മാസം 10000 രൂപ മിച്ചം വയ്ക്കാനുണ്ടോ? കൂടുതൽ നേട്ടമുണ്ടാക്കാൻ എവിടെയൊക്കെ നിക്ഷേപിക്കാം?

ഇക്വിറ്റി മ്യൂച്വൽ ഫണ്ട്

ഈക്വിറ്റി മ്യൂച്വൽ ഫണ്ടുകൾ ഒരു മികച്ച ദീർഘകാല നിക്ഷേപമല്ല. എന്നാൽ പണം സമ്പാദിക്കാനുള്ള മികച്ച മാർഗങ്ങളിൽ ഒന്ന് ഇക്വിറ്റി മ്യൂച്വൽ ഫണ്ട്. നിങ്ങൾ ഒരു ഫണ്ട് വാങ്ങുന്നതിനായി ഓരോ മാസവും അല്ലെങ്കിൽ ഓരോ ത്രൈമാസവും സിപ് രീതിയിൽ ഒരു നിശ്ചിത തുക നിക്ഷേപിക്കുകയാണ് വേണ്ടത്. സിപ് വഴി ആകുമ്പോൾ നിങ്ങളുടെ പ്രതിമാസ അടവ് ബാങ്ക് അക്കൗണ്ടിൽ നിന്ന് ഡെബിറ്റ് ചെയ്യുകയും തിരഞ്ഞെടുത്ത മ്യൂച്വൽ ഫണ്ടിലെ നിക്ഷേപത്തിൽ നിക്ഷേപിക്കുകയും ചെയ്യും. 12 മാസത്തിന് ശേഷം നിങ്ങളുടെ ഓഹരി വിൽക്കുകയാണെങ്കിൽ, ലഭിക്കുന്ന ലാഭം നികുതി രഹിതമായിരിക്കും. നിക്ഷേപത്തിന്റെ റിസ്ക്ക് കുറയ്ക്കാൻ 3 മുതൽ 5 വർഷം വരെയുള്ള കാലാവധികൾ തിരഞ്ഞെടുക്കുന്നതാണ് നല്ലത്.

ഓഹരികൾ വാങ്ങുക

ഇക്വിറ്റി മാർക്കറ്റ് റിസ്ക്ക് എടുക്കാൻ താത്പര്യമുള്ളവർക്ക് പറ്റിയ നിക്ഷേപ മാർ​ഗമാണ്. പെട്ടെന്ന് കാശുണ്ടാക്കാനും പെട്ടന്ന് കാശ് നഷ്ട്ടപെടാനും സാധ്യതയുള്ള നിക്ഷേപ മാർ​ഗമാണ്. നിക്ഷേപം നടത്തുമ്പോൾ കമ്പനികളുടെ സാമ്പത്തിക ചരിത്രം പരിശോധിക്കുന്നത് നഷ്ട്ട സാധ്യതകൾ കുറയ്ക്കും. തുടക്കക്കാരെ സംബന്ധിച്ച് 5,000 മുതൽ 10,000 വരെയുള്ള നിക്ഷേപം നടത്തുന്നതാണ് ലാഭകരം.

സ്വർണ നിക്ഷേപം

ഇന്ത്യാക്കാർക്കിടയിലെ പരമ്പരാഗത നിക്ഷേപ പദ്ധതികളിലൊന്നാണ് സ്വർണ നിക്ഷേപം. വിപണിയിലെ അസ്ഥിരത വലിയ തോതിൽ ബാധിക്കാത്തതും സുരക്ഷിതവുമായ നിക്ഷേപ മാർ​ഗമാണിത്. കഴിഞ്ഞ കുറച്ചു കാലങ്ങളായി സ്വർണവില ക്രമാനുഗതമായി വളർന്നു കൊണ്ടിരിക്കുകയാണ്. ഹോൾമാർക്ക് ചെയ്ത ആഭരണങ്ങളായും നാണയങ്ങളായും സ്വർണ ബിസ്ക്കറ്റുകളായും നിക്ഷേപം നടത്താവുന്നതാണ്.

ഫിക്സഡ് ഡിപ്പോസിറ്റ്

നിങ്ങൾ റിസ്ക് എടുക്കാൻ താത്പര്യമില്ലാത്തയാളും പരമ്പരാ​ഗത നിക്ഷേപ മാർ​ഗങ്ങളിൽ വിശ്വസിക്കുന്നയാളുമാണെങ്കിൽ ഫിക്സഡ് ഡിപ്പോസിറ്റാണ് മികച്ച നിക്ഷേപ മാർ​ഗം. മിതമായ വരുമാനം വാ​ഗ്ദാനം ചെയ്യുന്ന പദ്ധതിയാണിത്. നിലവിലുള്ള വിപണി സാഹചര്യത്തിൽ 7 ശതമാനം വരെ പലിശ ലഭിക്കും. പണം കാലാവധി പൂർത്തിയായാൽ ഉടൻ തിരികെ ലഭിക്കുമെന്നതാണ് ഫിക്സഡ് ഡിപ്പോസിറ്റിന്റെ മറ്റൊരു നേട്ടം. ബാങ്ക് സേവിം​ഗ്സ് നിക്ഷേപത്തേക്കാൾ പലിശ കൂടുതൽ ലഭിക്കുന്നത് ഫിക്സ്ഡ് ഡിപ്പോസിറ്റിനാണ്.

ടേം ലൈഫ് ഇൻഷുറൻസ്

നിങ്ങൾ ഇതുവരെ ഒരു ലൈഫ് ഇൻഷുറൻസ് പോളിസി എടുത്തിട്ടില്ലെങ്കിൽ അനുയോജ്യമായ ടേം ഇൻഷുറൻസ് പ്ലാൻ തിര‍ഞ്ഞെടുക്കുന്നതാണ് നല്ലത്. നിങ്ങൾ 25 വയസുള്ള ശമ്പളക്കാരനായ വ്യക്തിയാണെങ്കിൽ, നിങ്ങൾക്ക് 1 കോടി രൂപ വരെയുള്ള ഇൻഷുറൻസ് പ്ലാൻ തിര‍ഞ്ഞെടുക്കാവുന്നതാണ്. പ്രതിവർഷം 10000 രൂപ പ്രീമിയം അടച്ചാൽ മതി. കുടുംബാം​ഗങ്ങൾക്ക് വളരെ ഉപകാരപ്പെടുന്ന നിക്ഷേപ മാർ​ഗങ്ങളിലാന്നാണിത്.