ ധനികനായ ബിൽ ഗേറ്റ്സ് ഒരിയ്ക്കൽ പറഞ്ഞ വാക്കുകളാണിവ. അതായത് കോടികൾ സമ്പത്തുള്ള ഒരാളാണെങ്കിൽ പോലും അത് നിലനിർത്താനും വർദ്ധിപ്പിക്കാനും ഏറെ കഷ്ട്ടപ്പെടേണ്ടി വരും. അങ്ങനെ ചെയ്യുന്നവർ മാത്രമാണ് കോടീശ്വരന്മാരായി നിലനിൽക്കുകയുള്ളൂ. ഇതിനായി കോടീശ്വരന്മാർ ചെയ്യേണ്ടത് എന്തൊക്കെയെന്ന് നോക്കാം.
ബഡ്ജറ്റിന് അനുസരിച്ച് ചെലവാക്കുക
സമ്പന്നരായതിനാൽ കണക്കില്ലാതെ ചെലവാക്കുന്നവരല്ല പണം നിലനിർത്താൻ ആ ഗ്രഹിക്കുന്ന കോടീശ്വരന്മാർ. ബഡ്ജറ്റിന് അനുസരിച്ചാണ് പണം ചെലവാക്കുന്നതെങ്കിൽ സമ്പാദ്യത്തിൽ വലിയ കുറവ് വരില്ല. ആർഭടങ്ങളേക്കാൾ കൂടുതൽ നിക്ഷേപ മാർ ഗങ്ങളെപ്പറ്റി ചിന്തിക്കുന്നവർക്ക് ഉറപ്പായും നേട്ടമുണ്ടാകും.
റിസ്ക്ക് എടുക്കാൻ തയ്യാറാണോ?
പണം കൈയിലുള്ളവർ പൊതുവേ അത് നഷ്ട്ടപ്പെടാതിരിക്കാൻ റിസ്ക്കുകൾ എടുക്കാറില്ല. കുറഞ്ഞ റിസ്ക്കുള്ള നിക്ഷേപ മാർ ഗങ്ങൾ തിരഞ്ഞെടുക്കും. എന്നാൽ ബുദ്ധിമാന്മാരായ സമ്പന്നർ റിസ്ക് എടുക്കാൻ തയ്യാറാണ്. റിസ്ക്ക് കൂടും തോറും നേട്ടം കൂടും എന്നതാണ് ഇതിന് കാരണം.
ഒന്നിലധികം വരുമാന മാർഗങ്ങൾ
കാശുള്ളവർക്ക് പല വരുമാന മാർ ഗങ്ങൾ സൃഷ്ടിക്കാനാകും. ഇത് വഴി ഒന്നിലധികം വരുമാന സ്ത്രോതസ്സുകൾ ഉണ്ടാകുകയും ചെയ്യും. അതായത് ഒരു ബിസിനസിലൂടെ മികച്ച നേട്ടമുണ്ടാക്കുന്ന ഒരാൾക്ക് മറ്റൊരു ബിസിനസിനു കൂടി പണം മുടക്കാവുന്നതാണ്. ഇങ്ങനെ മികച്ച നേട്ടമുണ്ടാക്കുന്ന രണ്ട് സംരംഭങ്ങൾ ഉണ്ടെങ്കിൽ രണ്ടിൽ നിന്നും വരുമാനവും ലഭിക്കും.
നിക്ഷേപങ്ങൾ
കൂടുതൽ പണം സമ്പാദിക്കാൻ പലപ്പോഴും സഹായിക്കുന്നത് മികച്ച നിക്ഷേപ മാർഗങ്ങളാണ്. സമ്പന്നരായ ആളുകൾ ഓഹരി വിപണിയെക്കുറിച്ച് പഠിച്ച് നിക്ഷേപങ്ങൾ നടത്തുവരാണ്. ശ്രദ്ധാപൂർവ്വം നിക്ഷേപം നടത്തിയാൽ കാശ് ഇരട്ടിയാക്കാം.
വിരമിക്കൽ ഇല്ല
ധനികർക്ക് ഒരിയ്ക്കലും വിരമിക്കൽ കാലമില്ല. എന്നും സമ്പത്ത് നിലനിർത്താൻ ആ ഗ്രഹിക്കുന്നവർ വിരമിക്കുന്നതിനെപ്പറ്റി ചിന്തിക്കില്ല. പല സമ്പന്നരും ബിസിനസ് കൂടുതൽ പുരോഗമിപ്പിക്കുന്നത് കാണുന്നതിനും സമ്പത്ത് വർദ്ധിക്കുന്നതിനുമായി ജീവിതകാലം മുഴുവൻ പ്രയത്നിക്കുന്നവരാണ്.
malayalam.goodreturns.in