ന്യൂജെൻ പിള്ളേർ കാശ് ധൂർത്തടിക്കുന്നവരല്ല; പിന്നെ ശമ്പളം ചെലവാക്കുന്നത് എന്തിന്?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പുതുതലമുറക്കാർ കാശ് ധൂർത്തടിക്കുന്നവരാണെന്നാണ് പൊതുവിലുള്ള ധാരണ. എന്നാൽ ഇനി ഇത്തരം പരാമർശങ്ങൾ നടത്താൻ വരട്ടെ. 2019ലെ ആസ്പിരേഷൻ ഇൻഡക്സ് സർവ്വേ റിപ്പോർട്ട് അനുസരിച്ച് ഇന്ത്യയിലെ ചെറുപ്പക്കാർ ധൂർത്തടിക്കാരല്ലെന്നാണ് വിവരം.12 ഇന്ത്യൻ നഗരങ്ങളിൽ നിന്നായി 22 നും 45 നും ഇടയിൽ പ്രായമുള്ള 1,800 ൽ അധികം ഇന്ത്യക്കാരിലാണ് സർവ്വേ നടത്തിയത്. ആരോഗ്യം, സമ്പത്ത്, പ്രശസ്തി, വ്യക്തിഗത വളർച്ച, ബന്ധങ്ങൾ, പ്രതിഛായ എന്നിവയുടെ അടിസ്ഥാനത്തിലാണ് സർവ്വേ നടത്തിയിരിക്കുന്നത്.

 

പ്രായം കുറഞ്ഞ ജോലിക്കാർ

പ്രായം കുറഞ്ഞ ജോലിക്കാർ

പ്രായം കുറഞ്ഞ ജോലിക്കാർ ലഭിക്കുന്ന ശമ്പളത്തിന്റെ ഭൂരിഭാ​ഗവും മുൻഗണന നൽകുന്നത് അവരുടെ പ്രതിഛായയ്ക്കും ആരോഗ്യത്തിനും സമ്പത്തിനും. ശമ്പളത്തിന്റെ ഭൂരിഭാ​ഗവും ഉപയോ​ഗിക്കുന്നതും ഇക്കാര്യങ്ങൾക്ക് തന്നെയാണ്. പ്രായം കുറഞ്ഞ ജോലിക്കാർ അവരുടെ പ്രതിമാസ ശമ്പളത്തിന്റെ 40% സേവിംഗിനായി നീക്കിവച്ചിരിക്കുന്നുവെന്നാണ് സർവ്വേ റിപ്പോർട്ടിൽ വ്യക്തമാക്കിയിരിക്കുന്നത്. ഇത് ദേശീയ ശരാശരിയായ 38% നേക്കാൾ കൂടുതലാണ്. 22 വയസ്സിനും 27 വയസ്സിനും ഇടയിൽ പ്രായം ഉള്ളവരാണ് ഈ വിഭാ​ഗത്തിൽപ്പെടുന്നത്.

തുടക്കക്കാരുടെ ലക്ഷ്യം

തുടക്കക്കാരുടെ ലക്ഷ്യം

തുടക്കക്കാർ ഏറ്റവും പ്രധാനപ്പെട്ടതായി കരുതുന്ന മൂന്ന് സാമ്പത്തിക ലക്ഷ്യങ്ങൾ താഴെ പറയുന്നവയാണ്.

  • വീട് വാങ്ങുക
  • അവരവരുടെ മേഖലയിലെ വിദഗ്ദ്ധനായി മാറുക
  • കുട്ടികളുടെ വിദ്യാഭ്യാസത്തിനായി നിക്ഷേപിക്കുക
  • 90.8 ശതമാനം പേർ വീട് വാങ്ങാനാണ് ആ​ഗ്രഹിക്കുന്നത്. 90.3 ശതമാനം പേരാണ് കരിയറിൽ കൂടുതൽ ശ്രദ്ധ കേന്ദ്രീകരിക്കുന്നത്. 90.9 ശതമാനം പേർ കുട്ടികളുടെ വിദ്യാഭ്യാസത്തിനായാണ് പണം നിക്ഷേപിക്കുന്നത്.
    ഈ നിമിഷത്തിൽ ജീവിക്കുന്നവർ

