നിങ്ങൾ പണം നിക്ഷേപിച്ചിരിക്കുന്നത് എവിടെയാണ്? കാശ് ഇരട്ടിയാകാൻ എത്ര വർഷമെടുക്കുമെന്നറിയണ്ടേ?

നിക്ഷേപ തുക ഇരട്ടിയാക്കുക എന്നതാണ് ഏതൊരു നിക്ഷേപകനെ സംബന്ധിച്ചും പ്രധാനപ്പെട്ട കാര്യം. ഇത് കുറഞ്ഞ സമയത്തിനുള്ളിലായാൽ അത്രയും സന്തോഷം. എങ്കിൽ ഇതാ നിങ്ങളുടെ നിക്ഷേപത്തിന്റെ വാർഷിക പലിശ നിരക്ക് ഉപയോ ഗിച്ച് എത്ര വർഷത്തിനുള്ളിൽ നിക്ഷേപ തുകയുടെ ഇരട്ടി നേടാനാകും എന്ന് കണ്ടെത്താം.

റൂൾ 72

റൂൾ 72 ഉപയോഗിച്ചാണ് ഇരട്ടി നേട്ടാം എപ്പോൾ ലഭിക്കുമെന്ന് കണ്ടെത്തേണ്ടത്. അതായത് 72നെ നിക്ഷേപത്തിന്റെ വാർഷിക പലിശ നിരക്ക് കൊണ്ട് ഹരിച്ചാൽ നിങ്ങളുടെ നിക്ഷേപം ഇരട്ടിയാകാനെടുക്കുന്ന സമയം കണ്ടെത്താം. നിങ്ങൾ 50000 രൂപ 8 ശതമാനം പലിശയ്ക്ക് നിക്ഷേപിച്ചുവെന്ന് കരുതുക. നിക്ഷേപം ഇരട്ടിയാകാനെടുക്കുന്ന കാലാവധി 9 വർഷമാകും ( 72നെ 8 കൊണ്ട് ഹരിച്ചാൽ ലഭിക്കുന്നത് 9 ആണ്). 9 വർഷം പൂർത്തിയാകുമ്പോൾ നിങ്ങൾ നിക്ഷേപിച്ച തുക ഒരു ലക്ഷമായിട്ടുണ്ടാകും.

ഓഹരി വിപണി

സ്റ്റോക്ക് മാർക്കറ്റ് നിക്ഷേപം നിങ്ങളുടെ സമ്പത്ത് വേ ഗത്തിൽ വർദ്ധിപ്പിക്കാനുള്ള സാധ്യത കൂടുതലാണ്. 5 വർഷത്തിനുള്ളിൽ മികച്ച നേട്ടമുണ്ടാക്കാൻ പറ്റുന്ന നിക്ഷേപ മാർ ഗമാണ് ലാർജ് ക്യാപ് ഫണ്ട്സ്.

കിസാൻ വികാസ് പത്ര

ധനകാര്യ മന്ത്രാലയത്തിന്റെ പ്രഖ്യാപനങ്ങളെ അടിസ്ഥാനമാക്കി പലിശ നിരക്കിന് മാറ്റം വരുത്തുന്ന നിക്ഷേപ മാർ ഗമാണ് കിസാൻ വികാസ് പത്ര. 7.7 ശതമാനമാണ് നിലവിലെ പലിശ നിരക്ക്. 72 റൂൾ അനുസരിച്ച് നിലവിലെ പലിശ നിരക്ക് അനുസരിച്ച് 9 വർഷവും 3 മാസവുമാണ് കിസാൻ വികാസ് പത്രയിൽ നിക്ഷേപിക്കുന്ന തുക ഇരട്ടിയാകാനെടുക്കുന്ന കാലയളവ്.

ഫിക്സഡ് ഡിപ്പോസിറ്റ്

സുരക്ഷിതത്വം ഉറപ്പുള്ള നിക്ഷേപ മാർഗമാണ് സ്ഥിര നിക്ഷേപങ്ങൾ. ഓരോ ബാങ്കുകളുടെയും പലിശ നിരക്കിനും കാലാവധിയ്ക്കുമനുസരിച്ച് എഫ്ഡിയുടെ നേട്ടങ്ങളിൽ വ്യത്യാസം വരാം. 7 ശതമാനം പലിശ ലഭിക്കുന്ന എഫ്ഡിയിലാണ് നിങ്ങൾ പണം നിക്ഷേപിച്ചതെങ്കിൽ 10 വർഷവും മൂന്ന് മാസവും (72/7 = 10.3) കൊണ്ടാകും നിക്ഷേപ തുക ഇരട്ടിയാകുക.

malayalam.goodreturns.in