ഫിക്സഡ് ഡിപ്പോസിറ്റിന് 8.5 ശതമാനം പലിശ ലഭിക്കും; നിക്ഷേപിക്കേണ്ടത് എവിടെ?

മുതിർന്ന പൗരന്മാർക്ക് ഏറ്റവും കൂടുതൽ മുൻഗണന നൽകുന്ന നിക്ഷേപ മാർ​ഗമാണ് സ്ഥിര നിക്ഷേപങ്ങൾ (എഫ്ഡി). കാരണം അവർ ഉയർന്ന പലിശനിരക്കും നികുതി ആനുകൂല്യങ്ങളുമാണ് ഇവ വാ​ഗ്ദാനം ചെയ്യുന്നത്. സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ), ഐ‌സി‌ഐ‌സി‌ഐ ബാങ്ക്, എച്ച്ഡി‌എഫ്സി ബാങ്ക്, ആക്സിസ് ബാങ്ക് തുടങ്ങി എല്ലാ മുൻ‌നിര ബാങ്കുകളും മുതിർന്ന ഉപയോക്താക്കൾക്ക് 50 ബേസിസ് പോയിൻറ് പലിശ അധികമായി നൽകുന്നു.

കാലാവധി

റിസർവ് ബാങ്ക് റിപ്പോ നിരക്ക് കുറയ്ക്കുന്നതിന് അനുസരിച്ച് മിക്ക ബാങ്കുകളും പലിശനിരക്ക് കുറയ്ക്കുകയാണ്. മുതിർന്ന പൗരന്മാരുടെ എഫ്ഡി പലിശയെയും ഇത് ബാധിക്കുന്നു. മുതിർന്ന പൗരന്മാർക്ക് 7 ദിവസം മുതൽ 10 വർഷം വരെ ഇത്തരത്തിൽ എഫ്ഡിയിൽ നിക്ഷേപിക്കാം. എഫ്ഡി നേരത്തേ പിൻവലിക്കാനുള്ള സൗകര്യമുണ്ട്. ഡിസിബി ബാങ്ക്, ഐഡിഎഫ്സി ഫസ്റ്റ് ബാങ്ക്, എയു സ്മോൾ ഫിനാൻസ് ബാങ്ക് എന്നിവ മുതിർന്ന പൗരന്മാർക്ക് നൽകുന്ന എഫ്ഡി പലിശ നിരക്കുകൾ പരിശോധിക്കാം.

ഐഡിഎഫ്സി ഫസ്റ്റ് ബാങ്ക്

മുതിർന്ന പൗരന്മാർക്ക് 1 വർഷം മുതൽ 10 വർഷം വരെ കാലാവധി പൂർത്തിയാകുന്ന നിക്ഷേപങ്ങൾക്ക് ഐഡിഎഫ്സി ഫസ്റ്റ് ബാങ്ക് 4.50 ശതമാനം മുതൽ 8.50 ശതമാനം വരെ പലിശ നൽകുന്നു. ഓഗസ്റ്റ് 21 മുതലാണ് പുതുക്കിയ നിരക്കുകൾ പ്രാബല്യത്തിൽ വന്നത്. ഒരു വർഷവും രണ്ട് വർഷവും പൂർത്തിയാകുന്ന നിക്ഷേപങ്ങൾക്ക് 8.5% പലിശ ലഭിക്കും.

ഡിസിബി ബാങ്ക്

ഡിസിബി ബാങ്ക് ഉപഭോക്താക്കൾക്ക് ഒന്നിലധികം സ്ഥിര നിക്ഷേപ ഓപ്ഷനുകൾ വാഗ്ദാനം ചെയ്യുന്നുണ്ട്. ഡിസിബി ബാങ്കിന്റെ സേവിംഗ് ഡെപ്പോസിറ്റുകളെ അപേക്ഷിച്ച് ഉയർന്ന പലിശനിരക്കാണ് എഫ്ഡികൾക്ക് വാ​ഗ്ദാനം ചെയ്യുന്നത്. മുതിർന്ന പൗരന്മാർക്ക് 5.90% മുതൽ 8.50% വരെ ബാങ്ക് പലിശ വാഗ്ദാനം ചെയ്യുന്നു. 3 വർഷത്തെ നിക്ഷേപത്തിനാണ് ഏറ്റവും ഉയർന്ന പലിശ നിരക്ക്. മൂന്ന് വർഷത്തെ മെച്യൂരിറ്റി കാലയളവിൽ, മുതിർന്ന പൗരന്മാർക്ക് ഡിസിബി 8.5 ശതമാനം പലിശയാണ് നൽകുന്നത്.

എയു സ്മോൾ ഫിനാൻസ് ബാങ്ക്

മികച്ച വായ്പ നൽകുന്നവരുമായി താരതമ്യപ്പെടുത്തുമ്പോൾ, ചെറുകിട ധനകാര്യ ബാങ്കുകൾ സേവിം​ഗ്സ്, എഫ്ഡി അക്കൗണ്ടുകൾക്കും താരതമ്യേന ഉയർന്ന പലിശനിരക്ക് വാഗ്ദാനം ചെയ്യുന്നു. എയു സ്മോൾ ഫിനാൻസ് ബാങ്ക് നിക്ഷേപങ്ങളുടെ പലിശ നിരക്ക് 6.00% മുതൽ 8.60% വരെയാണ്. 15 മാസം 1 ദിവസം മുതൽ ഒന്നര വർഷം വരെ കാലാവധി പൂർത്തിയാകുന്ന എഫ്ഡികൾക്കാണ് എയു സ്മോൾ ഫിനാൻസ് ബാങ്ക് ഏറ്റവും ഉയർന്ന പലിശ നിരക്കായ 8.60 ശതമാനം വാഗ്ദാനം ചെയ്യുന്നത്. മെച്യൂരിറ്റി കാലയളവ് 2 വർഷവും 3 വർഷവും ഉള്ള നിക്ഷേപങ്ങൾക്ക് ബാങ്ക് 10 ബേസിസ് പോയിൻറ് കുറഞ്ഞ പലിശ വാഗ്ദാനം ചെയ്യുന്നു. 24 മാസവും 1 ദിവസം മുതൽ 36 മാസം വരെ കാലാവധി പൂർത്തിയാകുന്ന എഫ്ഡിക്ക്, ബാങ്ക് 8.50% നൽകുന്നു.

malayalam.goodreturns.in