    ഈ നിമിഷത്തിൽ ജീവിക്കുന്നവർ

    പുതുതലമുറക്കാരിൽ ഒരു വിഭാ​ഗം ഈ നിമിഷത്തിൽ ജീവിക്കാനാ​ഗ്രഹിക്കുന്നവരാണ്. അതായത് പരമാവധി സന്തോഷം കണ്ടെത്താൻ പണം ചെലവഴിക്കുന്നവർ. ഇവർ കൂടുതൽ പേരും പ്രാധാന്യം നൽകുന്നത് ദീർഘകാല സുഹൃദ്‌ബന്ധങ്ങൾക്കും (90.3 ശതമാനം), മാനസികമായി ആരോഗ്യവാനായിരിക്കാനും (89.6), ലോകമെമ്പാടും സഞ്ചരിക്കാനും (89.4) ആയിരിക്കും. ചെറുപ്പക്കാർ ആരോ​ഗ്യത്തിനും പ്രാധാന്യം നൽകുന്നവരാണ്. ആരോഗ്യകരമായ ഒരു ജീവിതശൈലി പിന്തുടരേണ്ടതിന്റെ പ്രാധാന്യം ചെറുപ്പക്കാരിൽ ഭൂരിഭാഗവും തിരിച്ചറിഞ്ഞിട്ടുണ്ടെന്നും എന്നാൽ അത് പ്രാവർത്തികമാക്കുന്നതിൽ ആത്മവിശ്വാസം കുറവാണെന്നും റിപ്പോർട്ടിൽ പറയുന്നു.

    ജ്വല്ലറികളിൽ സ്വർണത്തിന് മുൻകൂട്ടി കാശ് നിക്ഷേപിച്ചിട്ടുണ്ടോ? ഇത്തരം പദ്ധതികൾ ഉടൻ നിരോധിക്കുംജ്വല്ലറികളിൽ സ്വർണത്തിന് മുൻകൂട്ടി കാശ് നിക്ഷേപിച്ചിട്ടുണ്ടോ? ഇത്തരം പദ്ധതികൾ ഉടൻ നിരോധിക്കും

    ഉയർന്ന ജീവിത ചെലവ്

    ഉയർന്ന ജീവിത ചെലവ്

    ഇന്ത്യയിലെ ചെറുപ്പക്കാരായ പ്രൊഫഷണലുകൾ ഇമേജിന് വളരെ പ്രാധാന്യം കൽപ്പിക്കുന്നവരാണ്. പ്രതിഛായ നിലനിർത്തുന്നതിനായി ഉയർന്ന വരുമാനത്തിന്റെ വലിയൊരു ഭാഗം ജീവിതച്ചെലവുകൾക്ക് ഉപയോ​ഗിക്കുന്നവരും കൂടുതലാണ്. എന്നാൽ ഉയർന്ന ജീവിതച്ചെലവ് തങ്ങളുടെ ലക്ഷ്യങ്ങൾ കൈവരിക്കുന്നതിനെ മന്ദഗതിയിലാക്കുന്നു. 39% ആളുകളാണ് ഇമേജിന് പ്രാധാന്യം നൽകുന്നത്.

    ഒരു വർഷത്തെ നിങ്ങളുടെ കറണ്ട് ബിൽ എത്രയാണ്? കാശ് കൂടുതൽ ചെലവാക്കുന്നവർക്ക് മുട്ടൻ പണി വരുന്നുഒരു വർഷത്തെ നിങ്ങളുടെ കറണ്ട് ബിൽ എത്രയാണ്? കാശ് കൂടുതൽ ചെലവാക്കുന്നവർക്ക് മുട്ടൻ പണി വരുന്നു

    റിട്ടയർമെന്റ് ആസൂത്രണം

    റിട്ടയർമെന്റ് ആസൂത്രണം

    ചെറുപ്പക്കാരിൽ റിട്ടയർമെന്റിനായി പണം മാറ്റി വയ്ക്കുന്നവരുടെ എണ്ണം വളരെ കുറവാണ്. സർവ്വേ റിപ്പോർട്ട് അനുസരിച്ച് 46% പേർ മാത്രമാണ് വിരമിക്കലിനായി പണം മാറ്റി വയ്ക്കുന്നത്. ഇത് ദേശീയ ശരാശരിയായ 52% നേക്കാൾ കുറവാണ്. കൂടാതെ ഓൺലൈനിൽ പണമിടപാട് നടത്തുന്നവരാണ് പുതുതലമുറക്കാരിൽ അധികവും. കൂടാതെ യുവാക്കളിൽ 76% പേരും ക്രെഡിറ്റ് കാർഡുകൾ പതിവായി ഉപയോഗിക്കുന്നവരാണ്.

    കടത്തില്‍ മുങ്ങിയിരിക്കുകയാണോ നിങ്ങള്‍; കരകയറാന്‍ ഈ വഴികള്‍ പരീക്ഷിക്കൂ...കടത്തില്‍ മുങ്ങിയിരിക്കുകയാണോ നിങ്ങള്‍; കരകയറാന്‍ ഈ വഴികള്‍ പരീക്ഷിക്കൂ...

malayalam.goodreturns.in

English summary

ന്യൂജെൻ പിള്ളേർ കാശ് ധൂർത്തടിക്കുന്നവരല്ല; പിന്നെ ശമ്പളം ചെലവാക്കുന്നത് എന്തിന്?

The survey conducted more than 1,800 Indians aged between 22 and 45 from 12 Indian cities. Read in malayalam.
Story first published: Friday, August 2, 2019, 7:33 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X