പേടിക്കേണ്ട, നിങ്ങൾ ഇങ്ങനെ ഉണ്ടാക്കുന്ന കാശിന് സർക്കാരിന് നികുതി നൽകേണ്ട

നികുതി നൽകേണ്ടതില്ലാത്ത ചില വരുമാന സ്രോതസ്സുകളെക്കുറിച്ച് പലർക്കും അറിയില്ല. ഒരു തരത്തിലുള്ള ആദായനികുതിയും ആകർഷിക്കാത്ത ചില തരം വരുമാനങ്ങളുണ്ട്. കാർഷിക വരുമാനം, ഹിന്ദു അവിഭക്ത കുടുംബത്തിൽ നിന്നുള്ള രസീതുകൾ, ഒരു പങ്കാളിത്ത സ്ഥാപനത്തിൽ നിന്നുള്ള ഓഹരികൾ, ഗ്രാറ്റുവിറ്റിയിൽ നിന്നുള്ള വരുമാനം, ദീർഘകാല മൂലധന നേട്ടം എന്നിവയിൽ നിന്നുള്ള വരുമാനങ്ങൾക്ക് നിങ്ങൾ നികുതി നൽകേണ്ടതില്ല.

കാർഷിക വരുമാനം

1961 ലെ ആദായനികുതി നിയമത്തിലെ സെക്ഷൻ 10 (1) പ്രകാരം കാർഷിക വരുമാനം പൂർണമായും നികുതിയിൽ നിന്ന് ഒഴിവാക്കിയിരിക്കുന്നു. എന്നിരുന്നാലും, ചില സാഹചര്യങ്ങളിൽ, കാർഷിക വരുമാനത്തെ കാർഷികേതര വരുമാനവുമായി സംയോജിപ്പിച്ച് കാർഷിക വരുമാനത്തിന് പരോക്ഷമായി നികുതി ചുമത്താറുമുണ്ട്.

പാരമ്പര്യ സ്വത്ത്

ഒരു ഹിന്ദു അവിഭക്ത കുടുംബത്തിലെ (HUF) അംഗമായി ലഭിച്ചതോ പാരമ്പര്യമായി ലഭിച്ചതോ ആയ പണം ആദായനികുതി ബാധ്യതയിൽ നിന്ന് ഒഴിവാക്കിയിട്ടുണ്ട്. 1961 ലെ ആദായനികുതി നിയമത്തിലെ സെക്ഷൻ 10 (2) അനുസരിച്ച്, കുടുംബ വരുമാനത്തിൽ നിന്ന് ലഭിച്ച തുക അല്ലെങ്കിൽ എസ്‌യു‌എഫിലെ ഏതെങ്കിലും അംഗം ഫാമിലി എസ്റ്റേറ്റിന്റെ വരുമാനത്തിൽ നിന്ന് സ്വീകരിക്കുന്ന തുക നികുതിയിൽ നിന്ന് ഒഴിവാക്കിയിരിക്കുന്നു.

പങ്കാളിത്ത സ്ഥാപനത്തിൽ നിന്നുള്ള ഓഹരികൾ

നിങ്ങൾ ഒരു പങ്കാളിത്ത സ്ഥാപനത്തിലെ പങ്കാളിയാണെങ്കിൽ, ആദായനികുതി നിയമത്തിലെ സെക്ഷൻ 10 (2) പ്രകാരം, സ്ഥാപനത്തിന്റെ മൊത്തം വരുമാനത്തിൽ നിങ്ങൾക്കുള്ള ഷെയറുകളെ ആദായനികുതിയിൽ നിന്ന് ഒഴിവാക്കിയിരിക്കുന്നു. കൂടാതെ, ഏതെങ്കിലും പങ്കാളിത്ത സ്ഥാപനത്തിൽ നിന്ന് ഒഴിവാക്കിയിട്ടുള്ള വരുമാനത്തിന് നികുതി നൽകാൻ ഏതെങ്കിലും പങ്കാളിയോ പങ്കാളികളോ ബാധ്യസ്ഥരല്ല. മൂലധനത്തിനായുള്ള പലിശയോ പങ്കാളിക്ക് ലഭിക്കുന്ന പ്രതിഫലമോ ഒഴിവാക്കപ്പെടുന്നില്ല എന്നത് ശ്രദ്ധിക്കേണ്ടതാണ്.

ഗ്രാറ്റുവിറ്റിയിൽ നിന്നുള്ള വരുമാനം

ഗ്രാറ്റുവിറ്റി എന്നത് ഒരു ജീവനക്കാരൻ തന്റെ തൊഴിലുടമയിൽ നിന്ന് ഓർഗനൈസേഷന് നൽകുന്ന സേവനങ്ങൾക്കായി സ്വീകരിക്കുന്ന ഒരു ആനുകൂല്യമാണ്. പേയ്‌മെന്റ് ഓഫ് ഗ്രാറ്റുവിറ്റി ആക്റ്റ് 1972 പ്രകാരം, ജീവനക്കാർ 5 വർഷത്തിലേറെയായി ഒരു കമ്പനിയിൽ ജോലി ചെയ്തിട്ടുണ്ടെങ്കിൽ അവരുടെ തൊഴിലുടമ അവർക്ക് നൽകേണ്ട തുകയാണ് ​ഗ്രാറ്റുവിറ്റി. ഒരു സർക്കാർ ഉദ്യോഗസ്ഥന് ലഭിക്കുന്ന ഗ്രാറ്റുവിറ്റി പൂർണമായും നികുതിരഹിതമാണ്.

ലോംഗ് ടേം ക്യാപിറ്റൽ ഗെയിൻസ് (എൽ‌ടി‌സി‌ജി)

ഒരു പ്രോപ്പർ‌ട്ടി വിൽ‌ക്കുന്നതിലൂടെയോ ഇക്വിറ്റി അല്ലെങ്കിൽ‌ ഇക്വിറ്റി ഓറിയന്റഡ് ഫണ്ടുകളുടെ യൂണിറ്റുകൾ‌ വിൽ‌ക്കുന്നതിലൂടെയോ എൽ‌ടി‌സി‌ജി നേടുന്നു. 2018 ലെ ബജറ്റ് അനുസരിച്ച്, ഇക്വിറ്റി ഷെയറുകളോ ഇക്വിറ്റി ഓറിയന്റഡ് ഫണ്ടുകളുടെ യൂണിറ്റുകളോ വിൽക്കുന്ന എൽ‌ടി‌സിജിയെ പ്രതിവർഷം ഒരു ലക്ഷം രൂപ വരെ ആദായനികുതിയിൽ നിന്ന് ഒഴിവാക്കും.

malayalam.goodreturns.in