മാസം 5000 രൂപ മാറ്റി വയ്ക്കാനുണ്ടോ? 20 വർഷം കൊണ്ട് കാശുണ്ടാക്കാനുള്ള വഴിയിതാണ്

മ്യൂച്വൽ ഫണ്ട് നിക്ഷേപം

ദീർഘകാല നിക്ഷേപവും മികച്ച നേട്ടവും ആ​ഗ്രഹിക്കുന്നവർക്ക് പറ്റിയ നിക്ഷേപ മാർ​ഗങ്ങളിലൊന്നാണ് മ്യൂച്വൽ ഫണ്ടുകൾ. നിക്ഷേപകരിൽ നിന്ന് ചെറിയ നിക്ഷേപങ്ങൾ സ്വീകരിച്ച് അവ സമാഹരിച്ച് അവർക്കു വേണ്ടി പലതരത്തിലുള്ള ഓഹരികളിൽ നിക്ഷേപിച്ച് ലാഭം ഉണ്ടാക്കുന്ന രീതിയാണ് മ്യൂച്വൽ ഫണ്ടുകളുടേത്. മ്യൂച്വൽ ഫണ്ട് നിക്ഷേപം നടത്താൻ നിശ്ചിത പ്രായപരിധിയില്ല. എപ്പോൾ വേണമെങ്കിലും നിക്ഷേപകർക്ക് മ്യൂച്വൽ ഫണ്ട് നിക്ഷേപം നടത്തി തുടങ്ങാം.

മികച്ച നിക്ഷേപം ഏത്?

മ്യൂച്വൽ ഫണ്ടുകൾ വഴി ഇക്വിറ്റികളിലാണ് നിങ്ങൾ പണം നിക്ഷേപിക്കുന്നത്. ഇക്വിറ്റി ഉയർന്ന അപകടസാധ്യതയുള്ളതും എന്നാൽ ഉയർന്ന വരുമാനം വാ​ഗ്ദാനം ചെയ്യുന്നതുമായ വിഭാഗത്തിന് കീഴിലാണ്. എന്നാൽ 20 വർഷമോ അതിന് മുകളിലോ കാലാവധികൾ തിരഞ്ഞെടുക്കുന്നവർക്ക് മികച്ച ലാഭമുണ്ടാകാൻ സാധ്യത കൂടുതലാണ്. മാസം 5000 രൂപ നിക്ഷേപിക്കാൻ കഴിയുന്നവരും 20 വർഷം വരെ റിട്ടേണിനായി കാത്തിരിക്കാൻ തയ്യാറുള്ളവരും മൾട്ടി ക്യാപ് ഫണ്ടുകളിൽ നിക്ഷേപം നടത്തുന്നതാണ് നല്ലത്.

മൾട്ടി ക്യാപ് ഫണ്ടുകൾ

വൈവിദ്ധ്യമുള്ളത് ഇക്വിറ്റി ഫണ്ടുകളാണ് മൾട്ടി-ക്യാപ് അല്ലെങ്കിൽ ഫ്ലെക്സി ക്യാപ് ഫണ്ടുകൾ എന്നും അറിയപ്പെടുന്നത്. ആദിത്യ ബിർള സൺ ലൈഫ് ഇക്വിറ്റി ഫണ്ട്, കൊട്ടക് സ്റ്റാൻഡേർഡ് മൾട്ടികാപ്പ് ഫണ്ട്, എസ്‌ബി‌ഐ മാഗ്നം മൾട്ടികാപ്പ് ഫണ്ട് എന്നിവയൊക്കെ മികച്ച നിക്ഷേപ ഓപ്ഷനായി നിങ്ങൾക്ക് പരിഗണിക്കാവുന്നതാണ്. ചുരുങ്ങിയത് മൂന്നുവർഷമെങ്കിലും നിക്ഷേപ കാലയളവ് ഉണ്ടെങ്കിലാണ് ഇക്വിറ്റി ഫണ്ടുകൾ ഇണങ്ങുക.

ഡിവി‍ന്റ് ഓപ്ഷൻ ഒഴിവാക്കുക

നിക്ഷേപകർ വളർച്ചാ ഓപ്ഷനിൽ ശ്രദ്ധ കേന്ദ്രീകരിച്ച് ഡിവിഡന്റ് ഓപ്ഷൻ ഒഴിവാക്കുന്നതാണ് നല്ലത് ദീഘകാല നിക്ഷേങ്ങൾ നടത്തുമ്പോൾ ഇക്വിറ്റി നിക്ഷേപങ്ങളുടെ വാർഷിക അവലോകനം പ്രധാനമാണ്. നിങ്ങളുടെ ലക്ഷ്യത്തിലെത്താൻ ചുരുങ്ങിയത് ഒരു വർഷമേ ബാക്കിയുള്ളൂ എങ്കിൽ ഹ്രസ്വകാല നിക്ഷേപമാർഗങ്ങളാണ് ഉചിതം. മൂന്നുവർഷമെങ്കിലും ഇനി അവശേഷിക്കുന്നുണ്ടെങ്കിൽ ‘മിഡ് ടേം' നിക്ഷേപ മാർഗങ്ങൾ സ്വീകരിക്കാം. മൂന്നുവർഷത്തിൽ കൂടുതൽ കാലയളവ് ഉണ്ടെങ്കിൽ ദീർഘകാല നിക്ഷേപ മാർഗങ്ങളാണ് ഉചിതം.